ເພື່ອນຜູ້ອ່ານຂາປະຈຳ “ມີເດຍລາວ” ສ່ອງແສງວ່າ: ເຫັນຕົວເລກການເສຍຊີວິດຈາກອຸປະຕິເຫດຕາມທ້ອງຖະໜົນແລ້ວກັງວົນໃຈສະເພາະອາທິດຕົ້ນເດືອນພະຈິກ 2020 ນີ້ ຢູ່ນະຄອນຫຼວງວຽງຈັນ ມີຜູ້ເສຍຊີວິດເຖີງ 10 ຄົນວ່າຊັ້ນ!.

ຫຼັງຈາກເພື່ອນສ່ອງແສງມາຜູ້ຂຽນກໍ່ລອງໄປຊອກຂໍ້ມູນ ກ່ຽວກັບເລື່ອງນີ້ຈາກບົດລາຍງານກອງປະຊຸມປະສານຂ່າວ ຄັ້ງວັນທີ 30 ຕຸລາ 2020 ທີ່ຈັດຂື້ນໂດຍຄະນະໂຄສະນາອົບຮົມສູນກາງພັກ ກໍ່ຮູ້ໄດ້ວ່າ: ໃນສອງອາທິດທ້າຍເດືອນຕຸລາ 2020 ນັ້ນທົ່ວປະເທດ ມີຄະດີອຸປະຕິເຫດເກີດຂື້ນທັງໝົດ 123 ຄັ້ງ ມີຄົນເສຍຊີວິດ 15 ຄົນ ສະເພາະນະຄອນຫຼວງວຽງຈັນ ມີ 80 ຄັ້ງ ມີຄົນເສຍຊີວິດ 8 ຄົນ.

ຈາກຕົວເລກສະແດງໃຫ້ເຫັນວ່າຕົວເລກເສຍຊີວິດຈາກອຸປະຕິເຫດສູງສົມຄວນຖ້າທຽບໃສ່ພົນລະເມືອງປະເທດເຮົາ.

ໃນຂະນະດຽວກັນການແຜ່ລະບາດ ຂອງພະຍາດໂຄວິດ-19 ທີ່ຮ້າຍແຮງ ແລະ ແກ່ຍາວມາເກືອບປີແລ້ວ.. ແຕ່ຢູ່ປະ ເທດເຮົາບໍ່ມີຜູ້ເສຍຊີວິດເລີຍ. ອັນນີ້ກໍ່ຍ້ອງຍໍຊົມເຊີຍຄະນະສະ ເພາະກິດ ແລະ ແພດໝໍເພີ່ນ ລວມທັງພໍ່ແມ່ປະຊາ ຊົນບັນດາເຜົ່າໃນທົ່ວປະເທດທີ່ຕັ້ງໜ້າຕື່ນຕົວ..ມີສະຕິປະຕິບັດລະບຽບການທີ່ການຈັດຕັ້ງກໍ່ຄືແພດໝໍເພີ່ນວາງອອກ ຢ່າງເຄັ່ງຄັດ.

ແລ້ວຫັນມາເບີ່ງຕົວເລກເສຍຊີວິດຈາກອຸປະຕິເຫດແລ້ວຈະເຫັນວ່າສັງຄົມພວກເຮົາຕ້ອງໄດ້ຕັ້ງບັນຫາຄືນໃໝ່ ເລື່ອງການປະຕິບັດກົດລະບຽບຈະລາຈອນວ່າພວກເຮົາເຄັ່ງຄັດສໍ່າໃດ? ມີການໂຄສະນາປະຊາສຳພັນສໍ່າໃດ? ມີການລົງໂທດຕໍ່ຜູ້ລະເມີດເດັດຂາດ-ເຂັ້ມງວດຊໍ່າໃດ? ແລະ ທ້າຍສຸດແມ່ນສາເຫດຫັຍງທີ່ພາໃຫ້ຜູ້ໃຊ້ລົດ-ໃຊ້ຖະໜົນທັງຫຼາຍບໍ່ຢ້ານອຸ ປະຕິເຫດ-ບໍ່ຢ້ານຕາຍ.

ສະເໜີແລກປ່ຽນ.

#ມີເດຍລາວ