ໃນວັນທີ 11ກັນຍາ 2019 ນີ້; ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 13 ແລະ ສະມາຊິກສະພາແຂວງ ສະຫັວນນະເຂດ ລົງເຄື່ອນໄຫວວຽກງານຢຸ່ເມືອງ ອາດສະພັງທອງ. ເຊິ່ງນໍາໂດຍ ທ່ານ ດຣ ບຸນຂວາງ ຄໍາບຸນເຮືອງ ລັດຖະມົນຕີຊ່ວຍກະຊວງກະສິກໍາ ແລະ ປ່າໄມ້ ສະມາຊິກມາຊິກສະພາແຫ່ງຊາດປະຈໍາເຂດເລືອກຕັ້ງທີ 13 ພ້ອມຄະນະ, ແລະ ສະມາຊິກສະພາປະຊາຊົນແຂວງສະຫວັນນະເຂດໄດ້ລົງເຄື່ອນໄຫວວຽກງານຢູ່ເມືອງອາດສະພັງທອງ. ໂດຍພາຍໃຕ້ການຕ້ອນຮັບຢ່າງອົບອຸ່ນຂອງທ່ານ ອຸໄພວັນ ໄຊຍະວົງ ເຈົ້າເມືອງອາດສະພັງທອງພ້ອມດ້ວຍຄະນະ, ມີເລຂາຄະນະພັກຮາກຖານກຸ່ມບ້ານທີ 4 ໄລກະທະ, ນາຍບ້ານໃນ 4 ບ້ານທີ່ຂຶ້ນກັບກຸ່ມຄືບ້ານ ດົງຂວາງ, ປົ່ງດົງ, ປົ່ງນາ ແລະ ບ້ານໄລກະທະ ຕະຫຼອດຮອດປະຊາຊົນກໍ່ໄດ້ຕ້ອນຮັບນໍາໃນການລົງເຄື່ອນໄຫວວຽກງານຢູ່ທີ່ເມືອງ ອາດສະພັງທອງ ໃນຄັ້ນນີ້;

ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 13 ແລະ ສະມາຊິກສະພາແຂວງ ສະຫັວນນະເຂດ ກໍ່ໄດ້ຮັບຟັງການລາຍງານບົດລາຍງານໂດນຫຍໍ້ຂອງກຸ່ມບ້ານໄລກະທະຈາກເລຂາຄະນະພັກຮາກຖານກຸ່ມບ້ານທີ 4 ໄລກະຖະ. ຈາກນັ້ນ ສະມາຊິກສະພາແຫ່ງຊາດ ກໍ່ໄດ້ຜັດປ່ຽນກັນຂື້ນລາຍງານ ເຖິງຜົນສໍາເລັດຂອງສະພາປະຊາຊົນແຂວງຊຸດທີ 1 ໃນນີ້: ໄດ້ຍົກໃຫ້ເຫັນການລາຍງານ ແລະຊີ້ ແຈງຈາກທ່ານເຈົ້າແຂວງສະຫວັນນະເຂດກ່ຽວກັບການ ພັດທະນາເສດຖະກິດ-ສັງຄົມ ໃນ 5 ເດືອນ, ຄາດຄະເນ 6 ເດືອນ ແລະທິດທາງແຜນການປະຈໍາ 6 ເດືອນທ້າຍປີ 2019 ຈາກ ຫົວໜ້າພະແນກແຜນການ ແລະ ການລົງທຶນກ່ຽວກັບການ ຈັດຕັ້ງແຜນພັດທະນາເສດ ຖະກິດ-ສັງຄົມ, ຮັບຟັງການ ລາຍງານ ແລະຊີ້ແຈງຈາກຫົວ ໜ້າພະແນກການເງິນແຂວງ ກ່ຽວກັບການຈັດຕັ້ງແຜນງົບ ປະມານແຫ່ງລັດ, ຈາກຫົວໜ້າ ພະແນກອຸດສາຫະກໍາ ແລະ ການຄ້າແຂວງກ່ຽວກັບມາດ ຕະການໃນການຄຸ້ມຄອງການ ຜະລິດຖ່ານດໍາ ແລະມາດຕະ ການຕໍ່ການອະນຸຍາດ ແລະ ການຄຸ້ມຄອງໂຮງງານຜະລິດ ຖ່ານຂາວໃນແຂວງສະຫວັນນະເຂດ ຈາກຫົວໜ້າພະແນກ ກະສິກໍາ ແລະປ່າໄມ້ແຂວງ ກ່ຽວກັບການຄຸ້ມຄອງປ່າໄມ້ ແລະການວາງແຜນພັດທະນາຊົນນະບົດເພື່ອສ້າງເງື່ອນໄຂ ໃຫ້ເມືອງນອງເປັນເມືອງພົ້ນທຸກຕາມມະຕິຂອງສະພາແຫ່ງຊາດ, ຈາກຫົວໜ້າພະແນກແຮງງານ ແລະສະຫວັດດີການສັງ ຄົມແຂວງກ່ຽວກັບສະພາບ ການຄຸ້ມຄອງ ແລະເບີກຈ່າຍ ເງິນເດືອນໃຫ້ພະນັກງານບໍານານ, ພະນັກງານເສຍອົງຄະ, ຈາກທ່ານຫົວໜ້າພະແນກ ສາທາລະນະສຸກແຂວງກ່ຽວ ກັບມາດຕະການຕອບໂຕ້ໄຂ້ ເລືອດອອກ,ຈາກທ່ານຫົວໜ້າອົງການໄອຍະການປະຊາຊົນແຂວງກ່ຽວກັບການຕິດຕາມກວດກາການປະຕິບັດຄໍາຕັດ ສິນຂອງສານ, ຈາກທ່ານປະ ທານສານປະຊາຊົນກ່ຽວກັບ ການດໍາເນີນຄະດີຂອງສານ ຂັ້ນຕົ້ນແລະສານອຸທອນ, ຈາກຫົວໜ້າກອງບັນຊາການ ປກສ ແຂວງກ່ຽວກັບການຈັດຕັ້ງປະ ຕິຄໍາສັ່ງຂອງທ່ານເຈົ້າແຂວງ ສະຫວັນນະເຂດ ກ່ຽວກັບການ ເພີ່ມທະວີຄຸ້ມຄອງວຽກງານ ອາຊີບ-ພາຫະນະພິເສດແລະ ຮັບຟັງການລາຍງານ ແລະຊີ້ ແຈງຈາກຄະນະປະຈໍາສະພາ ປະຊາຊົນແຂວງກ່ຽວກັບການຈັດຕັ້ງປະຕິບັດແຜນການ ເຄື່ອນ ໄຫວແຕ່ກອງປະຊຸມສະໄໝສາ ມັນເທື່ອທີ 6 ຫາເທື່ອທີ 7 ແລະທິດທາງແຜນການແຕ່ ກອງປະຊຸມເທື່ອທີ 7 ຫາເທື່ອທີ 8ຂອງສະພາປະຊາຊົນແຂວງ ຊຸດທີ 1.

ຈາກນີ້ໃນກອງປະຊຸມໄດ້ພິຈາລະນາແລະຮັບຮອງເອົາຂໍ້ຕົກລົງຂອງທ່ານເຈົ້າແຂວງສະຫວັນນະເຂດວ່າດ້ວຍການ ຄຸ້ມຄອງປົກປັກຮັກສາເຂດສະຫງວນທາງຫລວງພາຍໃນ ແຂວງ, ພິຈາລະນາ ແລະຮັບຮອງເອົາການໂຍກຍ້າຍ, ການແຕ່ງຕັ້ງບຸກຄະລາກອນອົງ ການໄອຍະການປະຊາຊົນ ແຂວງ, ສານປະຊາຊົນແຂວງ, ຫົວໜ້າພະແນກການຂອງ ອົງການປົກຄອງແຂວງ, ພິຈາ ລະນາ ແລະຮັບຮອງເອົາແຜນ ດັດແກ້ແຜນລາຍຮັບວິຊາການ 6 ເດືອນທ້າຍປີ 2019 ຂອງ ອົງການປົກຄອງແຂວງ ແລະ ພິຈາລະນາ ແລະຮັບຮອງເອົາມາດຕະການໃນການຄຸ້ມຄອງ ການຜະລິດຖ່ານດໍາ ແລະມາດ ຕະການຕໍ່ການອອກໃບອະ ນຸຍາດ ແລະການຄຸ້ມຄອງໂຮງ ງານຜະລິດຖ່ານຂ່າວໃນ ແຂວງສະຫວັນນະເຂດ. ຈາກນັ້ນ; ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 13 ແລະ ສະມາຊິກສະພາແຂວງ ສະຫັວນນະເຂດ ເຂດເລືອກຕັ້ງທີ 13 ກໍ່ໄດ້ລົງເດີນສໍາຫຼວດສະພາບຄວາມເສຍຫາຍຂອງເຂົ້ານາປີປະຊາຊົນກຸ່ມບ້ານທີ 4 ໄລກະທະພ້ອມທັງໄດ້ມອບແນວພັນພຶດຈໍານວນ 1 ເພື່ອປູກທົດແທນຕໍ່ຄວາມເສຍຫາຍຕື່ມດ້ວຍ. ໂດຍໃຫ້ກຽດມອບໂດຍທ່ານ ດຣ ບຸນຂວາງ ຄໍາບຸນເຮືອງ ລັດຖະມົນຕີຊ່ວຍກະຊວງກະສິກໍາ ແລະ ປ່າໄມ້ ສະມາຊິກມາຊິກສະພາແຫ່ງຊາດປະຈໍາເຂດເລືອກຕັ້ງທີ 13 ໂດຍມອບໃຫ້ເລຂາຄະນະພັກຮາກຖານ – ນາຍບ້ານໃນ 4 ບ້ານຄືບ້ານ ດົງຂວາງ, ປົ່ງດົງ, ປົ່ງນາ ແລະ ບ້ານໄລກະທະ ໃຫ້ກຽດມອບ – ຮັບຢ່າງສົມກຽດ ໂດຍການເປັນສັກຂີພິຍານຂອງທ່ານ ອຸໄພວັນ ໄຊຍະວົງ ເຈົ້າເມືອງອາດສະພັງທອງ ແລະ ປະຊາຊົນເປັນສັກຂີພິຍານນໍາດ້ວຍ.

ພາບຂ່າວ: ສາຍສະໝຸດ ສິມພະລີວົງ