ພະແນກໂຍທາທິການ ແລະ ຂົນສົ່ງແຂວງເຊກອງ (ຍທຂ) ພວມເລັ່ງແກ້ໄຂ, ສ້ອມແປງ ເສັ້ນທາງສາຍຕ່າງໆ ຢູ່ 4 ເມືອງຂອງແຂວງເຊກອງທີ່ໄດ້ຮັບຜົນກະທົບຈາກໄພນ້ຳຖ້ວມ ໃນລະຫວ່າງວັນທີ 2-6 ກັນຍາ ຜ່ານມາ.

ມາຮອດປັດຈຸບັນ ການສ້ອມແປງໄດ້ສຳເລັດແລ້ວຈຳນວນໜຶ່ງ ແຕ່ຍັງມີບາງເສັ້ນທາງຍັງ ສ້ອມແປງບໍ່ທັນສຳເລັດ ໂດຍສະເພາະແມ່ນເສັ້ນທາງລະຫວ່າງເທດສະບານແຂວງ ໄປຫາ ເມືອງກະລຶມ ພວມຂຸ້ນຂ້ຽວສ້ອມແປງ ຄາດວ່າຈະໃຫ້ສຳເລັດພາຍໃນໄວໆນີ້.