ພະຍາກອນອາກາດປະຈຳວັນທີ 20/09/2020 ຈາກກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ບໍລິເວນຄວາມກົດດັນອາກາດສູງຈາກປະເທດຈີນໄດ້ແຜ່ລົງມາປົກຄຸມເຂດພາກເໜືອຂອງປະເທດລາວ ພ້ອມດຽວກັນນີ້ ຮ່ອງຄວາມກົດດັນອາກາດຕໍ່າໄດ້ພາດຜ່ານເຂດພາກກາງ ແລະ ພາກໃຕ້ ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມ.

ດັ່ງນັ້ນຍັງຈະເຮັດໃຫ້ມີຝົນຕົກໃນລະດັບຄ່ອຍຢູ່ທົ່ວໄປ ແລະ ຕົກປານກກາງ ຫາ ໜັກຢູ່ບາງທ້ອງຖິ່ນແຂວງພາກເໜືອຕອນລຸ່ມລົງຫາພາກກາງ ພ້ອມມີລົມພັດແຮງເປັນບາງໂອກາດ.

ສ່ວນປະລິມານນໍ້າຝົນໃນ 24 ຊົ່ວໂມງຜ່ານມາຕົກແຮງທີ່ສຸດຢູ່ນະຄອນຫຼວສງວຽງຈັນ ແທກໄດ້56ມິນລິແມັດ, ຮອງມາແມ່ນ ອັດຕະປື47,6ມິລີແມັດ

ພະ​ຍາ​ກອນ​ລະ​ດັບ​ນ້ຳ​ຂອງ ແລະ ສາ​ຂາ​ແມ່​ນ້ຳ​ຂອງ ປະຈໍາ​​ວັນ​ທີ 20 ກັນ​ຍາ 2020 ເຫັນວ່າລະດັບນໍ້າຂອງນັບ ຈະສືບຕໍ່ເພີ່ມຂຶ້ນ ໂດຍສະເພາະນະຄອນຍຫຼວວຽງຈັນ ຈະເພີ່ມຂຶ້ນສູງໃນໃນວັນທີ 21 ກັນຍາ 2020.

Medialaos MMD (ແຫຼ່ງຂໍ້ມູນຈາກ: ໜັງສືພິມ ເສດຖະກິດ-ການຄ້າ)