ຄະນະພັກ-ອຳນາດການປົກຄອງເມືອງບາຈຽງຈະເລີນສຸກ ຕໍ່ຄອບຄົວພໍ່ແມ່ປະຊາຊົນບ້ານ ທີ່ຖືກນ້ຳຖ້ວມ ເວົ້າລວມ ເວົ້າສະເພາະແມ່ນພໍ່ແມ່ປະຊາຊົນບ້ານ ປາຫລາຍນັ້ນ ໃນວັນທີ ວັນທີ 10 ກັນຍາ 2019 ທ່ານ ໂສມ ບຸດຕະກຸນ ເຈົ້າເມືອງ ບາຈຽງຈະເລີນສຸກ ພ້ອມ ທ່ານ ເພັດສາຄອນ ກໍສີສະຫວັດ ຮອງຫົວໜ້າພະແນກ ອຸດສາຫະກຳ-ການຄ້າແຂວງຈໍາປາສັກ, ພະແນກແຮງງານ-ສະຫວັດດີການສັງຄົມ ແລະ ຄະນະກຳມະການປ້ອງກັນ-ຄວບຄຸມໄພພິ ບັດຂັ້ນເມືອງ ໄດ້ລົງຢ້ຽມຢາມ ແລະ ມອບເຄື່ອງຊ່ວຍເຫລືອບັນເທົາທຸກ ປະເພດເຂົ້າສານ, ເຄື່ອງນຸ່ງຮົ່ມ, ເກີບ, ຢາປົວພະຍາດ ແລະ ອື່ນໆ ໃຫ້ແຕ່ລະຄອບຄົວທີ່ຖືກຜົນກະທົບຈາກ ໄພພິບັດນໍ້າຖ້ວມ ບ້ານປາຫລາຍ ກຸ່ມ II ເມືອງ ບາຈຽງຈະເລີນສຸກ

ທ່ານ ເຈົ້າເມືອງ ບາຈຽງຈະເລີນສຸກ ຍັງໄດ້ເນັ້ນໃຫ້ແຕ່ລະຄອບຄົວສາມັກຄີກັນໃນການເຮັດ ອະນາໄມເຮືອນຊານບ້ານຊ່ອງ ຫລັງຈາກນ້ຳບົກລົງ ເອົາໃຈໃສ່ເບິ່ງແຍງລູກຫລານໃນການ ໃຊ້ເຮືອພາຍ ສັນຈອນໄປມານຳນ້ຳດ້ວຍຄວາມລະມັດລະວັງ ບໍ່ຄວນໃຫ້ລູກຫລານລົງຫລິ້ນ ນໍ້າຕາມລໍາພັງເພື່ອຮັບປະກັນຄວາມປອດໄພ, ນອກນັ້ນຄະນະນໍາດັ່ງກ່າວຍັງໄດ້ຮ່ວມກັບ ປະຊາຊົນພ້ອມກັນອະນາໄມຫ້ອງຮຽນເພື່ອເຮັດໃຫ້ການ ຮຽນ-ການສອນຂອງ ຄູອາຈານ ແລະ ລູກຫລານ ສາມາດເລີ່ມຮຽນເປັນປົກກະຕິໃນໄວໆນີ້.