ຫ້ອງການສຶກສາທິການ ແລະ ກິລາ ນະຄອນຫລວງພະບາງ, ແຂວງຫລວງພະບາງ ໄດ້ເປີດການແຂ່ງຂັນ ກິລາ-ວັນນະຄະດີ ເມື່ອທ້າຍອາທິດ ຜ່ານມາ ທີ່ໂຮງຮຽນມັດທະຍົມສົມບູນ ເດັກ ກໍ່າພ້າ ເພື່ອເປັນການຂ່ຳນັບ ຮັບຕ້ອນວັນຄູແຫ່ງຊາດ, ວັນທີ 7 ຕຸລາ ຄົບຮອບ 26 ປີ ແລະ ຂ່ຳນັບຮັບຕ້ອນ ກອງປະຊຸມໃຫຍ່ ຄັ້ງທີ VIII ຂອງຜູ້ແທນອົງຄະນະພັກ ແຂວງຫລວງພະບາງ ທີ່ຈະໄຂຂຶ້ນໃນຕໍ່ໍ່ໜ້າ.

ການແຂ່ງຂັນກິລາ ລວມມີ 5 ປະເພດ, 7 ລາຍການ ແລະ ວັນນະຄະດີ ມີ 2 ປະເພດ, 2 ລາຍການ. ໃນນັ້ນ, ກິລາປະກອບ ມີ: ບານສົ່ງຄູຊັ້ນປະຖົມ (ເພດຍິງ) ມີ 8 ທິມ, ກິລາເປຕັງ ທິມປະສົມ ຄູຊັ້ນປະຖົມ (ຍິງ2 ຊາຍ1) ມີ 40 ທິມ, ກະຕໍ້ນັກຮຽນ (ຊາຍ) ຊັ້ນປະຖົມ ມີ 6 ທິມ, ບານເຕະຟຸດຊໍ ນັກຮຽນ (ຊາຍ) ຊັ້ນປະຖົມ ມີ 15 ທິມ, ຍິງ 8 ທິມ, ແລ່ນ 60 ແມັດ ນັກຮຽນປະຖົມ (ຍິງ), ແລ່ນ 80 ແມັດ ນັກຮຽນປະຖົມ (ຊາຍ).

ວັນນະຄະດີປະກອບມີ ຮ້ອງເພງ, ຂັບລໍານັກຮຽນ (ດ່ຽວ) ຊັ້ນປະຖົມ ແລະ ບົດຟ້ອນລວມໝູ່ນັກຮຽນປະຖົມ. ການແຂ່ງຂັນຄັ້ງນີ້, ຊຶ່ງເລີ່ມມາແຕ່ ວັນທີ່ 16 ກັນຍາ ໄປຈົນເຖິງ ວັນທີ 6 ຕຸລາ 2020 ຈຶ່ງອັດລົງ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)