ໃນວັນທີ 24 ພະຈິກ 2020 ຜ່ານມານີ້, ທີ່ສູນກາງແນວລາວສ້າງຊາດ(ສນຊ) ໄດ້ຈັດພິທີມອບ-ຮັບເຄື່ອງຊ່ວຍເຫຼືອ ຈາກສູນກາງສະຫະພັນນັກຮົບເກົ່າ ແຫ່ງຊາດລາວ ລວມເປັນມູນຄ່າ 10 ລ້ານກີບ, ມອບໂດຍ ທ່ານ ພັນເອກ ບຸນຍໍ ແພງແກ້ວ ຫົວໜ້າຫ້ອງການ ສູນກາງສະຫະພັນນັກຮົບເກົ່າແຫ່ງຊາດລາວ ແລະ ຮັບໂດຍ ທ່ານ ໄທລໍ່ ຫວາເຊັ້ງ ຫົວໜ້າກົມຊັ້ນຄົນ-ການຈັດຕັ້ງສັງຄົມ ສູນກາງແນວລາວສ້າງຊາດເຄື່ອງທີ່ນຳມາມອບໃນຄັ້ງນີ້, ມີເຄື່ອງອຸປະໂພກ ແລະ ບໍລິໂພກ.

ພ້ອມກັນນີ້, ທ່ານ ໄທລໍ່ ຫວາເຊັ້ງ ໄດ້ສະແດງຄວາມຂອບໃຈເປັນຢ່າງສູງຕໍ່ການຊ່ວຍເຫຼືອເຄື່ອງຈຳນວນດັ່ງກ່າວ ຂອງສູນກາງສະຫະພັນນັກຮົບເກົ່າແຫ່ງຊາດລາວ ແລະ ເຄື່ອງທີ່ໄດ້ຮັບໃນຄັ້ງນີ້, ແມ່ນສູນກາງແນວລາວສ້າງຊາດຈະນຳໄປມອບຕໍ່ຊ່ວຍເຫຼືອບັນເທົາທຸກໃຫ້ປະຊາຊົນ ທີ່ໄດ້ຮັບຜົນກະທົບຈາກໄພນ້ຳຖ້ວມ ຢູ່ບັນດາແຂວງພາກໄຕ້ ໂດຍສະເພາະແມ່ນແຂວງສະຫວັນນະເຂດ.

Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)