ໃນວັນທີ 14-15 ກັນຍາຜ່ານມານີ້ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ແຈກຢາຍອຸປະກອນປ້ອງກັນພະຍາດໂຄວິດ-19 (ໜ້າກາກອານາໄມ) ໃຫ້ຄະນະຄວບຄຸມສະເພາະກິດຂອງພະຍາດໂຄວິດ-19, ກະຊວງສຶກສາທິການ ແລະ ກິລາ ແລະ ບໍລິສັດລັດວິສາຫະກິດໄປສະນີລາວ ເພື່ອປະຕິບັດຕາມມາດຕະການ ປ້ອງກັນການລະບາດພະຍາດໂຄວິດ -19 (Covid-19) ແລະ ເພື່ອໃຊ້ເຂົ້າໃນການປ້ອງກັນ ແລະ ສະກັດກັ້ນພະຍາດດັ່ງກ່າວ ໃຫ້ກຽດມອບຄັ້ງນີ້ໂດຍ ທ່ານ ປອ ທັນສະໄໝ ກົມມະສິດ ລັດຖະມົນຕີກະຊວງ ປທສ ໃຫ້ກຽດຮັບໂດຍ ທ່ານ ຮສ.ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ

​​​​​ເຄື່ອງອຸປະກອນປ້ອງກັນ ແລະ ຕ້ານພະຍາດໂຄວິດ-19 ທີ່ມອບ-ຮັບໃນຄັ້ງນີ້ປະກອບມີ: ໜ້າກາກອານາໄມ ຈໍານວນ 17 ແກັດ (365 ກັບ) ມູນຄ່າ 8,249.04 ໂດລາ (USD) ຜະລິດຢູ່ແຂວງຢູນານ ສປ ຈີນ ຊຶ່ງອຸປະກອນປ້ອງກັນພະຍາດ ແມ່ນໄດ້ຮັບການຊ່ວຍເຫຼືອລ້າຈາກສະຫະພາບໄປສະນີສາກົນ (UPU) ພາຍໃຕ້ໂຄງການປ້ອງກັນການແຜ່ລະບາດຂອງພະຍາດໂຄວິດ-19 ໂດຍຈັດຊື້ ແລະ ຂົນສ່ົງຜ່ານອົງການສະຫະປະຊາຊາດ (UNOPS) ດັ່ງນັ້ນ ກະຊວງ ປທສ ຈຶ່ງໄດ້ນໍາມາແຈກຢາຍໃຫ້ຄະນະຄວບຄຸມສະເພາະກິດຂອງພະຍາດໂຄວິດ-19 ຈໍານວນ 200 ກັບກະຊວງສຶກ ສາທິການ ແລະ ກິລາ ຈໍານວນ 200 ກັບ ແລະ ບໍລິສັດລັດວິສາຫະກິດໄປສະນີລາວ ຈໍານວນ 100 ກັບ.

ພາບ-ຂ່າວ: ພະແນກເລຂານຸການ-ພິທີການ ຫ້ອງການກະຊວງ.