ໃນວັນທີ 11-12/10/2020 ຄະນະສື່ມວນຊົນລາວ 7 ສຳນັກຈາກສູນກາງ ແລະ ສື່ມວນຊົນຈາກ ສສ ຫວຽດນາມ ແລະ ສປ ຈີນ ຮ່ວມກັນທັດສະນະສຶກສາແຫຼ່ງທ່ອງທ່ຽວທີ່ສຳຄັນຂອງແຂວງຫຼວງພະບາງເຊັ່ນ: ນໍ້າຕົກຕາດກວາງຊີ, ນໍ້າຕົກຕາດຮ້ອຍຄົວ, ສູນຫັດຖະກຳເຄື່ອງປັ້ນດິນເຜົາບ້ານຈ່ານເໜືອ, ວັດຊຽງທອງ, ເຮືອນຈັນ ມໍລະດົກຫຼວງພະບາງ, ພະລາດຊະວັງ, ຕະຫຼາດຊົນເຜົ່າ ແລະ ບັນດາຫົວໜ່ວຍທຸລະກິດຕ່າງໆພາຍໃນແຂວງຫຼວງພະບາງ.

ທ່ານ ນາງ ປອ ສຸດາພອນ ຄົມທະວົງ ຫົວໜ້າພະແນກ ວທ ແຂວງ ຫຼວງພະບາງ

ໃນໂອກາດນີ້ ທ່ານນາງ ປອ ສຸດາພອນ ຄົມທະວົງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ໄດ້ໃຫ້ສຳພາດກັບສື່ມວນຊົນຕໍ່ແຜນການຊຸກຍູ້ການທ່ອງທ່ຽວພາຍໃນແຂວງ ໂດຍສະເພາະແມ່ນ ການປັບປຸງພື້ນຖານໂຄງລ່າງພາຍໃນແຂວງ ໂດຍໄດ້ນຳໃຊ້ງົບປະມານ 1 ຕື້ກ່ວາກີບ ໃນການປັບປຸງແຫຼ່ງທ່ອງທ່ຽວ ຕາດກວາງຊີ ແລະ ພະທາດພູສີ ເພື່ອກຽມຄວາມພ້ອມໃນການຮັບນັກທ່ອງທ່ຽວ ທີ່ຈະຫຼັ່ງໄຫຼເຂົ້າມາທ່ຽວແຂວງຫຼວງພະບາງ ພາຍຫຼັງການລະບາດຂອງພະຍາດໂຄວິດ-19.

ນັກທ່ອງທ່ຽວ ມາທ່ຽວວັດຊຽງທອງ

ພ້ອມດຽວກັນນັ້ນ ກໍ່ໄດ້ມີການສ້າງຄວາມເຂົ້າໃຈກັບບັນດາຫົວໜ່ວຍທຸລະກິດ ໃຫ້ປັບຕົວເຂົ້າກັບສະພາບການເຊັ່ນ: ການປັບປຸງລາຄາໂຮງແຮມ, ເຮືອນພັກ, ຮ້ານອາຫານ ໃຫ້ເໝາະສົມກັບເສດຖະກິດປະຈຸບັນ ໂດຍສະເພາະແມ່ນ ການປັບປຸງອາຫານການກິນ ໂດຍຈະເນັ້ນເປັນອາຫານລາວ, ອາຫານພື້ນບ້ານຂອງແຂວງຫຼວງພະບາງເປັນຕົ້ນ, ທັງໝົດນີ້ ແມ່ນເພື່ອກະກຽມໃຫ້ແກ່ການສົ່ງເສີມ-ຊຸກຍູ້ການທ່ອງທ່ຽວພາຍໃນ (ລາວ ທ່ຽວ ລາວ). ໃຫ້ໄດ້ຮັບຄວາມນິຍົມສູງສຸດ. ພ້ອມທັງໄດ້ເນັ້ນໃຫ້ບັນດາຫົວໜ່ວຍທຸລະກິດໃຫ້ປະຕິບັດມາດຕະການຄວບຄຸມ-ປ້ອງກັນ ການລະບາດຂອງພະຍາດໂຄວິດ-19 ຢ່າງເຂັ່ມງວດ.

ການສົ່ງເສີມ ຫັດຖະກຳ

ໂຄງການດັ່ງກ່າວ ແມ່ນໄດ້ຮັບການສະໜັບສະໜູນຈາກ ໂຄງການພັດທະນາໂຄງລ່າງພື້ນຖານ ເພື່ອສົ່ງເສີມການທ່ອງທ່ຽວໄລຍະສອງ ADB.

ບ້ານຈັນ ມໍລະດົກແຂວງຫຼວງພະບາງ ມີອາຍຸປະມານ 130 ປີ
ນໍ້າຕົກຕາດກວາງຊີ
ນໍ້າຕົກຕາດຮ້ອຍຄົວ

#MMD #medialoas