ອັດຕະປື ເລັ່ງສ້ອມແປງໄຟຟ້າ ຈຳນວນ 50 ບ້ານ ຫຼັງນ້ຳຫຼຸດນ້ອຍລົງ, ຂະນະທີ່ລະດັບນ້ຳເຊ ກອງ ຢູ່ແຂວງອັດຕະປືໄດ້ຫຼຸດລົງຕາມດຳລັບ ບັນດາພື້ນທີ່ບ້ານເຮືອນຂອງພໍ່ແມ່ປະຊາຊົນ ໄດ້ຕົກຢູ່ໃນສະພາບວິກິດຄວາມຫຍຸ້ງຍາກ ເພາະບາງບ້ານລະບົບໄຟຟ້າຖືກງົດໃຊ້ກະແສ ໄຟ ເປັນການຊົ່ວຄາວ ຍ້ອນຢ້ານບໍ່ໄດ້ຮັບຄວາມປອດໄຟ ແກ່ຜູ້ປະສົບໄຟ.

ແຕ່ພາຍພາຍຫຼັງລະດັບນ້ຳໄດ້ຫຼຸດລົງ ບໍລິສັດ ລັດວິສາຫະກິດໄຟຟ້າ ສາຂາ ແຂວງອັດຕະປື ຮ່ວມກັບພະແນກ ພະລັງງານ ແລະ ບໍ່ແຮ່ ກໍ່ໄດ້ຮີບຮ້ອນສືບຕໍ່ຈັດຕັ້ງ ແລະ ສ້ອມແປງ ແກ້ ໄຂລະບົບໄຟຟ້າ ໃຫ້ປະຊາຊົນທີ່ຕົກຢູ່ໃນສະພາບວິກິດຈາກໄພນ້ຳຖ້ວມໃຫ້ສຳເລັດ ແລະ ໃຫ້ ປະຊາຊົນໄດ້ຊົມໄຊ້ໄຟຟ້າຢ່າງປົກະຕິໂດຍໄວທີ່ສຸດ.

ລັດວິສາຫະກິດໄຟຟ້າລາວ ສາຂາແຂວງ ອັດຕະປື ໄດ້ສ້ອມແປງລະບົບໄຟຟ້າ ບ້ານຖືກຜົນ ກະທົບຈາກໄພນ້ຳຖ້ວມ ລວມຈຳນວນທັງໝົດ 600 ກວ່າຄອບຄົວ. ແຂວງອັດຕະປື ໃນໄລ ຍະນ້ຳຖ້ວມນີ້ ບ້ານໄດ້ມີຜົນກະທົບ ແລະ ຖືກຕັດລະບົບໄຟຟ້າໄວ້ເບື້ອງຕົ້ນແລ້ວ ຈຳນວນ 50 ບ້ານ ພາຍຫລັງນ້ຳຫລຸດລົງ, ມາຮອດ ວັນທີ 8 ກັນຍາ ນີ້ ໄດ້ສ້ອມແປງ ແລະ ເປີດໃຊ້ໄຟ ຟ້າໄດ້ແລ້ວຈຳນວນ 37 ບ້ານ ສ່ວນຈຳນວນບ້ານທີ່ຍັງເຫລືອຕາມຂໍ້ມູນທີ່ວ່ານັ້ນ ຈະໄດ້ສືບ ຕໍ່ຮີບຮ້ອນຈັດຕັ້ງໃຫ້ສຳເລັດຕາມເປົ້າໝາຍໃຫ້ໄວ້ທີ່ສຸດ.

ຈຳນວນບ້ານທີ່ຍັງຄ້າງ ແມ່ນຢູ່ເມືອງ ສະໜາມໄຊ ເຂດໜອງແຂ້, ໂພນສະອາດ ເພາະວ່າ ລໍຖ້າລະດັບນ້ຳຫຼຸດລົງ ແລະ ບ້ານອື່ນໆທີ່ສ້ອມແປງບໍ່ທັນສຳເລັດນີ້ ຍ້ອນສາຍຕາຂ່າຍ 22 kv ຂາດ, ຕົ້ນໄມ້ລົ້ມທັບ, ກໍໃຜ່ໄຫຼນ້ຳມາເກາະ ສ່ວນໜໍ້ນັບ ໄຟທີ່ຖືກເສຍຫາຍນັ້ນຈະສັງ ສວມ ແລະ ແຈ້ງໃຫ້ຊາບໃນພາຍຫລັງ.