ທ່ານ ແກ້ວອຸດອນ ບຸດສິງຂອນ ເຈົ້າເມືອງບົວລະພາ ​ແຂວງ​ຄຳ​ມ່ວນ  ພ້ອມດ້ວຍບັນດາ ການນຳພາຍໃນເມືອງ, ຄະນະປ້ອງກັນ ແລະ ຄວບຄຸມໄພພິບັດເມືອງ ໄດ້ລົງພົບປະ ​ແລະ ໂອ້ລົມອຳນາດການປົກຄອງບ້ານ ແລະ ພໍ່ແມ່ປະຊາຊົນລຽບຕາມ ແຄມແມ່ນ້ຳເຊບັ້ງໄຟ ທີ່ຖືກຜົນກະທົບຈາກໄພພິບັດນ້ຳຖ້ວມ, ທັງ​ນີ້ ກໍ​ເພື່ອຢ້ຽມຢາມຖາມຂ່າວ ແລະ ໃຫ້ກຳ ລັງໃຈ​ແກ່​ຜູ້​ປະສົບ​ໄພ.

​ໂອກາດ​ນີ້, ທ່ານ​ເຈົ້າ​ເມືອງ​ເຊ​ບັ້ງ​ໄຟ ໄດ້ຍັງໄດ້ຮຽກຮ້ອງມາຍັງອຳນາດການປົກຄອງບ້ານ ຕະຫລອດຮອດພໍ່ແມ່ປະຊາຊົນໃນແຕ່ລະບ້ານ ຈົ່ງພ້ອມກັນເປັນເຈົ້າການໃນການຟື້ນຟູ ແລະ ປັບປຸງຊີວິດການເປັນຢູ່ໃນໄລຍະປະສົບກັບບັນຫາໄຟນ້ຳຖ້ວມ ແລະ ຊ່ວຍກັນເປັນ ເຈົ້າການປົກປັກຮັກສາຊີວິດ ແລະ ຊັບສິນ, ຕ້ານທຸກປະກົດການຫຍໍ້ທໍ້ຕ່າງໆ ທີ່ອາດຈະ ເກີດຂຶ້ນ, ພ້ອມກັນເປັນຫູເປັນຕາໃຫ້ກັບເຈົ້າໜ້າທີ່ເພື່ອສະກັດກັ້ນກຸ່ມຄົນບໍ່ຫວັງດີ ທີ່ ສວຍໂອກາດຂີ້ລັກງັດແງະ, ຄ້າຂາຍສິ່ງທີ່ຜິດກົດໝາຍ ແລະ ສ້າງຄວາມປັ່ນປ່ວນໃນສັງຄົມ ເພື່ອພ້ອມກັນຜ່ານຜ່າອຸປະສັກທຸກປະການໃຫ້ໄດ້.