ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຕາງ ໜ້າໃຫ້ລັດຖະບານ ຮັບເງິນຊ່ວຍເຫຼືອ ຜູ້ປະສົບໄພນໍ້າຖ້ວມຈາກກຸ່ມບໍລິສັດ ເອັສທີ ຈຳນວນ 2,5 ຕື້ກີບ, ຈາກກຸ່ມບໍລິສັດ ພົງຊັບ ທະວີ ຈຳກັດຜູ້ດຽວ ຈຳນວນ 2 ຕື້ກີບ ແລະ ຈາກບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າຈຳກັດຜູ້ດຽວ (IHC) ຈຳນວນ 2 ຕື້ກີບ.

ກຸ່ມບໍລິສັດ ພົງຊັບທະວີ ຈຳກັດ

ການມອບເງິນໃນຄັ້ງນີ້ຕາງໜ້າກຸ່ມບໍລິສັດ ເອັສທີ ມອບໂດຍທ່ານ ສີທັດ ໄຊສຸລິວົງ ປະ ທານກຸ່ມບໍລິສັດ ເອັສທີ; ຕາງໜ້າກຸ່ມບໍລິສັດ ພົງຊັບທະວີ ຈຳກັດຜູ້ດຽວ ມອບໂດຍທ່ານ ພົງສະຫວັດ ເສນາພວນ ປະທານກຸ່ມບໍລິສັດ ພົງຊັບທະວີ ຈຳກັດຜູ້ດຽວ ແລະ ຕາງໜ້າບໍລິ ສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າຈຳກັດຜູ້ດຽວກ່າວມອບໂດຍທ່ານ ປີຊາ ແກ້ວໄຊຍະຈັກ ປະທານບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າຈຳ ກັດຜູ້ດຽວ.

ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າຈຳກັດຜູ້ດຽວ (IHC)

ໃນໂອກາດດັ່ງກ່າວທ່ານນາຍົກລັດຖະມົນຕີໄດ້ກ່າວຂອບໃຈຕໍ່ສາມພາກສ່ວນດັ່ງກ່າວທີ່ໄດ້ນຳເອົາເງິນມາມອບ ເພື່ອນຳໄປຊ່ວຍເຫຼືອຜູ້ປະສົບໄພນໍ້າຖ້ວມໃນປີນີ້ ເພື່ອບັນເທົາທຸກ ແລະ ສາມາດແກ້ໄຂບັນຫາຕ່າງໆທີ່ໄດ້ຮັບຜົນກະທົບ ແລະ ເສຍຫາຍຈາກໄພພິບັດນໍ້າ ຖ້ວມຄັ້ງນີ້ໃຫ້ສາມາດຜ່ານພົ້ນໄປໄດ້ດ້ວຍດີ. ພິທີມອບ-ຮັບໄດ້ມີຂຶ້ນໃນວັນທີ 10 ກັນຍານີ້ ທີ່ສຳນັກງານນາຍົກລັດຖະມົນຕີໂດຍມີພາກສ່ວນທີ່ກ່ຽວຂ້ອງເຂົ້າຮ່ວມ.