ການເຜີຍແຜ່ ແນະນຳກ່ຽວກົດໝາຍ ແລະ ນິຕິກຳລຸ່ມກົດໝາຍທີ່ຕິດພັນກັບການຄ້ມຄອງສ່ວຍສາອາກອນ ຈັດຂຶ້ນໃນວັນທີ 12 ກັນຍາ 2019 ທີ່ ພະແນກການເງິນແຂວງ ໂດຍການເປັນປະທານຂອງທ່ານ ບຸນມີ ພິມມະສອນ ຮອງເຈົ້າແຂວງໆຄຳມ່ວນ, ມີກົມສ່ວຍສາອາກອນ ກະຊວງການເງິນ, ບັນດາທ່ານໃນຄະນະພະແນກການເງິນພ້ອມດ້ວຍ ພະນັກງານວິຊາການ ຕະຫຼອດເຖິງຜູ້ປະກອບການ, ຫົວໜ່ວຍທຸລະກິດອ້ອມຂ້າງແຂວງເຂົ້າຮ່ວມ.

ທ່ານ ສຸພັນ ວິລະວົງ ຫົວໜ້າພະແນກບໍລິການລາຍຮັບ ກົມສ່ວຍສາອາກອນ ໄດ້ຜ່ານບັນດານິຕິກຳ, ລະບຽບການທີ່ຕິດພັນກັບການຄຸ້ມຄອງລະບົບສ່ວຍສາອາກອນ ເປັນຕົ້ນ ການຂຶ້ນທະບຽນ, ປະເພດ ແລະ ຮູບແບບ ວິສາກະກິດ, ລະບົບອາກອນມູນຄ່າເພີ່ມ, ໃບຢັ້ງຢືນການມອບອາກອນ, ການຖືບັນຊີ, ໃບເກັບເງິນ, ການຄຸ້ມຄອງ ລະບົບສາງສິນຄ້າ, ການລັນທຶກ ແລະ ການກວດກາສິນຄ້າໃນສາງ ແລະ ລະບຽບການກ່ຽວກັບໃບຢັ້ງຢືນການ ມອບອາກອນ ພ້ອມທັງເປີດໂອກາດໃຫ້ຜູ້ເຂົ້າຮ່ວມ ກໍ່ຄືບັນດາຜູ້ປະກອບການທຸລະກິດ, ວິສາຫະກິດ, ບໍລິສັດ, ຫ້າງຮ້ານ ທັງພາກລັດ ແລະ ເອກະຊົນທີ່ເຂົ້າຮ່ວມໄດ້ມີການຖາມ-ຕອບ ປະກອບຄຳຄິດຄຳເຫັນ ເພື່ອສ້າງຄວາມ ຮັບຮູ້ເຂົ້າໃຈຕື່ມກ່ຽວກັບລະບຽບການ ແລະ ນິຕິກຳດັ່ງກ່າວ ທັງເປັນການສ້າງຄວາມເຊື່ອໝັ້ນ ແລະ ຈິງໃຈ ລະຫວ່າງພະນັກງານເກັບອາກອນ ກັບຫົວໜ່ວຍທຸລະກິດ ໃນການລົງເຄື່ອນໄຫວແຕ່ລະຄັ້ງໃຫ້ມີຄວາມສະດວກ, ໂປ່ງໃສ ແນໃສ່ເຮັດໃຫ້ການເກັບລາຍຮັບເຂົ້າງົບປະມານໃຫ້ມີປະສິດທິພາບ ແລະ ບັນລຸຕາມຄາດໝາຍ.