ພັດຕະຄານຊ້າງເຜືອກສົມທົບກັບບັນດາອະດີດນັກສຶກສາຈາກໂຮງຮຽນວັດທະນະທໍາກອງທັບວຽງໄຊ (94-95) ທົ່ວປະເທດໄດ້ຮ່ວມນໍ້າໃຈສົມທົບທຶນຕົນເອງມູນຄ່າ 25 ລ້ານກວ່າກີບ ພ້ອມເຂົ້າສານອາຫານແຫ້ງ, ຢາປິ່ນປົວ ແລະ ອື່ນໆ ໄດ້ລົງເຄື່ອນໄຫວມອບໃຫ້ພໍ່ແມ່ປະຊາ ຊົນຜູ້ໄດ້ຮັບຜົນກະທົບໜັກຈາກນໍ້າຖ້ວມຢູ່ເມືອງວາປີ ແລະ ເມືອງຄົງເຊໂດນ ແຂວງສາ ລະວັນ.

ການເດີນທາງຄັ້ງນີ້ນໍາຄະນະໂດຍ ທ່ານ ເພັດສອນໄຊ ພົມມະນີ ຜູ້ຈັດການພັດຕະຄານຊ້າງ ເຜືອກ, ປະທານກຸ່ມອະດີດນັກສຶກສາກອງທັບວຽງໄຊ 94-95 ໄດ້ລົງແຈກຢາຍເງິນ ແລະ ສິ່ງຂອງຈໍາເປັນເຖິງມືປະຊາຊົນຕົວຈິງຢູ່ເມືອງວາປີ ແລະ ເມືອງຄົງເຊໂດນ ແຂວງສາລະ ວັນ ເພື່ອແບ່ງເບົາຄວາມທຸກໂສກ ແລະ ຄວາມຂາດເຂີນໃຫ້ເຂົາເຈົ້າໃນເບື້ອງຕົ້ນ.