ລາຍງານຈາກຫ້ອງວ່າການ ປົກຄອງເມືອງໂຂງ ​ແຂວງ​ຈຳປາ​ສັກ ​ໃນ​ຕອນເຊົ້າວັນທີ 6 ກັນ ຍາ 2019 ນີ້ວ່າ: ຕາມການສະຫລຸບລ່າສຸດໃນຕອນຄ່ຳວັນທີ 5 ກັນຍາ ຂອງໜ່ວຍງານ ທີ່ ກ່ຽວຂ້ອງ ທຸກພາກສ່ວນ ເບື້ອງຕົ້ນພົບວ່າ ທົ່ວເມືອງໂຂງ ມີ​ບ້ານທີ່ໄດ້ຮັບ ຜົນກະທົບເບື້ອງ ຕົ້ນຈຳນວນ 96 ບ້ານ, ມີ 3.115 ຄອບຄົວ, ເນື້ອທີ່ທຳການຜະລິດຖືກຖ້ວມ 2.555 ກວ່າ ເຮັກຕາ, ໂຮງຮຽນ 40 ​ແຫ່ງ​ໄດ້ປິດການຮຽນການສອນ,​ ເສັ້ນທາງຖືກຖ້ວມ 12 ເສັ້ນ, ໃນນີ້ ບໍ່ສາມາດທຽວໄດ້ 9 ເສັ້ນ, ​ເຊິ່ງຜົນເສຍຫາຍ ໃນເບື້ອງຕົນແມ່ນ ຍັງບໍ່ສາມາດປະເມີນ ໄດ້.

ສຳລັບລະດັບນ້ຳຂອງ ຈາກຈຸດວັດແທກ ນ້ຳຢູ່ບ້ານຫາດຊາຍຄູນ ເມືອງໂຂງ ໃນຕອນເຊົ້າ ວັນທີ 6 ກັນຍາ ນີ້, ເວລາ 6 ໂມງວັດແທກໄດ້ 6,25 ຊັງຕີແມັດ ​ເຊິ່ງສູງ​ກວ່າ​ມື້ວານ(ວັນ​ທີ 5 ກັນຍາ ​ແທກ​ໄດ້ 6,15 ຊັງຕີແມັດ) ຖືວ່າຢູ່ໃນເຂດ ເຕືອນໄພ ຖ້າຫາກລະດັບ ນ້ຳຍັງເພີ່ມສູງ ຂຶ້ນເຖິງ 6,50 ຊັງຕີແມັດ ແມ່ນເຂດອັນຕະລາຍ ສຳລັບເມືອງໂຂງ.