ເມື່ອອາທິດຜ່ານມານີ້, ທີ່ກະຊວງປ້ອງກັນປະເທດໄດ້ ມີພິທີມອບ-ຮັບ ອະນຸສອນສະຖານຄຸກກັກຂັງ ທ່ານຜູ້ນໍາ-ພັກ ແນວລາວ ຮັກຊາດຂອງລັດ ຖະບານຫຸ່ນຂາຍຊາດ ລະຫວ່າງ ກົມວິທະຍາສາດ-ປະຫວັດສາດ ການທະຫານ ແລະ ກົມໃຫຍ່ການເມືອງກອງທັບ ໂດຍການ ເຂົ້າຮ່ວມຂອງ ສະຫາຍ ພົນຕີ ສອນທອງ ພົມລາວົງ ກໍາມະການຄະນະພັກ ກະຊວງປ້ອງກັນປະເທດ ຮອງຫົວໜ້າກົມໃຫຍ່ ການເມືອງ ກອງທັບ, ມີສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດ ການທະຫານ ພ້ອມດ້ວຍ ຫົວໜ້າກອງ ຫ້ອງການເຂົ້າຮ່ວມ.

ໃນໂອກາດດັ່ງກ່າວ, ສະຫາຍ ພົນຈັດຕະວາ ວຽງໄຊ ສົມວິຈິດ ໄດ້ຂຶ້ນຜ່ານບົດບັນທຶກມອບ-ຮັບກ່ອນໜ້ານັ້ນ ລະຫວ່າງ ກະຊວງ ປ້ອງກັນ ປະເທດ ແລະ ບໍລິສັດ ສຸພັດທອນ ທີ່ປຶກສາ ແລະ ບໍລິ ການຄົບວົງຈອນ ເປັນຜູ້ຮັບກໍ່ສ້າງອະນຸສອນ ສະຖານຄຸກກັກຂັງບັນດາ ຜູ້ນໍາແນວລາວ ຮັກຊາດ, ໃນຕົ້ນປີ 2019 ໂດຍນໍາໃຊ້ງົບປະມານ ຂອງກະຊວງປ້ອງກັນປະເທດໂດຍກົງ. ຕົ້ນປີ 2020 ການກໍ່ສ້າງໄດ້ສໍາເລັດ ຕາມແຜນການ ທີ່ວາງໄວ້ ແລະ ໄດ້ມອບ-ຮັບ ໃນກາງປີ 2020 ພາຍຫລັງມອບ-ຮັບ ແລະ ເປີດອານຸສອນສະຖານ ຄຸກກັກຂັງບັນດາ ຜູ້ນໍາແນວລາວຮັກຊາດ ໃນກາງເດືອນກໍລະກົດ ເປັນຕົ້ນມາ, ສະເພາະຢູ່ໃນກອງທັບ ແມ່ນໄດ້ຈັດຕັ້ງໃຫ້ ພະນັກງານ-ນັກຮົບ ຈາກບັນດາ ວິທະຍາຄານ, ໂຮງຮຽນການ ທະຫານ, ບັນດາກົມກອງເຂົ້າມາ ຢ້ຽມຊົມຢ່າງຕໍ່ເນື່ອງ.

ຈາກນັ້ນ, ທັງສອງຝ່າຍ ໄດ້ລົງນາມໃນ ບົດບັນ ທຶກມອບ-ຮັບ, ເຊິ່ງຕາງໜ້າກົມໃຫຍ່ ການເມືອງກອງທັບ ໂດຍແມ່ນ ສະຫາຍ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ ການເມືອງ ກອງທັບ ແລະ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດການ. ພ້ອມດຽວກັນນັ້ນ, ກົມໃຫຍ່ການ ເມືອງກອງທັບ ກໍໄດ້ມອບຕໍ່ໃຫ້ ຫໍພິພິທະພັນ ປະຫວັດສາດກອງທັບ ເປັນຜູ້ຄຸ້ມຄອງດູແລຕໍ່ໄປ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)