ໃນຕອນເຊົ້າວັນທີ 25 ພະຈິກ 2020 ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ (ຄຊກມດ) ໄດ້ຈັດພິທີປະດັບຫລຽນ ແລະ ມອບໃບຍ້ອງຍໍ ໃຫ້ກົມກອງລວມໝູ່ ທີ່ມີຜົົນງານການເຄື່ອນໄຫວ ແລະ ເຮັດວຽກສິດທິເດັກ ຢູ່ ສປປ ລາວ ຄົບ 30 ປີ (1989-2019). ໃຫ້ກຽດປະດັບຫລຽນໄຊແຮງງານ ຊັ້ນ I ມີ 11 ພາກສ່ວນ ແລະ ຫລຽນໄຊແຮງງານຊັ້ນ II ມີ 12 ພາກສ່ວນ, ຫລຽນໄຊແຮງງານຊັ້ນ III ມີ 14 ພາກສ່ວນ, ໂດຍທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ, ຮອງປະທານຜູ້ປະຈຳການ ຄຊກມດ.

ການປະດັບຫລຽນໃຫ້ບັນດາ ຄຊກມດ ກະຊວງ, ອົງການ, ບັນດາແຂວງ, ຄູ່ຮ່ວມພັດທະນາ ແລະ ອົງການຈັດຕັ້ງສາກົນ ມີດັ່ງນີ້: ຫລຽນໄຊແຮງງານ ຊັ້ນ I ໃຫ້ແກ່ຄະນະກຳມາທິການ ແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ, ຫ້ອງວ່າການສຳນັກງານ ນາຍົກລັດຖະມົນຕີ, ສູນກາງສະຫະພັນແມ່ຍິງລາວ, ຄຊກມດ ກະຊວງສາທາລະນະສຸກ, ຄຊກມດ ກະຊວງສຶກສາທິການ ແລະ ກິລາ, ຄຊກມດ ກະຊວງການຕ່າງປະເທດ, ຄຊກມດ ຫ້ອງວ່າການປະທານປະເທດ, ສະພາແຫ່ງຊາດ, ຄຊກມດ ນະຄອນຫລວງວຽງຈັນ, ຄຊກມດ ແຂວງ ໄຊຍະບູລີ ແລະ ຫ້ອງການກອງເລຂາ ຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ.

ສ່ວນຫລຽນໄຊແຮງງານຊັ້ນ II ໄດ້ແກ່ ຄຊກມດ ກະຊວງຍຸຕິທຳ, ກະຊວງແຜນການ ແລະ ການລົງທຶນ, ກະຊວງໂຍທາທິການ ແລະ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ກະຊວງປ້ອງກັນຄວາມສະຫງົບ, ກະຊວງປ້ອງກັນປະເທດ, ແຂວງຫລວງນ້ຳທາ, ແຂວງບໍ່ແກ້ວ, ຄຊກມດ ແຂວງວຽງຈັນ, ຊຽງຂວາງ, ແຂວງບໍລິຄໍາໄຊ ແລະ ແຂວງຄຳມ່ວນ. ສຳລັບຫລຽນໄຊແຮງງານຊັ້ນ III ໄດ້ແກ່  ຄຊກມດ ກະຊວງພາຍໃນ, ກະຊວງແຮງງານ ແລະ ສະຫວັດດີການສັງຄົມ, ກະຊວງການເງິນ, ກະຊວງກະສິກໍາ ແລະ ປ່າໄມ້, ຄະນະຈັດຕັ້ງສູນກາງພັກ, ສູນກາງຊາວໜຸ່ມ ປະຊາຊົນປະຕິວັດລາວ, ແຂວງຜົ້ງສາລີ, ແຂວງ ອຸດົມໄຊ, ແຂວງຫລວງພະບາງ, ແຂວງຫົວພັນ, ແຂວງສາລະວັນ, ເຊກອງ, ແຂວງຈຳປາສັກ ແລະ ແຂວງອັດຕະປື.

ພ້ອມກັນນີ້, ຍັງມີຫລຽນກາແຮງງານ 18 ພາກສ່ວນ ໄດ້ແກ່ ຄຊກມດ ກະຊວງອຸດສາຫະກຳ ແລະ ການຄ້າ, ກະຊວງຊັບພະຍາ ກອນທຳມະຊາດ ແລະ ສິ່ງແວດລ້ອມ, ກະຊວງວິທະຍາສາດ ແລະ ເຕັກໂນໂລຊີ, ກະຊວງໄປສະນາ, ໂທລະຄົມມະນາຄົມ ແລະ ການສື່ສານ, ກະຊວງພະລັງງານ ແລະ ບໍ່ແຮ່, ອົງການກວດກາລັດຖະບານ, ອົງການກວດສອບແຫ່ງລັດ, ທະນາຄານແຫ່ງ ສປປ ລາວ, ສະຖາບັນວິທະຍາສາດສັງຄົມແຫ່ງຊາດ, ສະຖາບັນການເມືອງ ແລະ ການປົກຄອງແຫ່ງຊາດ, ສະຫະພັນນັກຮົບເກົ່າແຫ່ງຊາດ, ສູນກາງສະຫະພັນກຳມະບານລາວ, ຄະນະໂຄສະນາອົບຮົມສູນກາງພັກ, ສູນກາງແນວລາວສ້າງຊາດ, ສານປະຊາຊົນສູງສຸດ, ໄອຍະການປະຊາຊົນສູງສຸດ, ແຂວງສະຫວັນນະເຂດ ແລະ ແຂວງໄຊສົມບູນ ຕາງໜ້າປະດັບຫລຽນກາໂດຍ ທ່ານ ອາລຸນແກ້ວ ກິດຕິຄຸນ ລັດຖະມົນຕີ ປະຈຳສຳນັກງານນາຍົກລັດຖະມົນຕີ ທັງເປັນຮອງປະທານ ຄຊກມດ.

ນອກຈາກນີ້, ຍັງໄດ້ປະດັບຫລຽນໄຊພັດທະນາຊັ້ນ II ໃຫ້ແກ່ອົງການອຸຍນີເຊັບ ປະຈຳ ສປປ ລາວ ແລະ ຫລຽນໄຊພັດທະນາ ຊັ້ນ III ໃຫ້ແກ່ອົງການໄຊຟັນລາວ, ໃບຍ້ອງຍໍ 3 ພາກສ່ວນ: ອົງການຊ່ວຍເຫລືອເດັກ, ສະຖານທູດອົດສະຕາລີ ປະຈຳ ສປປ ລາວ, ສະຖານທູດໄທ ປະຈຳ ສປປ ລາວ; ໃບຍ້ອງຍໍປະທານ ຄຊກມດ 52 ພາກສ່ວນ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)