ໃນວັນທີ 19 ພະຈິກ ຜ່ານມານີ້, ໄດ້ສຳເລັດການກໍ່ສ້າງລະບົບສາຍໄຟຟ້າຊັກນໍາດ້ານເທິງ (overhead lines) ສາຍທໍາອິດຂອງເສັ້ນທາງລົດໄຟລາວ-ຈີນ, ໃນຊ່ວງລະຫວ່າງ ເຂດວຽງຈັນເໜືອ ຫາ ເຂດວຽງຈັນ, ບ້ານນາສ້ຽວ ເມືອງນາຊາຍທອງ ນະຄອນຫຼວງວຽງຈັນ ທີ່ກໍ່ສ້າງໂດຍ ກົມໄຟຟ້າເສັ້ນທາງລົດໄຟຈີນວູຫັ້ນ ໄດ້ກ້າວເຂົ້າສູ່ ຊ່ວງໄລຍະທີ່ຂຸ້ນຂ້ຽວ.

ທ່ານ ຢຽນຈຸ້ນຮົວ (Yan Junhua) ຜູ້ອໍານວຍການໂຄງການຂອງ ບໍລິສັດ ວິສະວະກໍາໄຟຟ້າ ອູຮັ້ນ ລົດໄຟແຫ່ງ ສປ ຈີນໄດ້ກ່າວວ່າ: ສາຍຊັກນໍາດັ່ງກ່າວຂອງເສັ້ນທາງລົດໄຟ ມີຄວາມຍາວທັງໝົດ 576.079 ກິໂລແມັດ, ສາຍວົງຈອນຈ່່າຍໄຟຟ້າແມ່ນ 92 ກິໂລແມັດຕໍ່ເສັ້ນ, ສາຍຊັກນໍາເສີມແມ່ນ 615 ກິໂລແມັດຕໍ່ເສັ້ນ, ເພື່ອເຮັດໃຫ້ວຽກງານກໍ່ສ້າງເຄືອຂ່າຍສາຍຊັກນໍາດ້ານເທິງ ດໍາເນີນໄປຢ່າງມີປະສິດຕິພາບດີ, ກົມໄຟຟ້າເສັ້ນທາງລົດໄຟຈີນວູຫັ້ນ ໄດ້ມີການປະສານງານກັບແຕ່ລະຝ່າຍຕັ້ງແຕ່ຂັ້ນລຸ່ມຫາຂັ້ນເທິງ, ມີການປັບປຸງແຫຼ່ງການຕິດຕັ້ງ, ມີການເປີດກອງປະຊຸມໃນຫົວຂໍ້ສະເພາະ ເພື່ອປຶກສາຫາລືໃນເລື່ອງແຜນການກໍ່ສ້າງ, ມີການຈັດແຈງຂັ້ນຕອນ, ການວາງສາຍ, ກໍານົດມາດຕະການຄວາມປອດໄພ ແລະ ອື່ນໆ, ເພື່ອຮັບປະກັນໃຫ້ການກໍ່ສ້າງສາຍຊັກນໍາດ້ານເທິງສາຍທໍາອິດ ຂອງເສັ້ນທາງລົດໄຟລາວ-ຈີນ ທີ່ຈະເຊື່ອມຕໍ່ພາຍໃນ ແລະ ຕ່າງປະເທດ ດໍາເນີນການໄປພ້ອມກັນ ແລະ ສາມາດເຊື່ອມຕໍ່ເຂົ້າກັນໄດ້. ກ່ອນວາງສາຍ, ກໍ່ມີການກວດສອບເຕັກນິກຄວາມປອດໄພພາກສະໜາມ, ກວດສອບຍານພາຫະນະ, ກວດສອບກໍ້ສາຍ ແລະ ກວດເບິ່ງຄວາມຍາວ ທີ່ຈົ່ງໄວ້ກ່ອນລ່ວງໜ້າ.

ຫຼັງຈາກນັ້ນ, ພະນັກງານທັງໝົດ ແລະ ຜູ້ຂັບຍານພາຫະນະເທິງລາງລົດໄຟ ກໍ່ເລີ່ມດໍາເນີນວຽກງານຕິດຕັ້ງດັ່ງກ່າວ, ທຸກໆຄົນດໍາເນີນການປ້ອງກັນຮັກສາໃນຮູບແບບ 3 ດ້ານ 1 ລະບົບ ໂດຍຜ່ານການປະສານສົມທົບຈາກແຕ່ລະຝ່າຍ, ການຖອນສະໝໍ, ວາງສາຍ ແລະ ລົງສະໝໍ ກໍ່ເລີ່ມປະຕິບັດຂຶ້ນ, ຈົນເຮັດໃຫ້ ການວາງສາຍຊັກນໍາເຊື່ອມຕໍ່ສາຍທໍາອິດສໍາເລັດ, ອັນເປັນການເປີດສາກທີ່ດີ ແລະ ຍິ່ງໃຫຍ່ ໃຫ້ແກ່ເສັ້ນທາງລົດໄຟລາວ-ຈີນ.ເສັ້ນທາງລົດໄຟລາວ-ຈີນ ແມ່ນ ໂຄງການເຊື່ອມຕໍ່ ລະຫວ່າງ ຍຸດທະສາດ “ໜຶ່ງແລວ ໜຶ່ງເສັ້ນທາງ” ຂອງຈີນ ແລະ ຍຸດທະສາດ “ການປ່ຽນແປງຈາກປະເທດທີ່ບໍ່ມີທາງອອກສູ່ທະເທ ມາເປັນປະເທດເຊື່ອມຕໍ່ (land lock to land link)” ຂອງລາວ, ເບື້ອງເໜືອແມ່ນເລີ່ມຈາກຈຸດຊາຍແດນລາວ-ຈີນ ບໍ່ເຕັນ, ແລ້ວໄປທາງດ້ານໃຕ້ຈົນຮອດ ນະຄອນຫຼວງວຽງຈັນ, ມີຄວາມຍາວທັງໝົດ 422.4 ກິໂລແມັດ.

ເສັ້ນທາງລົດໄຟນີ້ ແມ່ນກໍ່ສ້າງຕາມມາດຕະຖານ ແລະ ເຕັກນິກ ຂອງ ສປ ຈີນ, ມີຄວາມໄວ 160 ກິໂລແມັດຕໍ່ຊົ່ວໂມງ, ເປັນເສັ້ນທາງລົດໄຟຂັບເຄື່ອນໂດຍໄຟຟ້າທີ່ໃຊ້ສໍາລັບການຂົນສົ່ງສິນຄ້າ ແລະ ຜູ້ໂດຍສາຍ. ເລີ່ມການກໍ່ສ້າງໃນເດືອນ 12 ປີ 2016, ຕາມແຜນແມ່ນ ເດືອນ 12 ປີ 2021 ສໍາເລັດການກໍ່ສ້າງ ແລະ ລົດໄຟສາມາດຂັບເຄື່ອນໄດ້ເທິງລາງຢ່າງເປັນທາງການ.

Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)