ວັນທີ 11 ກັນຍາ 2020 ທີ່ຜ່ານມາ, ສະພາການຄ້າຊາວຈີນຕ່າງດ້າວ ປະຈຳສປປ ລາວ ໄດ້ມອບປະມວນບົດນິພົນທ່ານ ສີ ຈິ້ນຜິງ ວ່າດ້ວຍການປົກຄອງປະເທດ ແລະ ບໍລິຫານລັດ ເຫລັ້ມທີສາມໃຫ້ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ, ທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ ລັດຖະມົນຕີກະຊວງຖະແຫລງ ຂ່າວວັດທະນະທຳ ແລະ ທ່ອງທ່ຽວ ແລະ ທ່ານ ຈຽງ ຈ້າຍຕຸງ ເອກອັກຄະລັດຖະທູດ ຜູ້ມີອຳນາດເຕັມສປ ຈີນ ປະຈຳສປປ ລາວໄດ້ເຂົ້າຮ່ວມກິດຈະກຳດັ່ງກ່າວ ແລະ ໄດ້ໂອ້ລົມສົນທະນາກັນຢ່າງເລິກເຊິງ.

ກ່ອນຫນ້ານີ້, ໃນວັນທີ 10 ກັນຍາ ສະພາການຄ້າຊາວຈີນຕ່າງດ້າວ ພ້ອມກັບສະພາການຄ້າ ສປ ຈີນ ປະຈຳສປປ ລາວ ໄດ້ແລກປ່ຽນນຳກັນກ່ຽວກັບ ການຮ່ຳຮຽນປະມວນບົດນິພົນທ່ານ ສີ ຈິ້ນຜິງ ວ່າດ້ວຍການປົກຄອງປະເທດ ແລະ ບໍລິຫານລັດເຫລັ້ມທີສາມ ເຊິ່ງທ່ານ ຈຽງ ຈ້າຍຕຸງ ກໍໄດ້ເຂົ້າຮ່ວມ ແລະ ແບ່ງປັນຄໍາເຫັນຂອງຕົນ ໂດຍກ່າວວ່າ ປະມວນບົດນິເຫລັ້ມນີ້ ໄດ້ຮຽກໂຮມເອົາບົດຄວາມສຳຄັນ ຂອງພັກກອມມູນິດຈີນ ແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຮອດຕົ້ນປີນີ້ ໂດຍຜ່ານການຄົ້ນຄວ້າ ຮ່ຳຮຽນທິດສະດີ ແລະ ພຶດຕິກຳຂອງ ເລຂາທິການໃຫຍ່ ສີ ຈິ້ນຜິງ ໃນການປົກຄອງປະເທດ ແລະ ບໍລິຫານລັດ.  ພວກເຮົາໄດ້ຮັບຮູ້ຢ່າງຊາບຊຶ້ງ ຕໍ່ພະລັງສັດຈະທຳ ອັນແຮງກ້າ ທັດສະນະຫລັກຫມັ້ນ ປະຊາຊົນອັນເລິກເຊິ່ງ ແລະ ຄວາມຮັກແພງໂອບອ້ອມອາລີ ອັນກວ້າງໃຫຍ່ໄພສານຂອງ ສີ ຈິ້ນຜິງ. ລາຍງານການເມືອງດັ່ງກ່າວໄດ້ເນັ້ນເຖິງ “ການກຳນົດແປດຂໍ້ ແລະ ການຍຶດຫມັ້ນສິບສີ່ຂໍ້” ຊຶ່ງໄດ້ກາຍເປັນເນື້ອຫາ ສາລະອັນສຳຄັນສຸດໆ ຂອງແນວຄິດທ່ານ ສີ ຈິ້ນຜິງ ວ່າດ້ວຍສັງຄົມນິຍົມ ທີ່ມີສີສັນພິເສດຂອງຈີນ ສະໄຫມໃຫມ່.

ສ່ວນບົດຄວາມອື່ນໆ ທີ່ສັງກັດໃນປະມວນບົດ ນິພົນດັ່ງກ່າວກໍໄດ້ມາຈາກ ຫມາກຜົນພັດ ທະນາດ້ານທິດສະດີອັນໃຫມ່ ສຸດຂອງພັກກອມມູນິດຈີນ ວ່າດ້ວຍການປົກຄອງ ປະເທດ ແລະ ບໍລິຫານລັດ, ພາຍຫລັງກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ 19 ເປັນຕົ້ນມາ. ຜ່ານການຄົ້ນຄວ້າຮໍ່າຮຽນ ໄດ້ເຮັດໃຫ້ພວກເຮົາຮັບຮູ້ໄດ້ວ່າ ແນວຄິດທ່ານ ສີ ຈິ້ນຜິງ ວ່າດ້ວຍສັງ ຄົມນິຍົມທີ່ມີສີສັນພິເສດ ຂອງຈີນສະໄຫມໃຫມ່ ມີເນື້ອໃນອຸດົມສົມບູນ ແລະ ເປັນລະບົບທິດສະດີອັນຄົບຖ້ວນ ຊຶ່ງໄດ້ເຫລື້ອມໃສໄປດ້ວຍແສງສະຫວ່າງ ຂອງສັດຈະທຳ ລັດທິມາກ. ແນວຄິດສໍາຄັນດັ່ງກ່າວ ໄດ້ກວມເອົາປັດສະຍາສາດລັດທິມາກ ການເມືອງສາດເສດຖະສາດ ແລະ ລັດທິສັງຄົມນິຍົມວິທະຍາສາດ, ໄດ້ກວມເອົາວຽກງານນະໂຍບາຍ ທາງດ້ານການປະຕິຮູບການພັດທະນາ ແລະ ຄວາມຫມັ້ນຄົງ ທາງດ້ານກິດຈະກຳພາຍໃນ, ການຕ່າງປະເທດ, ການປ້ອງກັນປະເທດ ແລະ ການຄຸ້ມຄອງພັກ ປົກຄອງປະເທດ ແລະ ການທະຫານຂອງຈີນ. ແນວຄິດສໍາຄັນນີ້ ຍັງໄດ້ສະແດງເຖິງຄວາມຮັບຮູ້ ຕໍ່ກົດເກນກຳອຳນາດ ຂອງພັກກອມມູນິດ, ກົດເກນການສ້າງສາສັງຄົມນິຍົມ ແລະ ກົດເກນການພັດທະນາ ຂອງມວນມະນຸດ ທີ່ໄດ້ກ້າວຂຶ້ນລະດັບສູງອັນໃຫມ່ ຊຶ່ງໄດ້ສືບຕໍ່ສະແດງອອກ ກຳລັງສັດຈະທຳອັນແຮງກ້າ ໃນພຶດຕິກຳອັນຍິ່ງໃຫຍ່ ຂອງການສ້າງສາສັງຄົມນິຍົມ ທີ່ມີສີສັນພິເສດຂອງຈີນ.

ທ່່ານ ຈ່ຽງຈ້າຍຕຸງ ສະແດງຕື່ມວ່າ ລັກສະນະປະຊາຊົນ ເປັນລັກສະນະພົ້ນເດັ່ນ ແລະ ຊັດແຈ້ງທີ່ສຸດຂອງລັດທິມາກ, ທ່ານເລຂາທິການໃຫຍ່ ສີ ຈິ້ນຜິງ ເອົາປະຊາຊົນໄວ້ຢູ່ໃນຖາ ນະສູງທີ່ສຸດຂອງໃຈ. ຫົວຂໍ້ທີສີ່ຂອງ ທິດສະດີ ສີ ຈິ້ນຜິງ ວ່າດ້ວຍການປົກຄອງ ປະເທດ-ບໍລິ ຫານການເມືອງເຫລັ້ມທີສາມ ແມ່ນການຍຶດຫມັ້ນ ປະຊາຊົນເປັນໃຈກາງ ເຖິງວ່າເນື້ອໃນຂອງຫົວຂໍ້ນີ້ ບໍ່ໄດ້ຍາວແຕ່ມີນ້ຳຫນັກ ແລະ ເຕັມໄປດ້ວຍນ້ຳໃຈ ຢ່າງເລິກເຊິ່ງ ຊຶ່ງໄດ້ຊີ້ອອກຢ່າງຊັດເຈນວ່າ ປະຊາຊົນເປັນກຳລັງເພິ່ງພາໃຫຍ່ ທີ່ສຸດທີ່ພັກເຮົາກຳອຳນາດ ແລະ ເປົ້າຫມາຍເຮົາເປັນ ເປົ້າຫມາຍມະຫາສານ ທັງເປັນເປົ້າຫມາຍງ່າຍດາຍ ທາດແທ້ແມ່ນໃຫ້ປະຊາຊົນຈີນ ທົ່ວປະເທດໄດ້ມີຊີວິດ ການເປັນຢູ່ດີຂຶ້ນກວ່າເກົ່າ ໂດຍສະເພາະ ໃນສົງຄາມປະຊາຊົນຕໍ່ຕ້ານ ໂຄວິດ-19. ທ່ານ ສີ ຈິ້ນຜິງ ໄດ້ຢຶດຫມັ້ນປະຊາຊົນສູງທີ່ສຸດ ຊີວິດສູງທີ່ສຸດ ຊຶ່ງໄດ້ສະແດງ ໃຫ້ເຫັນເຖິງຄວາມຮັບ ຜິດຊອບຄວາມຫ້າວຫັນ ກໍຄືສຸດອົກສຸດໃຈ ເຮັດວຽກຈົນລືມຕົນເອງ ແຕ່ບໍ່ໃຫ້ເສຍຄວາມ ເຊື່ອຫມັ້ນ ຈາກປະຊາຊົນຢ່າງດຽວ. ທ່ານ ສີ ຈິ້ນຜິງ ໄດ້ຈັດກອງປະຊຸມຫລາຍຊຸດ ໃນນັ້ນກອງປະຊຸມຄະນະ ກຳມະການປະຈຳກົມການເມືອງ ກໍຫລາຍເຖິງ 17 ເທື່ອ ມີເທື່ອຫນຶ່ງໄດ້ຈັດ ໃນວັນບຸນກຸດຈີນ ຊຶ່ງເພິ່ນໄດ້ລົງພື້ນທີ່ສຳຫລວດ ແລະ ຊີ້ນຳວຽກເປັນ 9 ເທື່ອ; ໃນນັ້ນ, ກໍມີນະຄອນອູຮັນ ແຂວງຫູເປີ່ຍທີ່ມີສະພາບ ໂຄວິດ-19 ຮຸນແຮງທີ່ສຸດ ທີ່ເພິ່ນໄດ້ສະເຫນີຂໍ້ລິເລີ່ມ ທີ່ສ້າງຮູບແບບການພັດທະນາ ໃຫມ່ທີ່ຖືວົງຈອນໃຫຍ່ ພາຍໃນເປັນພາກຕົ້ນຕໍ ແລະວົງຈອນພາຍໃນ ແລະ ສາກົນ ສອງພາກສົ່ງເສີມ ຊຶ່ງກັນ ແລະ ກັນ ຊຶ່ງໄດ້ຊຸກຍູ້ ເສດຖະກິດສັງຄົມ ຟື້ນຟູພັດທະນາໃນເງື່ອນໄຂ ທີ່ປ້ອງກັນໂຄວິດ-19 ເປັນມາດຕະການປະຈຳວັນ. ໃນເວລາທີ່ເພິ່ນຊີ້ນຳວຽກງານ ປ້ອງກັນໂຄວິດ ພາຍໃນປະເທດ ທັງແບ່ງເວລາຊີ້ນຳອົງການ ທີ່ກ່ຽວຂ້ອງເອົາ ໃຈໃສ່ພົນລະເມືອງຈີນ ຢູ່ຕ່າງປະເທດ.  ເນື່ອງຈາກວ່າທ່ານ ສີ ຈິ້ນຜິງ ລົງໂຕເຮັດເອງ ແລະ ຊີ້ນຳນຳພາແບບບໍ່ມີ ຄວາມຕື່ນຕົກໃຈ ປະເທດຈີນ ຈິ່ງສາມາດຍາດຫມາກຜົນ ຍຸດທະສາດໃຫຍ່ຫລວງ ຂອງການປ້ອງກັນໂຄວິດ ແລະ ກາຍເປັນຫນ່ວຍເສດຖະກິດ ທີ່ໄດ້ບັນລຸເປົ້າຫມາຍເສດ ຖະກິດຂະຫຍາຍຕົວຕາມທິດບວກ. ນີ້ໄດ້ພິສູດໃຫ້ເຫັນເຖິງວ່າ ທ່ານ ສີ ຈິ້ນຜິງ ເປັນການນຳແກ່ນສານ ທີ່ນຳພາປະຊາຊົນຈີນ ຍຶດໄຊຊະນະທີ່ຜ່ານຜ່າ ທ້າທາຍຄວາມສ່ຽງທຸກຢ່າງ ແລະ ຊຸກຍູ້ພາລະກິດພຶດຕິດກຳ ສະຫງ່າງາມຂອງລັດທິສັງຄົມນິຍົມທີ່ມີສີສັນຈີນ.

ທ່່ານ ຈ່ຽງ ຈ້າຍຕຸງ ຊີ້ໃຫ້ເຫັນວ່າ ການແຜ່ລະບາດຂອງເຊື້ອ ໂຄວິດ-19 ເທື່ອນີ້ ໄດ້ສະແດງອອກໃຫ້ມະນຸດ ເປັນຄູ່ຮ່ວມຊະຕາກຳ ທີ່ແບ່ງແຍກກັນບໍ່ໄດ້. ການຊຸກຍູ້ກໍ່ສ້າງສາຍພົວພັນສາກົນແບບໃຫມ່ ແລະ ກໍ່ສ້າງຄູ່ຮ່ວມຊະຕາກຳ ມະນຸດເປັນຫນຶ່ງໃນ 8 ຈະແຈ້ງ ທັງເປັນທິດສະດີໃຈກາງ ຂອງແນວຄິດການຕ່າງປະເທດຂອງທ່ານ ສີ ຈິ້ນຜິງ ຊຶ່ງໄດ້ສົ່ງເສີມນ້ຳໃຈປະເພນີຊົນເຜົ່າຈີນທີ່ວ່າ ຄົນໃນທົ່ວໂລກ ເປັນອ້າຍນ້ອງກັນ ນັບຖືກັນ ຊ່ວຍກັນ ແລະ ມີຖານະເທົ່າທຽມກັນ ທັງໄດ້ຕາມທິດທາງກະແສຍຸກສະໄຫມນີ້ ທີ່ສັງຄົມມະນຸດ ພັດທະນາ ກ້າວຫນ້າ. ທິດສະດີ ສີ ຈິ້ນຜິງ ວ່າດ້ວຍການປົກຄອງ ປະເທດ-ບໍລິຫານການເມືອງ ເຫລັ້ມສາມໄດ້ສະເຫນີ ຢ່າງຈະແຈ້ງວ່າ ຈະກໍ່ສ້າງ ໂລກຫນຶ່ງທີ່ມີຄວາມປອດໄພທົ່ວໄປ ຄວາມຈະເລີນຮ່ວມກັນ ການເປີດກວ້າງ ແລະ ອົດທົນກັນ ໃຫ້ມີຄວາມສະອາດສວຍງາມ “ຫັນຄວາມຫວັງ ສຳລັບຊີວິດ ການເປັນຢູ່ທີ່ສວຍງາມຂອງ ປະຊາຊົນບັນດາປະເທດ ໃນທົ່ວໂລກກາຍເປັນຄວາມຈິງ” ຊຶ່ງໄດ້ສະແດງ ໃຫ້ເຫັນເຖິງຈິດໃຈ ແລະ ຄວາມຮູ້ສຶກມະຫາສານທີ່ຍາມໃດ ກໍຄິດເຖິງທົ່ວໂລກຢ່າງເຕັມທີ່.

ໃນຂະບວນການປ້ອງກັນ ພະຍາດໂຄວິດ-19, ທ່ານເລຂາທິການໃຫຍ່ ສີ ຈິ້ນຜິງ ໄດ້ລິເລີ່ມເສີມສ້າງຄູ່ຮ່ວມ ຊະຕາກໍາສາທາລະນະສຸກ ແລະ ສຸຂະພາບຂອງມວນມະນຸດ. ຈີນໄດ້ສົ່ງຄະນະແພດໝໍຈໍານວນ 34 ຄະນະໃຫ້ແກ່ 32 ປະເທດ ຊຶ່ງກວມເອົາປະເທດລາວ, ພ້ອມທັງສົ່ງ ເຄື່ອງຊ່ວຍເຫລືອ ປ້ອງກັນພະຍາດຈໍານວນ 283 ຊຸດ ໃຫ້ແກ່ 150 ປະເທດ ແລະ 4ອົງການຈັດຕັ້ງສາກົນ. ມີການນໍາຂອງປະເທດ 170 ກວ່າທ່ານ ແລະ ຜູ້ອໍານວຍການໃຫຍ່ຂອງອົງການຈັດຕັ້ງພາກພື້ນ ແລະ ສາກົນ 50 ກວ່າທ່ານ ໄດ້ອອກສຽງສະໜັບສະໜູນຈີນ, ມີ 77 ປະເທດ ແລະ 12 ອົງການຈັດຕັ້ງສາກົນ ໄດ້ສົ່ງເຄື່ອງຊ່ວຍເຫລືອ ປ້ອງກັນພະຍາດໃຫ້ຈີນ. ແນວຄິດຄູ່ຮ່ວມຊະຕາກໍາ ນັບມື້ນັບສະແດງ ໃຫ້ເຫັນເຖິງ ແສງສະຫວ່າງຂອງສັດຈະທຳ ຊຶ່ງໄດ້ກາຍເປັນຄັນທຸງຂອງຈີນທີ່ ນໍາພາກະແສຟອງຂອງຍຸກສະໄໝ ແລະ ຄວາມຈະເລີນກ້າວໜ້າ ຂອງອາລິຍະທໍາມະນຸດ.

ທ່ານ ກິແກ້ວ ໄຂຄຳພິທູນ ໄດ້ຂອບໃຈຕໍ່ທ່ານ ຈຽງ ຈ້າຍຕຸງ ທີ່ແບ່ງປັນຄໍາເຫັນຮ່ວມກັນ ພ້ອມທັງໄດ້ກ່າວວ່າ ພັກ ປະຊາຊົນ ປະຕິວັດລາວ ໄດ້ໃຫ້ຄວາມສໍາຄັນ ຕໍ່ການຖອດຖອນ ຮໍ່າຮຽນ ແນວຄິດທ່ານ ສີ ຈິນຜິງ ວ່າດ້ວຍສັງຄົມນິຍົມ ທີ່ມີສີສັນພິເສດຂອງຈີນ ສະໄຫມໃຫມ່. ການທີ່ກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນ ໄດ້ນໍາເອົາແນວຄິດສໍາຄັນນີ້ເຂົ້າກົດລະບຽບຂອງພັກ ແລະ ການທີ່ກອງປະຊຸມ ຄັ້ງທີໜຶ່ງສະໄໝທີ 13 ໄດ້ນໍາເອົາແນວຄິດສໍາຄັນນີ້ ເຂົ້າລັດຖະທໍາມະນູນ ກໍໄດ້ສົ່ງກໍາລັງໃຈ ໃຫ້ຝ່າຍລາວຄືກັນ. ເມື່ອໄດ້ຮັບຊາບວ່າ ປະມວນບົດນິພົນທ່ານ ສີ ຈິ້ນຜິງ ວ່າດ້ວຍການປົກຄອງປະເທດ ແລະ ບໍລິຫານລັດເຫລັ້ມທີສາມ ໄດ້ພິມຈໍາໜ່າຍແລ້ວ ພວກຂ້າພະເຈົ້າຍິ່ງ ມີຄວາມຄອງຄອຍຮໍ່າຮຽນຄົ້ນຄວ້າ. ສະນັ້ນ ຂໍສະແດງຄວາມຂອບໃຈ ຢ່າງຈິງໃຈຕໍ່ການມອບປຶ້ມສໍາຄັນນີ້ ໃຫ້ພວກຂ້າ ພະເຈົ້າ. ຂ້າພະເຈົ້າເຄີຍເປັນຫົວໜ້າ ຄະນະໂຄສະນາອົບຮົມສູນກາງພັກ ປປ ລາວ, ໄດ້ໃຫ້ຄວາມເອົາໃຈໃສ່ຕໍ່ການຮຽນບົດນິພົນ ຂອງທ່ານ ເລຂາທິການໃຫຍ່ ສີ ຈິ້ນຜິງ ຢ່າງຕໍ່ເນື່ອງ ຊຶ່ງໄດ້ຮູ້ສຶກວ່າ ແນວຄິດທ່ານ ສີຈິ້ນຜິງ ວ່າດ້ວຍສັງຄົມນິຍົມ ທີ່ມີສີສັນພິເສດຂອງຈີນ ສະໄຫມໃຫມ່ ມີເນື້ອໃນອຸດົມສົມບູນ ຊຶ່ງເປັນຕົວແບບຂອງການຍຶດໝັ້ນ ແລະ ນໍາໃຊ້ ໂລກກະທັດ ແລະ ວິທີທາງຂອງລັດທິມາກ ທີ່ປະສານສົມທົບກັບ ພຶດຕະກໍາຕົວຈິງຂອງຈີນ, ພ້ອມທັງເປັນເອກະສານ ທີ່ຂາດບໍ່ໄດ້ໃນການຄົ້ນຄວ້າ ທິດສະດີຂອງບັນດາປະເທດທົ່ວໂລກ ໂດຍສະເພາະແມ່ນ ປະເທດ ສັງຄົມນິຍົມຄືປະເທດລາວ.

ທ່ານ ກິແກ້ວ ໄຂຄຳພິທູນ ກ່າວຕື່ມວ່າ, ໃນຕໍ່ໄປນີ້ ພວກຂ້າພະເຈົ້າຈະແຈກຢາຍປະມວນບົດນິພົນທ່ານ ສີ ຈິ້ນຜິງ ໃຫ້ພະນັກງານ ສະມາຊິກພັກ ຂອງກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ, ພ້ອມຈະເພີ່ມທະວີການ ໂຄສະນາດ້ວຍສື່ຕ່າງໆ ແລະ ຫໍສະໝຸດ ເພື່ອໃຫ້ພະນັກງານ ຂອງລາວມີໂອກາດເຂົ້າເຖິງ ແລະ ຮຽນຮູ້ ຊຶ່ງກໍເປັນມາດຕະການສໍາຄັນ ໃນການເພີ່ມທະວີ ແລກປ່ຽນບົດຮຽນ ລະຫວ່າງສອງຝ່າຍ ດ້ານການປົກຄອງປະເທດ ແລະ ບໍລິຫານລັດ. ຝ່າຍລາວເຊື່ອໝັ້ນວ່າ ພາຍໃຕ້ການນໍາພາ ຂອງສູນກາງພັກກອມມູນິດຈີນ ທີ່ມີທ່ານເລຂາທິການໃຫຍ່ ສີ ຈິນຜິງ ເປັນແກ່ນສານ, ພາລະກິດເສີມສ້າງສັງຄົມ ນິຍົມທີ່ມີສີສັນພິເສດຂອງຈີນ ຈະບັນລຸຫມາກຜົນໃຫຍ່ຫລວງ ໃໝ່ອ່ຽມກວ່າເກົ່າ. ພາຍໃຕ້ການຊີ້ນໍາອັນເຂັ້ມ ແຂງຂອງເລຂາທິການໃຫຍ່ສອງພັກ, ຄູ່ຮ່ວມຊະຕາກໍາ ລາວ-ຈີນ ແນ່ນອນຈະບັນລຸຫມາກຜົນ ຈົບງາມ ໃໝ່ອ່ຽມກວ່າເກົ່າ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)