ເມື່ອບໍ່ດົນຜ່ານມານີ້ ຫ້ອງການກະສີກຳ-ປ່າໄມ້ເມືອງບາຈຽງຈະເລີນສຸກ, ແຂວງຈໍາປາສັກ ໄດ້ເປີດຂະບວນການ ວັນເປີດນໍ້າຊົນລະປະທານແຫ່ງຊາດ ແລະ ວັນສັກຢາກັນພະຍາດສັດແຫ່ງຊາດ ຂື້ນຢູ່ທີ່ຫໍແຈກວັດບ້ານໜອງບົກໃຫຍ່ ພາຍໃຕ້ການເປັນປະທານຂອງທ່ານ ອຳນວຍ ເຮືອງວົງສາ ຮອງເລຂາພັກເມືອງ, ທ່ານ ບຸນປັນ ແກ່ນເງິນຕີ ຮອງຫົວໜ້າຂະແໜງລ້ຽງສັດ ແຂວງຈໍາປາສັກ ມີບັນດາທ່ານຫົວໜ້າຫ້ອງການ-ຄະນະຫ້ອງການ, ພະນັກງານວິຊາການຂັ້ນເມືອງ,ອໍານາດການປົກຄອງບ້ານ, ພ້ອມດ້ວຍພໍ່ແມ່ປະຊາຊົນພາຍໃນບ້ານເຂົ້າຮ່ວມ.

ທ່ານ ອຸດອນ ໄຊຍະວົງ ຫົວໜ້າຫ້ອງການກະສິກຳ-ປ່າໄມ້ເມືອງກ່າວວ່າ: ແຜນສະໜອງນໍ້າໃນປີນີ້ໃຫ້ໄດ້ 63,6 ເຮັກຕາ, ໃນນັ້ນເນື້ອທີ່ປູກເຂົ້າໃນເຂດຈຸດສຸມຊົນລະປະທານ 40 ເຮັກຕາ ແລະ ນອກເຂດຈຸດສຸມຊົນລະປະທານ 23,6 ເຮັກຕາພຶດລະດູແລ້ງ ຄຽງຄູ່ກັນນັ້ນວຽກງານສັກຢາກັນພະຍາດສັດເປັນວຽກງານທີ່ສໍາຄັນເພື່ອປູກຈິດສໍານຶກໃນປວງຊົນເອົາໃຈໃສ່ໃນການປ້ອງກັນພະຍາດໃຫ້ສັດເປັນຕົ້ນຕໍ ເອົາການປີ່ນປົວເປັນສໍາຮອງ, ສ້າງພູມຄຸ້ມກັນພະຍາດໃນສັດລ້ຽງເພື່ອສະກັດກັ້ນ ແລະ ຄວບຄຸມການລະບາດຂອງພະຍາດສັດໃຫ້ຫຼຸດນ້ອຍລົງກ້າວໄປເຖິງເຂດປອດພະຍາດ.

Medialaos MMD (ແຫູ່ງຂໍ້ມູນຈາກ: ໜັງສືພິມ ປະຊາຊົນ)