ໃນວັນທີ 9 ກັນຍາ 2019ນີ້ ຢູ່ທີ່ສະໂມສອນກອງບັນຊາການທະຫານແຂວງສະຫວັນນະເຂດ ໄດ້ຈັດພິທີເຜີຍແຜ່ຜົນສຳເລັດກອງປະຊຸມສະໄໜສາມັນເທື່ອທີ 7 ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນແຂວງຊຸດທີ I ໂດຍເປັນປະທານແລະເຜີຍແຜ່ຂອງທ່ານ ພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13 ພ້ອມຄະນະ, ເຂົ້າຮ່ວມຮັບຟັງມີ ທ່ານ ພົນຈັດຕະວາ ຈະເລີນ ວົງວິໄຊ ຫົວໜ້າການເມືອງກອງບັນຊາການທະຫານແຂວງ, ພັອລຳຄູນວໍລະວົງ ຮອງຫົວໜ້າກອງບັນຊາການປກສແຂວງ, ມີຄະນະພັກ-ຄະນະບັນຊາ ກຳລັງປ້ອງກັນຊາດ-ປ້ອງກັນຄວາມສະຫງົບ, ນາຍທະຫານ, ຕຳຫຼວດເຂົ້າຮ່ວມ

ໃນພິທີ ພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13ເຊິ່ງໄດ້ຍົກໃຫ້ເຫັນ: ຜົນສຳເລັດກອງປະຊຸມສະໄໜສາມັນເທື່ອທີ 7ຂອງສະພາແຫ່ງຊາດຊຸດທີVIII ແລະຄາດຄະເນແຜນການດໍາເນີນກອງປະຊຸມສະໄໜເທື່ອທີ 8ຂອງສະພາແຫ່ງຊາດຊຸດທີVIII, ບາງເນື້ອໃນຂອງກົດໝາຍວ່າດ້ວຍທີ່ດິນ, ການກະກຽມດຳເນີນການປະເມີນຜົນການປະຕິບັດໜ້າທີ່ຂອງບຸກຄະລາກອນ ທີ່ດຳລົງຕຳແໜ່ງ ໂດຍແມ່ນສະພາແຫ່ງຊາດເລືອກຕັ້ງ ຫຼືຮັບຮອງເອົາການສະເໜີແຕ່ງຕັ້ງ, ການຄົ້ນຄົ້ວເບື້ອງຕົ້ນກ່ຽວກັບຕຳແໜ່ງພັກ ທີ່ຈະເປັນປະທານສະພາປະຊາຊົນແຂວງຊຸດທີ II, ກອງປະຊຸມສະໄໜສາມັນເທື່ອທີ7 ຂອງສະພາແຫ່ງຊາດຊຸດທີ VIIIໄດ້ດຳເນີນເປັນເວລາ 15ວັນ ເລີ່ມແຕ່ວັນທີ 5 ຫາ 25 ມິຖຸນາ 2019, ພາຍໃຕ້ການເປັນປະທານຂອງທ່ານ ນາງປານີ ຢາທໍ່ຕູ້, ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ມີສະມາຊິກສະພາແຫ່ງຊາດເຂົ້າຮ່ວມທັງໝົດ140ທ່ານ, ຍິງ 39ທ່ານ, ບໍ່ສາມາດເຂົ້າຮ່ວມໄດ້ 8ທ່ານ, ຍິງ 2ທ່ານ ຍ້ອນມີພາລະກິດທາງການແລະສຸຂະພາບ, ກອງປະຊຸມໄດ້ພິຈາລະນາ, ຮັບຮອງເອົາຫຼາຍບັນຫາທີ່ສຳຄັນສາມາດໄດ້ຜົນສຳເລັດທີ່ເປັນພື້ນຖານເຊັ່ນ: ເນື້ອໃນກອງປະຊຸມ, ວຽກງານລັດຖະບານ, ວຽກງານຍຸຕິທຳ, ວຽກງານສະພາແຫ່ງຊາດ, ວຽກງານການສ້າງແລະປັບປຸງກົດໝາຍ, ແລະ ບັນຫາທີ່ສຳຄັນອື່ນໆ.