ໃນວັນທີ 11 ກັນຍາ 2019 ນີ້ ທ່ານ ປອ ແສງທອງ ວັງແກ້ວມະນີ ກຳມະການພັກແຂວງ ເລຂາພັກເມືອງ ເຈົ້າອາດສະພອນ ພ້ອມຄະນະ ໄດ້ເດີນທາງໄປມອບເຄື່ອງຊ່ວຍເຫຼືອຜູ້ໄດ້ ຮັບຜົນກະທົບຈາກນ້ຳຖ້ວມທີ່ບ້ານຮ່ອງເໝືອງ ຈຸດສຸມໂນນນມີໄຊ ເມືອງອາດສະພອນ ແຂວງສະຫວັນນະເຂດ, ຈຸດສຸມໂນນມີໄຊ ມີບ້ານທີ່ໄດ້ຮັບຜົນກະທົບຈາກໄພນ້ຳຖ້ວມ 05 ບ້ານຄື: ບ້ານດົງຄຳກວານ, ບ້ານກາງທ່າ, ບ້ານໂນນມີໄຊ, ບ້ານນານ້ອຍ ແລະ ບ້ານຮ່ອງເໝືອງ, ມີ 600 ກວ່າຄອບຄົວໄດ້ຮັບຜົນກະທົບ, ເນື້ອທີ່ນາຖືກຖ້ວມ ແລະເສຍຫາຍ 200 ກວ່າເຮັກຕາ, ສຳລັບຈຸດສຸມແກ້ງໝົ້ມມີບ້ານຖືກຖ້ວມທັງໝົດ 9 ບ້ານ, ມີ 1,400 ກວ່າຄອບຄົວໄດ້ຮັບຜົນກະທົບ, ເນື້ອທີ່ນາຖືກຖ້ວມ ແລະເສຍຫາຍ 350 ກວ່າເຮັກຕາ.

ສຳລັບບ້ານຮ່ອງເໝືອງເປັນອີກບ້ານໜື່ງທີ່ໄດ້ຮັບຜົນກະທົບຈາກນ້ຳຖ້ວມ ມີທັໝົດ 80 ກວ່າຄອບຄົວ, ໄດ້ຮັບຜົນກະທົບຈາກນ້ຳຖ້ວມມີ 55 ຄອບຄົວ, ມີເນື້ອທີ່ນາເສຍຫາຍທັງໝົດ 40 ກວ່າເຮັກຕາ, ຈາກ 150 ກວ່າເຮັກຕາ, ຂົວໄມ້ຂ້າມຫ້ວຍຖືກກະແສນ້ຳເຊາະເຈື່ອນລົດໃຫຍ່ບໍ່ສາມາດສັນຈອນຜ່ານໄດ້, ເຈົ້າເມືອງອາດສະພອນພ້ອມດ້ວຍຄະນະ ຈຶ່ງໄດ້ພ້ອມກັນນຳເຄື່ອງຊ່ວຍເຫຼືອຈຳນວນ 55 ຖົງ, ປະກອບມີເຂົ້າສານ, ເສື້ອຜ້າ, ມີ່, ປາກະປ໋ອງລົງມອບໃຫ້ . ພ້ອມນີ້ ທ່ານ ຄໍາສະຫວັນ ອໍານວນການໂຮງງານປຸງແຕ່ງໄມ້ ກໍ່ໄດ້ມອບເຄື່ອງຊ່ວຍເຫຼືຜູ້ປະສົບໄພນ້ຳຖ້ວມ ເຊິ່ງປະກອບມີ, 100 ແກັດ, ເກືອຖົງໃຫຍ່ 20 ຖົງ, ແປ້ງນົວຖົງໃຫຍ່ 2 ຖົງ, ປື້ມຂຽນ 15 ຕັບ ມອບໃຫ້ຈຸດສຸມໂນນມີໄຊ ແລະຈຸດສຸມແກ້ງໝົ້ມ ກ່າວມອບໂດຍ ທ່ານ ຄຳສະຫວັນ ໂດຍມີ ທ່ານ ປອ ແສງທອງ ວັງແກ້ວມະນີ ກ່າວຮັບ, ພ້ອມດຽວກັນນີ້ ທ່ານກໍ່ໄດ້ມອບຕໍເຄື່ອງຊ່ວຍເຫຼືອ ໃຫ້ອໍານາດການປົກຄອງຈຸດສຸມແກ້ງໝົ້ມ ແລະຈຸດສຸມໂນນມີໄຊ ເຊິ່ງທ່ານກໍ່ໄດ້ມີເຄື່ອງຊ່ວຍເຫຼືອ ມາມອບໃຫ້ຕື່ມ ເຊິ່ງມີເຄື່ອງຊ່ວຍເຫຼືອຈຳນວນ 100 ຖົງ ແລະເຂົ້າສານ 2 ສອບ, ມອບໃຫ້ອໍານາດການປົກຄອງຈຸດສຸມ ແລະເລຂານາຍບ້ານ ເພື່ອສົ່ງຕໍ່ເຄື່ອງຊ່ວຍເຫຼືອໃຫ້ພໍ່ແມ່ປະຊາຊົນ ແຕ່ລະຄອບຄົວທີ່ໄດ້ຮັບຜົນກະທົບຈາກໄພນ້ຳຖ້ວມໃນຄັ້ງນີ້ ເພື່ອເປັນການຊ່ວຍບັນເທົາທຸກຕໍ່ຄອບຄົວທີ່ໄດ້ຮັບຜົນກະທົບ.

ພາບ ແລະ ຂ່າວ ສົມຈິດ ແກ້ວສີຖາທິລາດ