ຄະນະກຳມະການຄຸ້ມຄອງໄພພິບັດແຂວງຈຳປາສັກ ເລັ່ງໃຫ້ການຊ່ວຍເຫລືອຜູ້ຖືກນ້ຳ ຖ້ວມ ພາຍຫລັງທີ່ເກີດນ້ຳຖ້ວມບັນດາການນຳແຂວງ ຈຳປາສັກ ກໍຄືທຸກພາກສ່ວນໄດ້ສຸມ ກຳລັງເພື່ອຊ່ວຍເຫລືອພໍ່ແມ່ປະຊາຊົນທີ່ຖືກນ້ຳຖ້ວມຢ່າງຮີບດ່ວນເພື່ອບັນເທົາທຸກ ກໍຄື ການແກ້ບັນຫາໃນເບື້ອງຕົ້ນໃຫ້ຜູ້ທີ່ໄດ້ຮັບຜົນກະທົບ.

ທ່ານ ບົວລິນ ວົງພະຈັນ ຮອງເຈົ້າແຂວງ ຈຳປາສັກ ປະທານຄະນະກຳມະການຄຸ້ມຄອງໄພພິ ບັດຂັ້ນແຂວງ ໃຫ້ຮູ້ວ່າ: ຮອດປັດຈຸບັນເຫັນວ່າລະດັບນ້ຳໄດ້ຫລຸດລົງ ແຕ່ນ້ຳກໍບໍ່ໄດ້ຫລຸດ ລົງໄວປານໃດ ຕໍ່ສະພາບດັ່ງກ່າວ ພວກເຮົາກໍມີຄວາມເປັນຫ່ວງເພາະຢ້ານຈະມີຝົນຕົກ ອາດຈະເຮັດໃຫ້ນ້ຳສູງຂຶ້ນຕື່ມ.

ທ່ານ ບົວລິນ ວົງພະຈັນ ຮອງເຈົ້າແຂວງ ຈຳປາສັກ

ໃນໂອກາດດຽວກັນ ທ່ານຮອງເຈົ້າແຂວງ ປະທານຄະນະກຳມະການຄຸ້ມຄອງໄພພິບັດຂັ້ນ ແຂວງ ກໍໄດ້ຮຽກຮ້ອງການຊ່ວຍເຫລືອມາຍັງທຸກພາກສ່ວນທົ່ວສັງຄົມ ໃຫ້ການຊ່ວຍ ເຫລືອດ້ານສະບຽງອາຫານການກິນ ນ້ຳດື່ມ-ນ້ຳໃຊ້ສະອາດ ແລະ ເຄື່ອງໃຊ້ຂອງສອຍຕ່າງໆ ເພື່ອຊ່ວຍບັນເທົາທຸກໃຫ້ແກ່ພໍ່ແມ່ປະຊາຊົນທີ່ຖືກຜົນກະທົບໃນຄັ້ງນີ້.

ມາຮອດປັດຈຸບັນ ສະພາບນ້ຳຖ້ວມເລີ່ມຫລຸດລົງແລ້ວ ແຕ່ການນຳ ແລະ ທຸກພາກສ່ວນ ທັງພາກລັດ ແລະ ເອກະຊົນ ໄດ້ສືບຕໍ່ໃຫ້ການຊ່ວຍເຫລືອຢ່າງໃກ້ຊິດ ໂດຍສະເພາະການ ຮັບປະກັນດ້ານສະບຽງອາຫານ, ດ້ານສຸຂະອານາໄມ ແລະ ການແກ້ໄຂບັນຫາຫລັງນ້ຳບົກ ແຫ້ງ ເພື່ອບັນເທົາທຸກແກ່ຜູ້ທີ່ໄດ້ຮັບຜົນກະທົບ.