ໃນລະຫວ່າງວັນທີ 7-8 ຕຸລາ 2020 ຜ່ານມານີ້ ອົງການກາແດງແຂວງອັດຕະປື ຮ່ວມກັບສູນບໍລິຈາກເລືອດຂອງແຂວງ ໄດ້ລົງເຄື່ອນໄຫວຂໍແຜ່ບໍລິຈາກເລືອດນໍາອ້າຍນ້ອງນາຍ ແລະ ພົນທະຫານ ຢູ່ກອງຮ້ອຍ792 ແລະ ກອງຮ້ອຍ 594 ເມືອງໄຊເສດຖາ ແຂວງອັດຕະປື ໂດຍມີທ່ານນາງ ດາວວັງ ນາມສີນາ ຮອງຫົວໜ້າອົງການກາແດງແຂວງອັດຕະປື, ມີຫົວໜ້າ-ຮອງຫົວໜ້າກອງຮ້ອຍ, ພ້ອມດ້ວຍນາຍ ແລະພົນທະຫານ, ພະນັກງານວີຊາການແພດໜໍເຂົ້າຮວ່ມ ທ່ານນາງ ດາວວັງ ນາມສີນາ ຮອງຫົວໜ້າອົງການກາແດງປະຈໍາແຂວງ ໄດ້ອະທິບາຍເຖິງຄວາມໝາຍສໍາຄັນຂອງການຂໍແຜ່ບໍລິຈາກເລືອດ ເຊິ່ງເລືອດມັນກໍ່ແມ່ນທາດແຫຼວໜື່ງທີ່ໄຫຼໜູນວຽນຢູ່ທົ່ວຮ່າງກາຍຂອງຄົນເຮົາ ທີ່ປະກອບດ້ວຍສອງພາກສ່ວນຄື: ພາກສ່ວນທີ່ເປັນນໍ້າ ແລະ ພາກສ່ວນທີ່ເປັນຈຸລັງ ໂດຍແມ່ນກະດູກຂໍ່ໃນຮ່າງກາຍເປັນບ່ອນຜະລິດເລືອດ ແລະ ບໍ່ມີປະເທດໃດໃນໂລກຈະຜະລິດເລືອດໄດ້ ນອກຈາກການບໍລິຈາກຂອງຄົນເຮົາເທົ່ານັ້ນ ການບໍລິຈາກເລືອດຍັງເປັນການປະກອບສ່ວນກອບກູ້ເອົາຊີວິດຂອງຄົນເຈັບທີ່ຂາດເລືອດນອນປີ່ນປົວຢູ່ຕາມໂຮງໜໍແຫ່ງຕ່າງໆ ແລະ ເປັນການຊ່ວຍເຫຼືອເພື່ອນມະນຸດດ້ວຍກັນ ພ້ອມນັ້ນທ່ານຍັງໄດ້ຮຽກຮ້ອງທົ່ວສັງຄົມຈົ່ງໃຫ້ການຮ່ວມມືໃນການບໍລິຈາກເລືອດ ເພາະອີງໃສ່ຄວາມຕ້ອງການເລືອດ

ໃນປະຈຸບັນເຫັນວ່າມີບາງຄັ້ງຍັງບໍ່ທັນຕອບສະໜອງໄດ້ຕາມຄວາມຕ້ອງການຂອງຄົນເຈັບທີ່ຕ້ອງການເລືອດ ໃນການຮັກສາປິ່ນປົວພາຍໃນໂຮງໝໍແຫ່ງຕ່າງໆ ຈຶ່ງຈໍາເປັນຕ້ອງໄດ້ມີການຂໍແຜ່ບໍລິຈາກ ໃຫ້ໄດ້ຫຼາຍເທົ່າທີ່ຈະຫຼາຍໄດ້ ຜ່ານການປຸກລະດົມໄດ້ນຳນາຍ-ພົນທະຫານໃນ 2 ກອງຮອ້ຍ ດັ່ງກ່າວ ມີຜູ້ສະໝັກໃຈບໍລິຈາກເລືອດທັງໝົດ 14 ສະຫາຍ ຜ່ານການກວດສຸຂະພາບສາມາດເອົາເລືອກອອກໄດ້ເລືອດຕົວຈິງ 8 ຄົນ ໄດ້ເລືອດ 8 ຖົງ ແລະ ກວດສຸຂະພາບບໍ່ຜ່ານ 6 ຄົນ.

ພາບບຂ່າວ: ມີເດຍລາວ ແຂວງອັດຕະປື