ໃນຍຸກປັດຈຸບັນເປັນໄປບໍ່ໄດ້ຖ້າຫາກໃຜບໍ່ມີສະມາດໂຟນ ຫຼື ຢູ່ໂດຍບໍ່ມີໂທລະສັບມືຖື ພຽງແຕ່ໄປກິນເຂົ້ານຳກັນໝູ່ເພື່ອນຍັງອັບເດດລົງໂຊຊ້ຽວເນັດເວີກ ຫຼື ຖ່າຍຮູບລົງອິນສະຕາແກຣມ ສ່ວນການເດີນທາງກໍ່ຄົງຈະຫຼົງທາງຖ້າບໍ່ມີ Google Map.

ອີງຕາມການສຳຫຼວດຂອງສູນຄົ້ນຄ້ວາ Pew Research Center ເຫັນວ່າ 46 ເປີເຊັນ ຂອງເຈົ້າຂອງໂທລະສັບມືຖື ຫຼື ສະມາດໂຟນບໍ່ສາມາດດຳລົງຊີວິດຢູ່ໄດ້ໂດຍຖ້າບໍ່ມີໂທລະສັບ.

ແຕ່ກໍ່ມີຫຼາຍວິທີທີ່ເຮົາສາມາດຫຼີກລ້ຽງຕົນເອງຈາກໂທລະສັບ ຫຼື ສະມາດໂຟນໄດ້ໂດຍບໍ່ຕ້ອງຮູ້ສຶກຖືກຕັດອອກຈາກໂລກພາຍນອກ ແລະ ຮູ້ສຶກເຈັບປວດຈາກອາການລົງແດງ.

1. ປິດລະບົບສັ່ນ

ຍອມຮັບວ່າເຮົາມັກຈະຈັບສະມາດໂຟນຂື້ນມາເບີ່ງເພື່ອເຊັກເບີ່ງວ່າມີໃຜແດ່ຕິດຕໍ່ມາ ຫຼື ວ່າມີຫັຍງແດ່ທີ່ອັບເດດໃນເຟສບຸກບໍ່? ເຫັນວ່າເຄີ່ງໜື່ງຂອງຜູ້ໃຊ້ສະມາດໂຟນ ມັກຈັບມືຖືຂື້ນມາເບີ່ງທຸກໆ ຊົ່ວໂມງ ຊື່ງການຈັບໂທລະສັບຂື້ນມາເບີ່ງເລື້ອຍໆ ຈະເຮັດໃຫ້ສະໝອງຂອງເຮົາຫຼັ່ງສານໂດປາມີນ ທີ່ເຮັດໃຫ້ເຮົາຕ້ອງການຫຼາຍຂື້ນ.

ເພື່ອໃຫ້ເຮົາຢຸດຂະບວນການເຫຼົ່ານັ້ນ ເຮົາຕ້ອງປິດການແຈ້ງເຕືອນທັງໝົດ ທີ່ຮຽກຮ້ອງຄວາມສົນໃຈ ເຖິງແມ່ນວ່າເຮົາຈະພາດການອ່ານຂໍ້ຄວາມທີ່ສຳຄັນບາງຢ່າງກໍ່ຕາມ ແຕ່ການເຮັດແບບນີ້ຈະຊ່ວຍຫຼຸດຜ່ອນຄວາມຮູ້ສຶກ ຂອງການສັ່ນສະເທືອນໂທລະສັບທ່ານໄດ້.

2. ບໍ່ສົນໃຈຕົວເລກເປີເຊັນຂອງແບັດເຕີຣີ້

ການກວດສອບໂທລະສັບຕະຫຼອດເວລາສາມາດເຮັດໃຫ້ເຮົາຮູ້ສຶກເຄັ່ງຕຶງໄດ້ ວ່າຄົນທີ່ເຮົາສົ່ງຂໍ້ ຄວາມຫາຈະຕອບກັບຄືນມາເມື່ອໃດ? ຍີ່ງໃຊ້ເວລາກັບໂທລະສັບຫຼາຍປານໃດ ແບດເຕີຣີ້ກໍ່ຍີ່ງຈະໝົດໄວ ແລະ ການແບັດເຕີຣີ້ໝົດໄປຢ່າງໄວວານັ້ນ ຈະເຮັດໃຫ້ເຮົາກັງວົນວ່າແບັດເຕີຣີ້ທີ່ເຫຼືອຈະຢູ່ລອດຕະຫຼອດມື້ ຫຼື ບໍ່? ເຫັນວ່າຈຳນວນເປີເຊັນແບັດເຕີຣີ້ນັ້ນຈະເຮັດໃຫ້ເຮົາຮູ້ສຶກເຄັ່ງຕຶງຂື້ນຕື່ມ.

ວິທີແກ້ໄຂແມ່ນເຂົ້າໄປປັບການຕັ້ງຄ່າເພື່ອໃຫ້ຈຳນວນເປີເຊັນບໍ່ຖືກສະແດງຢູ່ໜ້າຈໍ ໂດຍປະໄວ້ພຽງແຕ່ໄອຄອນແບັດເຕີຣີ້ເທົ່ານັ້ນ.

3. ເປີດໂໝດ Grayscale ເພື່ອເຮັດໃຫ້ໜ້າຈໍເປັນຂາວດຳ

ເພື່ອຢຸດພຶດຕິກຳເຫຼົ່ານັ້ນ ການເຮັດໃຫ້ໜ້າຈໍໂທລະສັບໃຫ້ມີສີສັນທີ່ເບີ່ງຈືດຈາງລົງ ເຮັດໃຫ້ເບິ່ງໜ້າສົນໃຈໜ້ອຍລົງ ເຖິງແມ່ນວ່າການເປີດໂໝດ Grayscale ຈະບໍ່ໄດ້ຫ້າມເຮົາຈາກການຫຼີ້ນເຟສບຸກ ແຕ່ວ່າມັນຈະເຮັດໃຫ້ເບິ່ງຄືໜ້າເບື່ອບໍ່ໜ້ອຍກັບສີສັນທີ່ຈືດສືດແບບນີ້.