ໃນຕອນເຊົ້າຂອງວັນທີ 12 ກັນຍາ 2019 ນີ້.ໜ່ວຍພັກພະແນກແຮງງານ ແລະ ສະຫວັດດິການສັງຄົມແຂວງຜົ້ງສາລີ ໄດ້ຈັດພິທີມອບ – ຮັບໃບຢັ້ງຢືນໜ່ວຍພັກປອດໃສເຂັ້ມແຂງ ແລະ ໜັກແໜ້ນຄັ້ງທີ I ປະຈໍາປີ 2018. ຂື້ນຢູ່ທີ່ຫ້ອງປະຊຸມຂອງພະແນກ ເປັນກຽດເຂົ້າຮ່ວມໂດຍສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ, ຫົວໜ້າຄະນະຈັດຕັ້ງ ແຂວງ, ມີສະຫາຍ ເຫຼັກດວງໄກ ສົມພະຄູນ ກຳມະການພັກແຂວງ, ຫົວໜ້າພະແນກແຮງງານ ແລະ ສະຫວັດດິການສັງຄົມແຂວງ, ມີສະຫາຍ ບູນເພັງ ພຸດກັນຍາ ເລຂາໜ່ວຍພັກ, ຮອງຫົວໜ້າພະແນກແຮງງານ ແລະ ສະຫວັດດິການສັງຄົມແຂວງ, ມີຜູ້ຕາງໜ້າຄະນະຈັດຕັ້ງ, ຄະນະກວດກາ ແລະ ເລຂາໜ່ວຍພັກອ້ອມຂ້າງພ້ອມດ້ວຍສະມາຊິກພັກສຳຮອງ, ສົມບູນພາຍໃນໜ່ວຍເຂົ້າຮ່ວມທັງໜົດ 27 ສະຫາຍ,ຍິງ 13 ສະຫາຍ.
ໃນພິທີສະຫາຍ ບູນເພັງ ພຸດກັນຍາ ເລຂາໜ່ວຍພັກ, ຮອງຫົວໜ້າພະແນກແຮງງານ ແລະ ສະຫວັດດິການສັງຄົມແຂວງ ກໍ່ໄດ້ຂຶ້ນຜ່ານບົດສະຫຼູບການກໍ່ສ້າງໜ່ວຍພັກປອດໃສເຂັ້ມແຂງ ແລະ ໜັກແໜ້ນ ຄັ້ງທີ I ປະຈຳປີ 2018 ແລະ ຜ່ານທິດທາງໃນຕໍ່ໜ້າ.ຈາກນັ້ນຜູ້ຕ່າງໜ້າຄະນະຈັດຕັ້ງແຂວງຂື້ນຜ່ານມະຕິຕົກລົງຂອງຄະນະປະຈໍາພັກແຂວງວ່າດ້ວຍການຕົກລົງມອບໃບຢັ້ງຢືນໜ່ວຍພັກປອດໃສເຂັ້ມແຂງ ແລະ ໜັກແໜ້ນ ຄັ້ງທີ I ປະຈໍາປີ 2018 ສະບັບເລກທີ່ 234 /ຄພຂ ຜລ. ລົງວັນທີ 17 ມີຖຸນາ 2019 ເປັນກຽດຂື້ນມອບໂດຍ ສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ, ຫົວໜ້າຄະນະຈັດຕັ້ງ ແຂວງ ແລະ ກ່າວຮັບໂດຍ ສະຫາຍ ບູນເພັງ ພຸດກັນຍາ ເລຂາໜ່ວຍພັກ, ຮອງຫົວໜ້າພະແນກແຮງງານ ແລະ ສະຫວັດດິການສັງຄົມແຂວງຜົ້ງສາລີ.
ໃນໂອກາດທີມີຄວາມໜາຍຄວາມສໍາຄັນນັ້ນຍັງໄດ້ຮັບຟັງການໂອ້ລົມຈາກ ສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ, ຫົວໜ້າຄະນະຈັດຕັ້ງແຂວງ ເຊິ່ງກ່ອນອື່ນສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດການກໍ່ສ້າງໜ່ວຍພັກປອດໃສເຂັ້ມແຂງ ແລະ ໜັກແໜ້ນ ພ້ອມນີ້ ສະຫາຍຍັງໄດ້ຮຽກຮ້ອງມາຍັງຄະນະໜ່ວຍພັກ, ສະມາຊິກພັກແຕ່ລະສະຫາຍຕ້ອງເປັນເຈົ້າການໃນການພັດທະນາກົມກອງ, ພັດທະນາຕົນເອງດ້ວຍຄວາມເປັນແບບຢ່າງນຳໜ້າ ແລະ ສືບຕໍ່ຮັກສາມູນເຊື້ອໜ່ວຍພັກປອດໃສເຂັ້ມແຂງ ແລະ ໜັກແໜ້ນຄັ້ງທີ I ປະຈໍາປີ 2018ໃຫ້ໜັ້ນຄົງຕະຫຼອດໄປ.

ຂ່າວ: ບູນສອນ ສານນິໃຈ