ອົງການກາແດງສາຂາແຂວງຄຳມ່ວນ ເຄື່ອນໄຫວຮັບບໍລິຈາກເລືອດ

0
15

ໃນວັນທີ 6 ຕຸລາ 2020 ຢູ່ທີ່ເມືອງຍົມມະລາດ ແຂວງຄຳມ່ວນ ໄດ້ມີພິທີຮັບບໍລິຈາກເລືອດ ໂດຍໃຫ້ກຽດເປັນປະທານຂອງທ່ານ ແກ້ວບຸນປອນ ໄຊຍະລາດ ຮອງຫົວໜ້າຫ້ອງວ່າການ ເມືອງຍົມມະລາດ, ທ່ານ ດຣ. ວິລິດ ພະສະຫວັດ ຮອງຫົວໜ້າອົງການກາແດງແຂວງຄຳມ່ວນ ພ້ອມດ້ວຍຄະນະທີມງານຫ້ອງການກາແດງແຂວງຄຳມ່ວນ, ອົງການຈັດຕັ້ງພາຍໃນເມືອງ, ຄູ-ອາຈານ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.

ໃນພິທີດັ່ງກ່າວທ່ານ ດຣ. ວິລິດ ພະສະຫວັດ ຮອງຫົວໜ້າອົງການກາແດງແຂວງ ໄດ້ໃຫ້ກຽດກ່າວເປີດ ແລະ ໃຫ້ການໂອ້ລົມ ທ່ານໄດ້ຍົກໃຫ້ເຫັນເຖິງຄວາມໝາຍຄວາມສຳຄັນຂອງເລືອດ, ເຊິ່ງຍັງບໍ່ມີເທັກໂນໂລຢີໃດສາມາດຜະລິດເລືອດໄດ້ ແລະ ບົດບາດໜ້າທີ່ຂອງວຽກງານກາແດງ ໃນການຮັບບໍລິຈາກເລືອດດ້ວຍຄວາມສະໝັກໃຈຂອງນັກຮຽນ, ຮັບຮູ້ເຂົ້າໃຈໃນການປີ່ນປົວຊ່ວຍຄົນເຈັບທີ່ຂາດເລືອດ. ສຳລັບເມືອງຍົມມະລາດ ບົນພື້ນຖານການບໍລິຈາກເລືອດປອດໄພ. ໃນການບໍລິຈາກເລືອດໃນຄັ້ງນີ້ ແມ່ນມີຜູ້ບໍລິຈາກຈຳນວນ 24 ຄົນ, ຍິງ 16 ຄົນ, ເທົ່າກັບ 24 ຖົງ ປະກອບມີ 2 ໂຮງຮຽນຄື: ໂຮງຮຽນ ມສ ບຸ່ງເບົາ ແລະ ມສ ບ້ານພີດ ເຊິ່ງເລືອດທີ່ໄດ້ຮັບບໍລິຈາກຄັ້ງນີ້ກໍ່ເພື່ອນຳໄປຊ່ວຍເຫຼືອຄົນເຈັບໄຂ້ໄດ້ປ່ວຍເຊັ່ນ: ຂາດເລືອດຊຳເຮື້ອ, ຟອກໄຂ່ຫຼັງ, ຜ່າຕັດ ແລະ ຄົນເກີດອຸປະຕິເຫດອື່ນໆ.

ພາບ-ຂ່າວ: ມີເດຍລາວ ແຂວງຄຳມ່ວນ