ອີງ​ໃສ່​ຜົນ​ລາ​ລາຍ​ງານ​ສະ​ພາບ​ອາ​ກາດ ແລະ ຄາດ​ຄະ​ເນ​ສະ​ພາບ​ອາ​ກາດ ແຕ່​ວັນ​ທີ 5-11 ຕຸ​ລາ 2020 ຂອງ​ກົມ​ອຸ​ຕຸ​ນິ​ຍົມ ແລະ ອຸ​ທົກ​ກະ​ສາດນີ້​ວ່າ:

ພາກ​ເໜືອ​ດ້ານ​ຕາ­ເວັນ​ອອກ: ໃນ​ໄລ­ຍະ​ວັນ​ທີ 5 ຫາ 11 ຕຸ­ລາ 2020 ອາ­ກາດ​ເຢັນ​ຢູ່​ທົ່ວ​ໄປ ໃນ​ຕອນ​ເຊົ້າ ແລະ ຈະ​ມີ ຝົນ­ຕົກ​ຟ້າ­ຮ້ອງ​​ຟ້າ​ເຫຼື້ອມ​ໃນ​ລະ­ດັບ​ຄ່ອຍ​ຢູ່​ເກືອບ​ທົ່ວ​ໄປ ແລະ ຕົກ​ປານ​ກາງ ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອ­ກາດ​ຢູ່ ບາງ​ທ້ອງ­ຖິ່ນ ແຂວງ ຜົ້ງ​ສາ­ລີ, ຫົວ­ພັນ ແລະ ຊຽງ​ຂວາງ, ອຸນ­ຫະ​ພູມ​ຕໍ່າ​ສຸດ 18 – 20 ອົງ­ສາ ແລະ ສູງ​ສຸດ 20 – 35 ອົງ​ສາ.

ພາກ​ເ​ໜືອ​ດ້ານ​ຕາ­ເວັນ­ຕົກ: ໃນ​ໄລ­ຍະ​ວັນ​ທີ 5 ຫາ 11 ຕຸ­ລາ 2020 ອາ­ກາດ​ເຢັນ​ໃນ​ຕອນ​ເຊົ້າ ແລະ ຈະ​ມີ​ຝົນ­ຕົກ ຟ້າ­ຮ້ອງ​ຟ້າ​ເຫຼື້ອມ​ໃນ​ລະ­ດັບ​ຄ່ອຍ ຫາ ​ບາງປາ​ນກາງ ພ້ອມ​ມີ​ລົມ​ພັດ​ແຮງ​ຢູ່​ທ້ອງ­ຖິ່ນ​ທ້ອງ­ຖິ່ນ​ແຂວງ ອຸ­ດົມ​ໄຊ, ບໍ່​ແກ້ວ, ຫຼວງ​ພະ​ບາງ ແລະ ໄຊ​ຍະ​ບູ​ລີ. ອຸນ​ຫະ​ພູມ​ຕໍ່າ​ສຸດ 21 – 23 ອົງ­ສາ ແລະ ສູງ​ສຸດ 31 – 33 ອົງ​ສາ.

ພາກ​ກາງ: ໃນ​ໄລ­ຍະ​ວັນ​ທີ 5 ຫາ 11 ຕຸ­ລາ 2020 ມີ​ເຝື້ອ​ປົກ​ຄຸມ​ເປັນ​ສ່ວນ​ຫຼາຍ ຈະ​ມີ​ຝົນ­ຕົກ​ຮ້ອງ ​ຟ້າ​ເຫຼື້ອມ​ໃນ ລະ­ດັບ​ຄ່ອຍ ຫາ ປານ​ກາງ ແລະ ຕົກ​ໜັກ​ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ­ຖິ່ນ ແຂວງ ບໍ​ລິ​ຄໍາ​ໄຊ, ຄໍາ​ມ່ວນ ແລະ ສະ­ຫວັນ​ນະ​ເຂດ. ອຸນ­ຫະ​ພູມ​ຕໍ່າ​ສຸດ 24 ຫາ 26 ອົງ­ສາ ແລະ ສູງ​ສຸດ 31 – 33 ອົງ​ສາ.

ສະ­ເພາະ​ແຂວງ ໄຊ​ສົມ­ບູນ, ເຂດ​ຫຼັກ 20, ເມືອງ ວຽງ​ທອງ ແລະ ເມືອງ ນາ​ກາຍ ໃນ​ໄລ­ຍະ​ວັນ​ທີ 5 ຫາ 11 ຕຸ­ລາ 2020 ອາ­ກາດ​ຈະ​ເຢັນ​ລົງ ພ້ອມ​ມີ​ໝອກ​ບາງ​ປົກ​ຫຸ້ມ​ໃນ​ຕອນ​ເຊົ້າ ແລະ ຈະ​ມີ​ຝົນ­ຕົກ​ຟ້າ­ຮ້ອງ​ຟ້າ​ເຫຼື້ອມ​ໃນ​ລະ­ດັບຄ່ອຍ ແລະ ຈະ​ມີ​ລົມ​ພັດ​ແຮງ​ເປັນ​ບາງ​ໂອ­ກາດ​ຢູ່​ບາງ​ບໍ­ລິ­ເວນ. ອຸນ­ຫະ​ພູມ​ຕໍ່າ​ສຸດ 18 – 20 ອົງ­ສາ ແລະ ສູງ​ສຸດ 26 – 28 ອົງ​ສາ.

ພາກ​ໃຕ້: ໃນ​ໄລ­ຍະ​ວັນ​ທີ 05 ຫາ 8 ຕຸ­ລາ 2020 ມີ​ຝົນ­ຕົກ​ຟ້າ​ຮ້ອງ​ຟ້າ​ເຫຼື່ອມ​ໃນ​ລະ­ດັບ​ຄ່ອຍ ຫາ ປານ​ກາງ​ຢູ່​ເກືອບ ທົ່ວ​ໄປ ແລະ ຕົກ​ໜັກ ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອ­ກາດ​ຢູ່​ບາງ​ທ້ອງ​ຖິ່ນ. ຈາກ​ນັ້ນ​ໄລ­ຍະ ວັນ​ທີ 9 – 11 ຕຸ­ລາ 2020 ຈະ​ມີ​ຝົນ­ຕົກ​ຫຼາຍ​ຂຶ້ນ​ຕື່ມ​ອີກ ຊຶ່ງ​ຈະ​ຕົກ​ໃນ​ລະ­ດັບ​ປານ​ກາງ ຫາ ໜັກ ພ້ອມ​ມີ​ລົມ​ພັດແຮງ​ເປັນ​ບາງ​ໂອ​ກາດ. ອຸນ­ຫະ​ພູມ​ຕໍ່າ​ສຸດ 24 – 26 ອົງ­ສາ ແລະ ສູງ​ສຸດ 33 – 35 ອົງ​ສາ.

ສະ­ເພາະ​ເຂດ​ພູ​ພຽງ​ບໍ​ລະ​ເວນ: ໃນ​ໄລ­ຍະ​ວັນ​ທີ 5 ຫາ 11 ຕຸ­ລາ 2020 ອາ­ກາດ​ໜາວ ເຢັນ​ໃນ​ຕອນ​ເຊົ້າ ແລະ ຈະ​ມີຝົນ­ຕົກ​ຟ້າ­ຮ້ອງ​ຟ້າ​ເຫຼື້ອມ​ໃນ​ລະ­ດັບ​ຄ່ອຍ ຫາ ປານ​ກາງ ແລະ ຕົກ​ໜັກ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອ­ກາດ​ຢູ່​ບາງບໍ­ລິ­ເວນ. ອຸນ­ຫະ​ພູມ​ຕໍ່າ​ສຸດ 13 – 14 ອົງ­ສາ ແລະ ສູງ​ສຸດ 23 – 25 ອົງ​ສາ.

ນະ­ຄອນ­ຫຼວງ​ວຽງ​ຈັນ: ໃນ​ໄລ­ຍະ​ວັນ​ທີ 5 ຫາ 11 ຕຸ­ລາ 2020 ມີ​ຝົນ­ຕົກ​ຟ້າ­ຮ້ອງ​ຟ້າ​ເຫຼື້ອມ​ໃນ​ລະ­ດັບ​ຄ່ອຍ​ຢູ່​ທົ່ວ​ໄປ ແລະ ຕົກ​ປານ​ກາງ ຫາ ໜັກ​ພ້ອມ​ມີ​ລົມ​ພັດ​ແຮງ​ຢູ່​ບາງ​ບໍ­ລິ­ເວນ. ອຸນ­ຫະ​ພູມ​ຕໍ່າ​ສຸດ 23 – 25 ອົງ­ສາ ແລະ ສູງ​ສຸດ 31 – 33 ອົງ​ສາ.

ຄໍາ​ເຕືອນ: ໄລ­ຍະ​ວັນ​ທີ 9 – 11 ຕຸ­ລາ 2020 ຍ່ອມ​ຄວາມ​ກົດ​ດັນ​ອາ­ກາດ​ຕ່ຳຈະ​ກໍ່​ຕົວ​ຢູ່​ເຂດ​ທະ­ເລຈີນ​ໃຕ້​ຕອນ​ກາງ ແລະ ຈະ​ເພີ່ມ​ກໍາ​ລັງ​ແຮງ​ຂຶ້ນ​ຕາມ​ລໍາ​ດັບ ທີ່​ມີ​ຄວາມ​ເປັນ​ໄປ​ໄດ້​ຈະ​ກາຍ­ເປັນ​ພາ­ຍຸ​ໝຸນ​ເຂດ​ຮ້ອນ ປົກ​ຄຸມ​ເຂດ​ພາກ​ໃຕ້​ຂອງ​ປະເທດ​ລາວ ຊຶ່ງ​ຈະ​ເຮັດ​ໃຫ້​ມີ​ຝົນ­ຕົກ​ໃນ​ລະ­ດັບ​ປານ​ກາງ ຫາ ໜັກ ພ້ອມ​ມີ​ລົມ​ພັດ​ແຮງ​ໃນ​ເຂດ​ພາກ​ກາງ ແລະ ພາກ​ໃຕ້. ດັ່ງ­ນັ້ນ: ຈຶ່ງ​ແຈ້ງ​ເຕືອນ​ເຖິງ ປະ­ຊາ­ຊົນ​ບັນ­ດາ­ເຜົ່າ​ໃນ​ເຂດ​ດັ່ງ­ກ່າວ ໃຫ້​ມີ​ສະ­ຕິ​ຕໍ່​ສະ­ພາບ​ຝົນ­ຕົກ​ໜັກ ແລະ ລົມ​ພັດ​ແຮງ ທີ່ຈະ​ເຮັດ​ໃຫ້​ມີ​ນ້ຳຖ້ວມ ແລະ ນ້ຳ​ຖ້ວມ​ອັ່ງ ພ້ອມ​ນີ້​ໃຫ້​ຕິດ­ຕາມ​ຂ່າວ​ພະ­ຍາ­ກອນ​ອາ­ກາດ ຈາກ​ກົມ​ອຸ­ຕຸ­ນິ­ຍົມ ແລະ ອຸ​ທົກກະ​ສາດ ຢ່າງ​ເປັນ​ປະ​ຈໍາ.

Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)