ກະຊວງ ຖວທ ຈັດກອງປະຊຸມ ພົບປະໂອ້ລົມ-ແລກປ່ຽນບົດຮຽນ ພະນັກງານຫລັກແຫລ່ງ-ພະນັກງານບຳນານ

0
281

ໃນ​ວັນ​ທີ 9 ຕຸລາ 2020 ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ (​ຖວທ) ​ໄດ້​ຈັດ​ກອງ​ປະຊຸມ​ພົບ​ປະ ​ໂອ້​ລົມພະນັກງານ​ ອາວຸ​​ໂສ​ບຳນານ, ພະນັກງານ​ຫລັກ​ແຫ​ລ່ງ, ພະນັກ ງານ​ຜູ້​ສືບ​ທອດ ​ເພື່ອ​ແລກປ່ຽນ​ບົດຮຽນ, ​ແລກປ່ຽນ​ຄວາມ​ຮູ້, ​ແລກປ່ຽນ​ປະສົບ​ການ ​ໃນ​ການ​ປະຕິບັດ​ໜ້າ​ທີ່ ວຽກ​ງານ​ວິຊາ​ສະ​ເພາະ ​ໃນ​ຂົງ​ເຂດ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ກໍ​ຄື ບົດຮຽນໃນການກໍ່ສ້າງ ພະນັກງານສືບທອດປ່ຽນແທນ ແລະ ບົດຮຽນໃນການກໍ່ສ້າງ ບຸກຄະລາກອນ ຂອງພະນັກງານບໍານານ, ​ໂດຍ​ມີ ​ທ່ານ ກິ​ແກ້​ວ ​ໄຂ​ຄຳ​ພິທູນ ລັດຖະມົນຕີ​ ກະຊວງ ຖວທ, ມີ​ບັນດາ​ຮອງ​ລັດຖະມົນຕີ, ຫົວໜ້າ​ກົມ, ຮອງ​ກົມ ​ແລະ ​ອະ​ດີດລັດຖະມົນຕີ ກະຊວງ ຖວທ ​ເຂົ້າຮ່ວມ.

ການ​ພົບ​ປະກັນ​ໃນ​ຄັ້ງ​ນີ້, ​ໄດ້​ພ້ອມ​ກັນ​ສຸມ​ໃສ່ ປະກອບ​ຄຳ​ຄິດຄຳ​ເຫັນ ​ໃນ​ຫລາຍ​ບັນຫາ​ທີ່​ພົ້ນ​ເດັ່ນ ​ໂດຍ​ສະ​​ເພາະ ​ບັນຫາການ​ກໍ່ສ້າງ ​ພະນັກງານ​ສືບ​ທອດ ​ແລະ ການ​ຊີ້​ນຳ-ນຳພາ ຂອງ​ຄະນະ​ພັກ ​ໃນ​ໄລຍະ​ຜ່ານ​ມາ​ ​ເພື່ອ​ເປັນ​ບົດຮຽນ​​ໃນການ ​ສືບ​ຕໍ່​ຊີ້​ນຳ-ນຳພາ​ໃນ​ຕໍ່ໜ້າ ແນ​ໃສ່ພັດທະນາວຽກງານຖະ ແຫລງຂ່າວ, ວັດທະນາທໍາແລະທ່ອງທ່ຽວໃ ຫ້ມີຄວາມເປັນລະບົບ, ທັນສະໄໝ ​ແລະ ໄດ້​ຮັບ​ການ​ພັດ ທະນາ​ຂຶ້ນ​ໄປ​ເລື້ອຍໆ ​ໂດຍບັນດາ​ພະນັກງານ​ອະ​ວຸ​ໂສ​ບຳນານ​ ​ໄດ້​ພັດ​ປ່ຽນ​ກັນ ​ມີ​ຄຳ​ເຫັນ ​​ແລະ ລາຍ​ງານ​ໃຫ້​ຮູ້​ກ່ຽວ​ກັບ​ປະສົບ​ການ, ວິທີ​ການ ​ແລະ ລະບຽບ​ການ ​ໃນການຈັດ​ຕັ້ງ​ປະຕິບັດ​ ໜ້າ​ທີ່​ວຽກ​ງານວິຊາ​ ສະ​ເພາະຂ​ອງຕົນ, ພ້ອມ​ທັງ​ຍ້ອງຍໍ​ຊົມ​ເຊີຍ ທີ່​ເຫັນ​ວ່າຫລາຍ​ວຽກ​ງານ ​ໄດ້​ຮັບ​ການ​ພັດທະນາ ​ແລະ ປະສົບ​ຜົນສຳ​ເລັດ​ໃນ​ຫລາຍ​ດ້ານ, ການ​ປະຕິບັດ​ໜ້າ​ທີ່​ຂອງ ​ແຕ່ລະ​ຂະ​ແໜງ​ການ ​ໃນ​ຂົງ​ເຂດ ຖວທ ມີ​ຄວາມ​ຖືກຕ້ອງ, ​ໂປ່​ງ​ໃສ່, ​ເຮັດ​ຫລ້ອນ​ໜ້າ​ທີ່,ວ່ອງ​ໄວ, ທັນ​ການ ​ໂດ​ຍສະ​ເພາະ​ວຽກ​ງານ​ຖະ​ແຫລ​ງຂ່າວ ກໍ​ຄື ຂົງ​ເຂດສື່ມວນ​ຊົນ ​ແລະ ອື່ນໆ.

ພາຍ​​ຫລັງ ພະນັກງານ​ອາວຸ​ໂສບຳນານ ​ມີ​ຄຳ​ເຫັນ​ແລ້ວ ທ່ານ ກິ​ແກ້​ວ ​ໄຂ​ຄຳ​ພິທູນ ກໍ​ໄດ້​ມີ​ຄຳ​ເຫັນ​ໂອ້ລົມ ​ໂດຍ​ໄດ້ຕີ​ລາ​ຄາ​ສູງ ​ແລະ ​ສະ​ແດງ​ຄວາມ​ຍ້ອງ​ຍໍຊົມ​ເຊີຍ ຕໍ່​ການຈັດ​ຕັ້ງ​ປະຕິບັດໜ້າ​ທີ່​ວຽກ​ງານ​ໃນ​ໄລ​ຍະ​ຜ່ານ​ມາ ຂອງ​ບັນດາ​ພະນັກງານ ​ອະ​ວຸ​ໂສ​ບຳນານ ​ສາມາດເຮັດ​​ໃຫ້​ວຽກ​ງານ ຖວທ ​ໄດ້​ຮັບ​ການ​ພັດທະນາ​ຂຶ້ນ​ໄປ​​ເລື້ອຍໆ, ພ້ອມ​ທັງ​​ເນັ້ນ​ໃຫ້ ​ພະນັກງານ​ຫລັກ​ແຫ​ລ່ງ ພາຍ​ໃນ​ກະຊວງ ​ເພີ່ມ​ທະວີ​ສ້າງ​ ພະນັກງານ​ສືບ​ທອດປ່ຽນ​​ແທນ, ຫັນ​ພະນັກງານ​ໜຸ່ມ ​ໃຫ້​ເປັນ​ພະນັກງານ​ສືບ​ທອດ ທີ່​ມີ​ຄວາມ​ຮູ້​, ຄວາມ​ສາມາດ, ຖື​ກຕາມ​ລະບົບ-ຖືກ​ຕາມ​ວິຊາ​ສະ​ເພາະ, ສ້າງ​ການ​ຫັນປ່ຽນ​ທີ່​ເລີກ​ເຊິ່ງ ​ແລະ ແຂງ​ແຮງ, ສ້າງ​ບຸກຄະ​ລາກ​ອນ ​ໃຫ້​ມີ​ຄວາມ​​​ເຂັ້ມ​ແຂງ, ເລືອກ​ເຟັ້ນ​ເອົາ​ພະນັກງານ ​ທີ່​ມີ​ຄວາມຮູ້​ຄວາມ​ສາມາດ​ແທ້ໆ (ຫລີກ​ລ້ຽງ​ການ​ໃຊ້​ເສັ້ນ​ສາຍ, ລູກ​ເຈົ້າ​ຫລານ​ຂ້ອຍ), ຕ້ອງ​ມີ​ຄວາມ​​ໂປ່​ງ​ໃສ່ ​​ໃນ​ການ​ຊີ້​ນຳ-ນຳພາ, ການນຳພາ​-​ຄຸ້ມ​ຄອງ​ພະນັກງານ ​ດ້ວຍ​ລະບຽບ​ຫລັກການ (ບໍ່​ວ່າ​ຫົວໜ້າ ຫລື ລູກ​ນ້ອງ ຜິດ​ກໍ່​ວ່າ​ໄປ​ຕາມ​ຜິດ).

ພ້ອມດຽວ​ກັນ​ນີ້, ທ່ານ ກິ​ແກ້​ວ ​ໄຂ​ຄຳ​ພິທູນ ຍັງ​ໄດ້ຢືນຢັນ​ວ່າ: ຈະ​ນຳ​ເອົາ​ຄຳ​ຄິດຄຳ​ເຫັນ, ບົດ ຮຽນ ​ແລະ ຂໍ້​ສະ​ເໜີຕ່າງໆ ຂອງ​ພະນັກ​ງານ ​ອາວຸ​ໂສ​ບຳນານ​ໄປ​ປັບປຸງ, ໝູນ​ໃຊ້ເຂົ້າ​ໃນໜ້າ​ທີ່ວຽກ​ງານ ວິຊາ​ສະ​ເພາະ ຂອງ​ແຕ່ລະ​ຂະ​ແໜງ​ການ ​ໃຫ້​ເກີດ​ຜົນ​ປະ​ໂຫຍ​ດສູງ​ສຸດ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)