ທາບທາມ ບຸກຄະລາກອນ ຄະນະບໍລິຫານງານພັກ ແຂວງຫລວງພະບາງ ສະໄໝທີ VIII ຮອບທີ 3

0
121

ວັນທີ 7 ກັນຍາ 2020 ທີ່ສະໂມສອນໃຫຍ່ ຫ້ອງວ່າການແຂວງຫລວງພະບາງ ໄດ້ຈັດກອງປະຊຸມ ປະກອບຄຳເຫັນໃສ່ ຮ່າງລາຍງານ ການເມືອງ, ຮ່າງແຜນພັດທະນາ ເສດຖະກິດ-ສັງຄົມ, ຮ່າງບົດສຳຫລວດ ການນຳພາລວມ ແລະ ທາບທາມບຸກຄະລາກອນ ຄະນະບໍໍລິຫານງານພັກ ແຂວງຫລວງພະບາງ ສະໄໝ ທີ VIII ຮອບທີ 3 ໂດຍການໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ກຳມະການກົມການ ເມືອງສູູນກາງພັກ, ນາຍົກລັດຖະມົນຕີ.

ທ່ານ ຄຳຂັນ ຈັນທະວິສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າ ແຂວງຫລວງພະບາງ ໄດ້ມີຄຳເຫັນວ່າ: ກອງປະຊຸມ ຄັ້ງນີ້, ຜູ້ແທນກອງປະຊຸມ ໄດ້ປະກອບຄໍາເຫັນໃສ່ ຮ່າງລາຍງານການເມືອງ, ຮ່າງແຜນພັດທະນາ ເສດຖະກິດ-ສັງຄົມ, ຮ່າງບົດສຳຫລວດ ການນຳພາລວມ ແລະ ທາບທາມບຸກຄະລາກອນ ຄະນະບໍໍລິຫານງານພັກ ແຂວງຫລວງພະບາງ ສະໄໝທີ VIII ຮອບທີ 3, ພ້ອມຮັບຟັງການລາຍງານ ຜົນການດຳເນີນ ກອງປະຊຸມ ຄົບຄະນະບໍລິຫານງານພັກ ແຂວງ ທ້າຍສະໄໝ VII ທີ່ສຳເລັດເມື່ອບໍ່ດົນມານີ້ຕື່ມອີກ.

ໃນກອງປະຊຸມ ຕາງໜ້າຄະນະບໍລິຫານງານ ພັກແຂວງສະໄໝ VII ໄດ້ຜ່ານຮ່າງບົດສຳຫລວດ ການນຳພາລວມ ແລະ ລາຍງານຜົນການດຳເນີນ ກອງປະຊຸມຄົບຄະນະ ບໍລິຫານງານພັກແຂວງ ທ້າຍສະໄໝ VII, ພ້ອມທັງສະເໜີ ມາດຖານເງື່ອນໄຂ ຜູ້ຮັບສະໝັກເລືອກຕັ້ງ ເປັນຄະນະບໍລິຫານ ງານພັກແຂວງ, ຄະນະປະຈຳພັກແຂວງ, ປະທານ-ຮອງປະທານກວດກາພັກ ແລະ ເລຂາ ຮອງເລຂາຄະນະ ບໍລິຫານງານພັກແຂວງ, ຈາກນັ້ນ ໄດ້ດຳເນີນ ການທາບທາມ ບຸກຄະລາກອນ, ຄະນະບໍໍລິຫານງານພັກແຂວງຫລວງພະບາງ ສະໄໝທີ VIII ຮອບທີ 3 ຢ່າງເປັນທາງການ, ໂດຍມີເປົ້າໝາຍ ສະໝັກເປັນຄະ ນະບໍລິຫານງານພັກແຂວງ 52 ທ່ານ, ຍິງ 6 ທ່ານ, ເລືອກເອົາ 42 ທ່ານ, ພ້ອມທັງທາບທາມ ຄະນະປະຈຳ, ເລຂາ-ຮອງເລຂາ ພັກແຂວງ ແລະ ປະທານ-ປະທານກວດກາ ພັກຕາມລຳດັບ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)