ພິທີປະກາດບົງຕົວແຕ່ງຕັ້ງກໍາມະການພັກເມືອງໄຊພູທອງ

0
186

ພິທີ ປະກາດບົງຕົວແຕ່ງຕັ້ງກໍາມະການພັກເມືອງໄຊພູທອງ ໄດ້ຈັດຂື້ນໃນຕອນບ່າຍຂອງວັນທີ 12 ກັນຍາ 2019 ນີ້ທີ່ຫ້ອງວ່າການປົກຄອງເມືອງໄຂພູທອງ ແຂວງສະຫວັນນະເຂດ, ເພື່ອເປັນການປັບປຸງກົງຈັກການຈັດຕັ້ງໃນກໍາລັງປ້ອງກັນຄວາມສະຫງົບຂອງເມືອງໃຫ້ໜັກແໜ້ນທາງດ້ານການເມືອງ-ແນວເຂັ້ມແຂງທາງດ້ານການຈັດຕັ້ງສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນປະຈຸບັນ,ສະເພາະໜ້າ ແລະ ຍາວນານ. ໂດຍການໃຫ້ກຽດເຂົ້າຮ່ວມຂອງທ່ານ ທອງທ່ຽງ ສີດາວົງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ ມີບັນດາທ່ານ ຄໍາວິໃສ ຜຸຍຍະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງໄຊພູທອງ ພ້ອມດ້ວຍບັນດາພັກ-ຄະນະບັນຊາ ຂອງກໍາລັງ ປກຊ-ປກສ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມຢ່າງພ້ອມພຽງ.
ທ່ານ ທອງມີ ເນົາສະຫວາດ ກໍາມະການພັກເມືອງ ຫົວໜ້າຄະນະຈັດຕັ້ງ ກໍ່ໄດ້ຂື້ນຜ່ານມະຕິຕົກລົງຂອງຄະນະປະຈໍາະັກແຂວງ ສະບັບເລກທີ 1300/ຄປພຂ,ສຂ ລົງວັນທີ 10 ກັນຍາ 2019 ວ່າດ້ວຍ ການບົງຕົວແຕ່ງຕັ້ງກໍາມະການພັກເມືອງໄຊພູທອງ ຈໍານວນ1 ສະຫາຍ ຄື: ສະຫາຍ ພັທ ຄໍາພາ ຄຳມະວົງ ເປັນກໍາມະການພັກເມືອງໄຊພູທອງ ຄົນໃໝ່.
ຕ່ອນທ້າຍ ທ່ານ ທອງທ່ຽງ ສີດາວົງ ກໍໄດ້ເນັ້ນໜັກບັນດາສະຫາຍທີ່ຖືກບົງຕົວແຕ່ງຕັ້ງກໍາມະການພັກເມືອງໄຊພູທອງ ຄັ້ງນີ້ ຈົ່ງຍົກສູງຄຸນ ທາດການເມືອງ, ຄວາມຮູ້, ຄວາມສາມາດໃນການຊີ້ນໍາ – ບັນຊາ; ມີຄວາມເປັນເອກະພາບສູງຕໍ່ການນໍາພາຂອງພັກ ໃຫ້ລະອຽດໃນການປະຕິບັດພາລະບົດບາດ, ໜ້າທີ່ຂອງຕົນພ້ອມກັນບຸກ ບືນກ້າວຂຶ້ນເຮັດສໍາເລັດໜ້າທີ່ອັນມີກຽດສະຫງ່າ ທີ່ການຈັດຕັ້ງພັກ – ລັດ ແລະ ປະຊາຊົນມອບໝາຍໃຫ້.

ຂ່າວ: ພັນທະມິດ ວົງສຸທິ