ເຊື່ອມຊືມມະຕິຂອງກົມການເມືອງສູນກາງພັກ ວ່າດ້າຍການເລືອກຕັ້ງ ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ

0
37

ວັນທີ່ 8 ຕຸລານີ້ ສະພາປະຊາຊົນແຂວງຫຼວງພະບາງໄດ້ຈັດຕັ້ງ ເຊື່ອມຊືມມະຕິຂອງກົມການເມືອງສູນກາງພັກວ່າດ້ວຍການເລືອກຕັ້ງ ສະມາຊິກສະພາແຫ່ງຊາດຊຸດທີ່ IX ແລະສະມາຊິກສະພາປະຊາຊົນແຂວງຊຸດທີ່ II ໂດຍເປັນປະທານຂອງ ທ່ານ ສາຍສະໝອນ ຄົມທະວົງ ປະທານສະພາປະຊາຊົນແຂວງ ມີສະມາຊິກສະພາແຫ່ງຊາດປະຈຳເຂດເລືອກຕັ້ງ, ສະມາຊິກສະພາປະຊາຊົນແຂວງ ແລະພາກສ່ວນກ່ຽວຂ້ອງເຂົ້າຮ່ວມ.

ທ່ານ ສາຍສະໝອນ ຄົມທະວົງ ໄດ້ເຜີຍແຜ່ມະຕິຂອງກົມການເມືອງສູນກາງພັກ ວ່າດ້ວຍການຊີ້ນຳຽນຳພາຂອງຄະນະພັກແຕ່ລະຂັ້ນ ຕໍ່ການເລືອກຕັ້ງ ສະມາຊິກສະພາແຫ່ງຊາດຊຸດທີ່ IX ແລະສະມາຊິກສະພາປະຊາຊົນແຂວງຊຸດທີ່ II ທ່ານກ່າວວ່າ: ການເລືອກຕັ້ງສະມາຊິກສະພາແຫ່ງຊາດຊຸດທີ່ IX ແລະສະມາຊິກສະພາປະຊາຊົນແຂວງຊຸດທີ່ II ຖືເປັນເຫດການການເມືອງທີ່ສໍາຄັນຂອງຊາດ ເຊີ່ງດໍາເນີນໃນບັນຍາກາດ ທີ່ປະເທດຊາດໄດ້ຮັບການພັດທະນາຮອບດ້ານ ແລະຕໍ່ເນື່ອງ ສອດຄ່ອງກັບການປະຕິບັດແນວທາງປ່ຽວແປງໃໝ່, ບັນຍາກາດແຫ່ງຜົົນສຳເລັດການດຳເນີນກອງປະຊຸມໃຫຍ່ສາມຂັ້ນຂອງພັກ ແລະບັນຫາກັບສີ່ງທ້າທາຍ ແລະຄວາມຫຍຸ້ງຍາກ ທາງດ້ານການພັດທະນາເສດຖະກິດ-ສັງຄົມ ແລະການລະບາດຂອງພະຍາດໂຄວິດ 19, ແຕ່ຄະນະພັກແຕ່ລະຂັ້ນ ຕ້ອງໄດ້ສຸມໃສ່ການຊີ້ນຳ-ນຳພາຮອບດ້ານ ເພື່ອເຮັດໃຫ້ບັ້ນເລືອກຕັ້ງມີຜົນສຳເລັດ.

ໂອກາດດຽວກັນນີ້ ປະທານສະພາປະຊາຊົນແຂວງຫຼວງພະບາງ ໄດ້ເຜີຍແຜ່ຄຳແນະນຳ ຂອງຄະນະກຳມະການເລືອກຕັ້ງລະດັບຊາດ ເພື່ອໃຫ້ຄະນະກຳມະການຂັ້ນແຂວງ ກໍ່ຄືຄະນະຮັບຜິດຊອບໄດ້ກະກຽມວຽກງານຮອບດ້ານໃຫ້ແກ່ບັ້ນເລືອກຕັ້ງ ສະມາຊິກສະພາແຫ່ງຊາດຊຸດທີ່ IX ແລະສະມາຊິກສະພາປະຊາຊົນແຂວງຊຸດທີ່ II ທີ່ຈະມີຂື້ນໃນປີ 2021 ໃຫ້ມີຜົນສຳເລັດຕາມຄາດໝາຍທີ່ວາງໄວ້.