1/. ມາຮອດວັນອັງຄານ ມີຄົນຕາຍຮອດ 1 ລ້ານຄົນແລ້ວ ຈາກໂຄວິດ-19 ມັນເປັນໂຕເລກທີ່ຄົນທັງຫຼາຍຊ໊ອກ ໃນຈຳນວນ 1 ລ້ານນີ້ມີຄົນອະເມຣິກາ ເຖິງ 2 ແສນຄົນ ຫຼາຍກວ່າທະຫານອະເມ ຣິກາທີ່ເສຍຊີວິດໃນ 5 ສົງຄາມ ລວມທັງສົງຄາມເກົາຫຼີ ແລະ ອີຣັກ ຂ່າວນີ້ເຮັດໃຫ້ຫົວໃຈພັງທະ ລາຍ ເພາະວ່າການຕາຍເກືອບທັງໝົດນີ້ສາມາດຫຼີກລ່ຽງໄດ້.

2/. ຊາວໂລກໄດ້ຮັບຜົນກະທົບຢ່າງຮ້າຍແຮງຈາກໂຄວິດ-19 ອະເມຣິກາເປັນປະເທດທີ່ມີກຳລັງແຮງກວ່າໝູ່ໃນໂລກ ແຕ່ຊໍ້າເປັນປະເທດທີ່ໄດ້ຮັບຜົນກະທົບຫຼາຍກວ່າໝູ່ ອະເມຣິກາຕ້ອງຮັບຜິດ ຊອບ ຍ້ອນວ່າອະເມຣິກາໄດ້ຫັນຫຼັງໃສ່ການຮ່ວມມືສາກົນ ເພື່ອຕ້ານໂຄວິດ-19 ແລະ ຖ້າສືບຕໍ່ເປັນແນວນີ້ມວນມະນຸດຈະຍິ່ງໄດ້ຮັບຄວາມເຈັບປວດຫຼາຍກວ່ານີ້.

3/. ໃນບັນດາປະເທດທີ່ມີປະຊາກອນຫຼາຍ ຈີນເປັນພຽງປະເທດດຽວທີ່ໄດ້ຮັບຜົນສຳເລັດໃນການຄວບຄຸມການແຜ່ລະບາດນີ້ ປະຊາຊົນຈີນພວມໄດ້ຊົມໃຊ້ຜົນສຳເລັດດັ່ງກ່າວ ເຊັ່ນ: ໃນໂອ ກາດພັກວັນຊາດທີ່ຈະມາເຖິງນີ້ ຊາວຈີນຫຼາຍຮ້ອຍລ້ານຄົນຈະພາກັນເດີນທາງ ມັນແມ່ນໂອ ກາດທີ່ຫາຍາກໃນປີນີ້ທີ່ຈະໄດ້ເດີນທາງພາຍໃນປະເທດ ແລະ ພັກຜ່ອນ, ເບີກບານມ່ວນຊື່ນຜົນ ສຳເລັດໂດດເດັ່ນທີ່ຍາດມາໄດ້ນີ້ກໍ່ຍ້ອນຄວາມອົດທົນພະຍາຍາມຂອງປະຊາຊົນນັ້ນເອງ.

4/. ໃນການຕ້ານໂຄວິດ-19 ນີ້ ເປັນທີ່ຈະແຈ້ງແລ້ວວ່າໃຜແມ່ນສັດຕູຂອງພວກເຮົາ ແລະ ມັນກໍ່ພົ້ນເດັ່ນວ່າມັນມີຄວາມຈຳເປັນໃນການຮ່ວມມືສາກົນ ເຖິງແນວໃດກໍ່ຕາມກໍ່ຍັງມີຊ່ອງຫວ່າງໃນການຕໍ່ສູ້ນີ້ຍ້ອນວ່າຖືກວໍຊິງຕັນລົບກວນ ໂດຍການຫັນໃຫ້ເປັນຂໍ້ຂັດແຍ່ງທາງດ້ານການເມືອງ ແລະ ໃຫ້ຄວາມສຳຄັນກວ່າດ້ານສາທາລະນະສຸກ ຈົນພາໃຫ້ມີຜູ້ຄົນລົ້ມຕາຍຫຼາຍ.

5/. ໃນສະພາບແນວນີ້ໃຜກໍ່ຕາມທີ່ພະຍາຍາມແບ່ງແຍກໂລກກໍ່ຈະຖືກປະນາມ ອຳນາດການປົກ ຄອງອະເມຣິກາ ປະລາໄຊໃນການແກ້ບັນຫາໂຄວິດ-19 ແລະ ກໍ່ພວມແບ່ງແຍກໂລກໃນເວລາທີ່ໂຄວິດ-19 ຂຶ້ນສູ່ລະດັບສູງຄືແນວນີ້ ການກະທຳນີ້ຈະເປັນຮອຍແປ້ວອັນໃຫຍ່ ຂອງອຳນາດການປົກຄອງອະເມຣິກາ.

6/. ໂລກຍັງປະສົບກັບສິ່ງທ້າທາຍທີ່ສຸດຫຍຸ້ງຍາກ ໂດຍສະເພາະໃນລະດູໜາວທີ່ຈະມາເຖິງນີ້ ເພາະເມື່ອອຸນນະພູມ ຕໍ່າລົງ ການແຜ່ລະບາດຂອງໂຄວິດ-19 ກໍ່ໄວຂຶ້ນ ບັນດາປະເທດໃນຢູໂຣບ ຈະພົບກັບຄື້ນທີ່ສອງຂອງການແຜ່ລະ ບາດ ພາຍຫຼັງທີ່ມີໂອກາດໄດ້ພັກຜ່ອນບໍ່ເທົ່າໃດມື້ ໃນອິນເດຍ ກໍ່ພວມແຜ່ລະບາດໄວ ແລະ ອາດມີຜູ້ຕິດເຊື້ອຫຼາຍກວ່າອະເມຣິກາ ແນ່ນອນອະເມຣິກາ ກໍ່ຈະມີຫຼາຍອັນດັບສອງ.

7/. ຂໍ້ຂັດແຍ່ງດິນແດນ, ດ້ານການເມືອງ, ໃນການຂະຫຍາຍອຳນາດ ໄດ້ຮັບຄວາມສຳຄັນກວ່າຄວາມເປັນຫ່ວງເປັນໄຍຂອງປະຊາຊົນໃນການຕ້ານການແຜ່ລະບາດຂອງໂຄວິດ-19.

8/. ຜົນສຳເລັດ ຂອງປະເທດໜຶ່ງໃນການຕ້ານໂຄວິດ-19 ຍັງຈະບອບບາງເຊັ່ນ: ຈີນ ຖ້າວ່າປະເທດອື່ນຍັງປະລາໄຊໃນບັນຫານີ້.

9/. ສະນັ້ນ ສິ່ງທ້າທາຍທີ່ຮີບດ່ວນແມ່ນການເຮັດແນວໃດສະກັດກັ້ນບໍ່ໃຫ້ມີການແຜ່ລາມຂຶ້ນຕື່ມ ພວກເຮົາໄດ້ບົດຮຽນຫຍັງແດ່? ພາຍຫຼັງທີ່ໄດ້ສູນເສຍຫຼວງຫຼາຍແນວນີ້? ໂລກຈະປັບໂຕແນວໃດ? ນີ້ແມ່ນຂໍກະແຈ ເພື່ອຫຼີກລ່ຽງຄວາມຫາຍະນະທີ່ຈະເກີດຂຶ້ນອີກໃນໂລກ.

#ແຫຼ່ງຂ່າວໂດຍ: https://www.globaltimes.cn