ໃນລະຫວ່າງວັນທີ 5-9 ຕຸລາ 2020 ທີ່ເມືອງທ່າແຕງ ແຂວງເຊກອງ, ກອງໂຄສະນາ ແລະ ຂົນຂວາຍການກຸສົນ ອົງການກາແດງລາວ ໄດ້ຈັດຝຶກອົບຮົມການ ເປັນນັກໂຄສະນາ ໃຫ້ພະນັກ ງານທີ່ຮັບຜິດຊອບ ໃນຂົງເຂດການໂຄສະນາ ວຽກງານກາແດງ, ໂດຍມີ ກາແດງນະຄອນຫລວງວຽງຈັນ, ແຂວງ ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ ແລະ ກາແດງແຂວງອັດຕະປື, ໂດຍການເປັນປະທານຂອງ ທ່ານ ທອງພະຈັນ ສອນນະສິນ ຮອງປະທານອົງການກາແດງລາວ, ມີ ທ່ານ ພອນຄຳ ແກ້ວວິໄລ ຫົວໜ້າກອງໂຄສະນາ ແລະ ຂົນຂວາຍການກຸສົນອົງການກາ ແດງລາວ, ຜູ້ຕາງໜ້າຄະນະກຳມະ ການກາແດງສາກົນ ປະຈຳນະຄອນຫລວງວຽງຈັນ, ພ້ອມດ້ວຍສຳມະນາກອນ ເຂົ້າຮ່ວມ.

ຈຸດປະສົງການຝຶກອົບຮົມໃນຄັ້ງນີ້, ເພື່ອໃຫ້ຮູ້ດ້ານທັກສະວິທີ ການໂຄສະນາ, ການໃຫ້ຂໍ້ມູນຂ່າວສານຕ່າງໆ ໃນຂົງເຂດວຽກງານກາແດງ ໃຫ້ແທດເໝາະ ອອກສູ່ສັງຄົມໄດ້ຮັບຮູ້ ແລະ ເຂົ້າໃຈຢ່າງທົ່ວເຖິງ. ຫົວຂໍ້ທີ່ນຳມາສະເໜີໃນຄັ້ງນີ້, ປະກອບມີ ພື້ນຖານການສື່ສານ ການນຳໃຊ້ເຕັກນິກ ເພື່ອເຮັດໃຫ້ຜູ້ຟັງມີສ່ວນຮ່ວມ ໃນການນຳສະເໜີຫລາຍຂຶ້ນ, ອະທິບາຍປະຫວັດ ເຄື່ອງໝາຍກາແດງ, ກົດໝາຍມະນຸດສະທຳສາກົນ ແລະ ກິດຈະກຳຂອງອົງການກາແດງລາວ ໃນໄລຍະຜ່ານມາ.

ພ້ອມນີ້, ຊຸດຝຶກອົບຮົມຍັງໄດ້ ພ້ອມກັນວາງແຜນການໂຄສະນາ, ປະຕິບັດຕົວຈິງຕາມເງື່ອນໄຂ ຂໍ້ສະດວກຂອງແຕ່ລະແຂວງ ແລະ ໃນຕອນທ້າຍ ໄດ້ມອບໃບຢັ້ງຢືນຜ່ານ ການຝຶກອົບຮົມ ເປັນນັກໂຄ ສະນາ. ຊຸດຝຶກອົບຮົມດັ່ງກ່າວ, ໄດ້ຮັບການສະໜັບສະໜູນ ຈາກຄະນະກຳມະການ ກາແດງສາກົນ (ICRC).

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)