​ວັນ​ທີ 14 ກັນ​ຍາ 2020 ກະ​ຊວງ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ໄດ້ເປີດ​ຊຸດ​ຝຶກ​ອົບ​ຮົມກ່ຽວ​ກັບ​ວຽກ​ງານ​ໂຄ​ສະ​ນາ-ປາ​ຖະ​ກະ​ຖາ ຊຸດ​ທີ IV ໃຫ້​ກຽດ​ເປັນ​ປະ​ທານ ຂອງສະ​ຫາຍ​ ທອງ​ໃສ ຊານ​ໄຊ​ຍະ ຮອງ​ເລ​ຂາຄະ​ນະ​ພັກ​ກະ​ຊວງ, ຮອງ​ລັດ​ຖະ​ມົນ​ຕີ ກະ​ຊວງ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ, ໃຫ້​ກຽດ​ເຂົ້າ​ຮ່ວມ​ໂດຍ​ສະ​ຫາຍ ນາງ ບົວ​ລີ ບັນ​ຊາ​ລິດ ຄະ​ນະ​ພັກ ຫົ​ວ​ໜ​້າ​ກົມ​ໂຄ​ສະ​ນາ ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ, ບັນ​ດາ​ສະ​ຫາຍ​ຄະ​ນະ​ພັກ​ກະ​ຊວງ, ຄະ​ນະ​ໜ່ວຍ​ພັກ, ຄະ​ນະ​ພັກ​ຮາກ​ຖານ ແລະ ພະ​ນັກ​ງານ-ສະ​ມາ​ຊິກ​ພັ​ກ ອ້ອມ​ຂ້າງ​ກະ​ຊວງ ປ​ທ​ສ ເຂົ້າ​ຮ່ວມ​ທັງ​ໝົດ 36 ສະ​ຫາຍ, ຍິງ 15 ສະ​ຫາຍ.

ການ​ຝຶກ​ອົບ​ຮົມ​ໃນ​ຄັ້ງ​ນີ້ ເພື່ອ​ຍົກ​ລ​ະ​ດັບ​ຄວາມ​ຮູ້​ຄວາມ​ສາ​ມາດ​ດ້ານ​ວຽກ​ງານ​ໂຄ​ສະ​ນາ-ປາ​ຖະ​ກະ​ຖາ, ຄະ​ນະ​ໜ່ວຍ​ພັກ​ບັນ​ດາ​ກົມ/ທຽບ​ເທົ່າ ແລະ ສະ​ມາ​ຊິກ​ພັກ-ພະ​ນັກ​ງານ ມີ​ຄວາມ​ຮັບ​ຮູ້ ເຂົ້າ​ໃຈ​ຢ່າງ​ເລິກ​ເຊິ່ງ​ເປັນ​ຕົ້ນ​ແມ່ນ: ບັນ​ຫາ​ພື້ນ​ຖານ​ກ່ຽວ​ກັບ​ວຽກ​ງານ​ໂຄ​ສະ​ນາ, ເຕັກ​ນິກ​ໃນ​ການ​ຂຽນ​ເອ​ກະ​ສານ, ສິ​ລະ​ປະ​ໃນ​ການ​ເວົ້າ ແລະ ການ​ໂຄ​ສະ​ນາ​ສື່​ສານ ເຊິ່ງ​ການ​ເປີດ​ຝຶກ​ອົບ​ຮົມ​ຄັ້ງ​ນີ້ ແມ່ນ​ຍັງ​ໄດ້​ຮັບ​ການ​ຮ່ວມ​ມື ແລະ ຊ່ວຍ​ເຫຼື​ອ​ທາງ​ດ້ານ​ເນື້ອ​ໃນຫຼັກ​ສູດ, ຂຶ້ນ​ຫ້ອງ​ບັນ​ຍາຍ​ເອ​ກະ​ສານ​ຈາກ​ກົມ​ໂຄ​ສະ​ນາ, ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ.

ໃນ​ໂອ​ກາດນີ້ ສະ​ຫາຍ ທອງ​ໃສ ຊານ​ໄຊ​ຍະ ໄດ້​ກ່າວ​ວ່າ: ການ​ເປີດ​ຝຶກ​ອົບ​ຮົມ​ຄັ້ງ​ນີ້ ແມ່ນ​ມີ​ຄວາມ​ໝາຍ​ສຳ​ຄັນ ແລະ ຈ​ຳ​ເປັນ​ຢ່າງ​ຍິ່ງ​ສຳ​ລັບ​ພະ​ນັກ​ງານ-ສະ​ມາ​ຊິກ​ພັກ ເພື່ອ​ເປັນ​ການ​ຍົກ​ລະ​ດັບ​ຄວາມ​ຮູ້​ຄວາມ​ສາ​ມາດ ການ​ນຳ​ພາ​ຂອງ​ພັກ, ເປັນ​ການ​ສ້າງ​ຄວາມ​ສຳ​ນານ​ໃນ​ການ​ເວົ້າ-ການ​ນຳສະ​ເໜີ, ການ​ສັງ​ລວມ​ບັນ​ຫາ, ຄວາມ​ສາ​ມາດ​ໃນ​ການ​ຂຽນ ແລະ ຍັງ​ເປັນ​ການ​ໂຄ​ສະ​ນາ​ເຜີຍ​ແຜ່​ ແລະ ສຶກ​ສາ​ອົບ​ຮົມ​ໃຫ້​ຖັນ​ແຖວ​ພະ​ນັກ​ງານ-ສະ​ມາ​ຊິກ​ພັກ ໃນ​ຂົງ​ເຂດ ປ​ທ​ສ ມ​ີ​ຄວາມ​ຮູ້ ແລະ ເຂົ້າ​ໃຈ​ຢ່າງ​ເລິກ​ເຊິ່ງ​ຕໍ່​ແນວ​ທາງ​ນະ​ໂຍ​ບາຍ​ຂອງ​ພັກ, ກົດ​ໝາຍ​ຂອງ​ລັດ. ໂດຍ​ສະ​ເພາະ ແມ່ນ​ຍຸດ​ທະ​ສາດ ແລະ ວິ​ໃສ​ທັດ​ຂອງ​ກະ​ຊວງ ກ່ຽວ​ກັບ​ວຽກ​ງານ ໄອ​ຊີ​ທີ ໃຫ້​ກາຍ​ເປັນ​ໃຈ​ກາງ​ຂອງ​ການ​ຂັບ​ເຄື່ອນ​ເສດ​ຖະ​ກິດ​ທີ່​ທັນ​ສະ​ໄໝ.       

#ຂ່າວ​ໂດຍ: ກົມ​ຈັດ​ຕັ້ງ-ພະ​ນັກ​ງານ
#ຮູບ​ພາບ: ຫ້ອງ​ການ