ຝຶກອົບຮົມ ການປະຖົມພະຍາບານເບື້ອງຕົ້ນ ແລະ ການຮັກສາຄວາມປອດໄພ ຂອງນັກທ່ອງທ່ຽວ

0
189

ເມື່ອທ້າຍອາທິດຜ່ານມາ ຢູ່ຫ້ອງປະຊຸມພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຫລວງພະບາງ ໄດ້ຈັດຊຸດຝຶກອົບຮົມ ການປະຖົມພະຍາບານເບື້ອງຕົ້ນ ແລະ ການຮັກສາຄວາມປອດໄພ ຂອງນັກທ່ອງທ່ຽວ ໃຫ້ຜູ້ຮັບຊອບສະຖານທີ່ທ່ອງທຽວ ແລະ ຜູ້ປະກອບການທຸລະກິດ, ໂດຍເປັນ ປະທານຂອງ ທ່ານ ນາງ ສຸດາພອນ ຄົມທະວົງ ຫົວໜ້າພະແນກ ຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ, ມີຄູຝຶກ, ອົງການຈັດຕັ້ງບ້ານ, ຄະນະຊອບ ສະຖານທີ່ທ່ອງທຽວ ແລະ ຜູ້ປະກອບການທຸລະກິດເຂົ້າຮ່ວມ.

ທ່ານ ນາງ ສຸດາພອນ ຄົມທະວົງ ກ່າວວ່າ: ຊຸດຝຶກອົບຮົມຄັ້ງນີ້, ເປັນການຍົກລະດັບຄວາມຮູ້ ຄວາມສາມາດ ອີກບາດກ້າວໜຶ່ງ ໃຫ້ແກ່ຄະນະຊອບ ສະຖານທີ່ທ່ອງທຽວ ແລະ ຜູ້ປະກອບການທຸລະກິດ ກ່ຽວກັບການປະຖົມພະຍາບານເບື້ອງຕົ້ນ ທັງເປັນຄວາມຮູ້ພື້ນຖານ ໃຫ້ກັບຄະນະຮັບຜິດຊອບ ໄດ້ນໍາໄປໝູນໃຊ້ ໃນເວລເກີດເຫດສຸກເສີນ ຕາມສະຖານທີ່ທ່ອຽງທ່ຽວຕ່າງໆ ແນໃສ່ຮັບປະກັນເຮັດໃຫ້ ການຊ່ວຍເຫລືອນັກທ່ອງທ່ຽວ ທີ່ໄດ້ຮັບບາດເຈັບຈາກ ອຸປະຕິເຫດໃນເວລາເຂົ້າ ມາທ່ຽວຊົມໄດ້ທັນເວລາ.

ຊຸດຝຶກອົບຮົບຄັ້ງນີ້, ຜູ້ເຂົ້າຮ່ວມໄດ້ຮຽນຮູ້ ການປະຖົມພະຍາບານເບື້ອງຕົ້ນ ແລະ ການຊ່ວຍ ເຫລືອຂອງຊຸມຊົນ ເປັນຕົ້ນການຫ້າມເລືອດໃນຮ່າງກາຍ, ການຊ່ວຍເຫລືອ ໃນເວລາໄຟໄໝ້ ຫລື ນ້ຳຮ້ອນລວກ, ສັດມີຜິດກັດ, ຊ່ວຍເຫລືອຄົນເປັນລົມ ແລະ ການຊ່ວຍກອບ ກູ້ຊີວິດຂັ້ນພື້ນຖານ. ນອກ ຈາກຮຽນພາກ ທິດສະດີແລ້ວ ຜູ້ເຂົ້າຮ່ວມໄດ້ປະຕິບັດຕົວຈິງຕື່ມອີກ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)