ຕອນບ່າຍຂອງວັນທີ່ 10 ກັນຍາ 2019 ທີ່ຫ້ອງປະຊຸມຂອງອົງການໄອຍະການປະຊາຊົນແຂວງຜົ້ງສາລີ ໄດ້ຈັດໃຫ້ມີພິທີ ມອບ – ຮັບ ໃບຢັ້ງຢື້ນເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຊຸດທີ່ I ປະຈຳປີ 2018 ຂື້ນຢ່າງເປັນທາງການ. ໂດຍການເຂົ້າຮ່ວມຂອງສະຫາຍ ສັນຕິ ແກ້ວຍະສານ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງ, ທ່ານ ຫຸ່ມແພງ ຈອມວີສານ ເລຂາໝ່ວຍພັກ, ຫົວໜ້າອົງການໄອຍະການປະຊາຊົນແຂວງຜົ້ງສາລີ, ມີຜູ້ຕ່າງໜ້າຄະນະຈັ້ດຕັ້ງແຂວງ, ກວດກາແຂວງ, ບັນດາທ່ານເລຂາ – ຮອງເລຂາ ໝ່ວຍພັກອ້ອມຂ້າງ, ຕະຫຼອດຮອດພະນັກງານສະມາຊິກພັກພາຍໃນອົງການໄອຍະການປະຊາຊົນແຂວງເຂົ້າຮ່ວມ.

ໃນພິທີສະຫາຍ ຫຸ່ມແພງ ຈອມວີສານ ເລຂາໝ່ວຍພັກ, ຫົວໜ້າອົງການໄອຍະການປະຊາຊົນແຂວງກໍ່ໄດ້ຂື້ນຜ່ານບົດສະຫຼູບການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນປະຈຳປີ 2018 ເຊີ່ງທ່ານໄດ້ຍົກໃຫ້ເຫັນ ຜົນງານທີ່ຜົນເດັ່ນອັນຕັ້ງໜ້າ ແລະ ດ້ານອ່ອນຂໍ້ຄົງຂ້າງທີ່ຈະຕ້ອງສືບຕໍ່ປັບປຸງແກ້ໄຂໃນຕໍ່ໜ້າ ພ້ອມທັງຜ່ານທິດທາງ ແຜນການເຄື່ອນໄຫວການກໍ່ສ້າງໜ່ວຍພັກປອດ,ໃສເຂັ້ມແຂງ ແລະ ໜັກແໜ້ນປະຈຳປີ 2019.
ຈາກນັ້ນ ທ່ານ ນາງ ສຸກມະລີ ສຸດາເພັດ ຮອງຫົວໜ້າຂະແໜງກໍ່ສ້າງພັກ ຄະນະຈັ້ງຕັ້ງແຂວງກໍ່ໄດ້ຂື້ນຜ່ານມະຕິຕົກລົງຂອງຄະນະປະຈຳພັກແຂວງສະບັບເລກທີ່ 237/ຄພຂ.ຜລ ລົງວັນທີ່ 17 ມີຖຸນາ 2019 ວ່າດ້ວຍການອະນຸມັດມອບໃບຢັ້ງຢື້ນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈຳປີ 2018 ເຫັນດີມອບໃບຢັ້ງຢື້ນໃຫ້ໜ່ວຍພັກ ອົງການໄອຍະການປະຊາຊົນແຂວງຜົ້ງສາລີເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຊຸດທີ່ I ປະຈຳປີ 2018.

ໃຫ້ກຽດຂື້ນມອບໂດຍສະຫາຍ ສັນຕິ ແກ້ວຍະສານ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງ ແລະ ຂື້ນຮັບໂດຍ ທ່ານ ຫຸ່ມແພງ ຈອມວີສານ ເລຂາໝ່ວຍພັກ, ຫົວໜ້າອົງການໄອຍະການປະຊາຊົນແຂວງຜົ້ງສາລີ.

ພາບ – ຂ່າວ: ແສງຄຳ ສາລີວັນ