ມື້ນີ້ນຳເອົາສິ່ງດີໆ ມາແນະນຳໃຫ້ໝູ່ເພື່ອນ ສຳລັບໃຜໃນຊ່ວງນີ້ທີ່ມີໂຊກບໍ່ດີ ມີບັນຫາເລື່ອງການເງິນ ບັນຫາຊີວິດຄອບຄົວ ຊີວິດພົບແຕ່ບັນຫາ ຂັດສົນ ມາເບີ່ງວິທີບູຊາເຈົ້າເຮືອນ ອາດຈະເຮັດໃຫ້ເກີດຜົນດີ ລອງເຮັດໄວ້ບໍ່ເສຍຫາຍ.

ສິ່ງທີ່ຕ້ອງກະກຽມ

  1. ໝາກໄມ້ 9 ຢ່າງ
  2. ນໍ້າຊາ 5 ແກ້ວ
  3. ດອກດາວເຮືອງ 9 ດອກ
  4. ທຽນ 2 ເຫຼັ້ມ
  5. ທູບ 5 ເຫຼັ້ມ
  6. ຜ້າສີຂາວບາງ  1 ຜືນ  
  7. ຄຳໝາກພູ 9 ຄຳ

ປູຜ້າຂາວ ແລະ ວາງເຄື່ອງບູຊາທີ່ກຽມໄວ້ ຕັ້ງຢູ່ກາງເຮືອນແລ້ວຫັນໜ້າເຂົ້າຫາເຮືອນ ເມື່ອຈັດເຄື່ອງບູຊາຮຽບຮ້ອຍແລ້ວໃຫ້ຈູດທູບຈູດທຽນ ແລ້ວກ່າວວ່າ:

ເຈົ້າຖີ່ນເຈົ້າຖານ, ເຈົ້າເຮືອນເຈົ້າຊານ ເຮືອນເລກທີ… ເຮືອນຫຼັງນີ້ ມື້ນີ້ເປັນມື້ສັນວັນດີ ຂ້າພະເຈົ້າໄດ້ນຳເຄື່ອງມາບູຊາ ມາກາບໄຫວ້ ມາຖະຫວາຍ ເພື່ອຂໍໃຫ້ຂ້າພະເຈົ້າຈະເຮັດທຸລະກິດ ຫຼື ອາໃສ ຢູ່ບ່ອນນີ້ ສະຖານທີ່ແຫ່ງນີ້ ຂໍຈົ່ງຊ່ວຍສົ່ງເສີມ ສະໜັບສະໜູນ ແລະ ຊ່ວຍເຫຼືອໃນການຄ້າຂາຍໃຫ້ດີຂື້ນກ່ວາເກົ່າ ທຸລະກິດຈະເລີນຮຸ່ງເຮືອງ ມີເງີນມີຄຳໄຫຼມາເທມາບໍ່ຂາດສາຍ ຂໍໃຫ້ທ່ານເປີດປະຕູເງິນ ປະຕູຄຳ ໃຫ້ແກ່ຂ້າພະເຈົ້າບໍ່ໃຫ້ຂາດເງີນ ຂາດຄຳ ບໍ່ທຸກບໍ່ຈົນ ເລື່ອງເງີນຂໍໃຫ້ສະດວກທຸກທາງ ແລະ ຫາກມີສີ່ງໃດກະທຳຜິດໄປບໍ່ວ່າຈະດ້ວຍເຈດຕະນາແບບຕັ້ງໃຈ ຫຼື ເຈດຕະນາແບບບໍ່ຕັ້ງໃຈກໍ່ຕາມ ຂ້າພະເຈົ້າຂໍຂະມາລາໂທດ ຂໍໃຫ້ຍົກໂທດອະໂຫສິກຳໃຫ້ດ້ວຍເຖີດ ສາທຸ ສາທຸ ສາທຸ.

ກາບໄຫວ້ເຈົ້້າຖີ່ນເຈົ້າຖານໃນເຮືອນຄວນໄຫວ້ຕອນສວຍ ວັນອັງຄານ ຫຼື ວັນເສົາ ແລະ ຄວນເຮັດ 3 ເດືອນຕໍ່ຄັ້ງ, 6 ເດືອນຕໍ່ຄັ້ງ ຫຼື ໃຜສະດວກເຮັດທຸກໆ ເດືອນກໍ່ໄດ້.

ເມື່ອທູບໝົດ ໃຫ້ດັບທຽນ ແລ້ວກ່າວວ່າ: ຂໍໃຫ້ເປີດທາງໃຫ້ລູກໃຫ້ຫຼານກິນເພື່ອເປັນສິລິມຸງຄຸນດ້ວຍເຖີ້ນ.