ໃນວັນທີ 12 ກັນຍາ 2019 ນີ້, ສະຫະພັນແມ່ຍິງ ແລະ ຄອບຄົວການນໍາ ພະແນກກະສີກໍາ-ປ່າໄມ້ແຂວງສາລະວັນ ລົງມອບເຄື່ອງຊ່ວຍເຫຼືອໃຫ້ຜູ້ປະສົບໄພນໍ້າຖ້ວມເມືອງຄົງເຊໂດນ, ນໍາໂດຍ ທ່ານ ນາງ ເທວາ ສີລາດວງໃຈ ປະທານໜ່ວຍຮາກຖານສະຫະພັນແມ່ຍິງພະແນກກະສີກໍາ-ປ່າໄມ້,

ພາບຈາກ: ສະຫະພັນແມ່ຍິງພະແນກກະສີກໍາ-ປ່າໄມ້ແຂວງສາລະວັນ

ມີທ່ານ ນາງ ຂັນແກ້ວ ຈໍາປາຄໍາ ຄອບຄົວການນໍາພະແນກ ພ້ອມດ້ວຍຄະນະ ໄດ້ລົງເຄື່ອນໄຫວມອບເຄື່ອງຊ່ວຍເຫຼືອ ເພື່ອບັນເທົາທຸກໃຫ້ກັບພີ່ນ້ອງປະຊາຊົນເມືອງຄົງເຊໂດນ ທີ່ໄດ້ຮັບຜົນກະທົບຈາກໄພນໍ້າຖ້ວມ, ໂດຍເຄື່ອງທີ່ນຳມາມອບໃນຄັ້ງນີ້ປະກອບມີ: ເຂົ້າຕົ້ມ 2 ພັນກ້ອນ, ນໍ້າດື່ມ 20 ແກັດ, ໜີ່ 40 ແກັດ ລວມມູນຄ່າທັງໝົດ 7.500.000ກີບ, ໂດຍໄດ້ນຳໄປມອບໃຫ້: ບ້ານຫ້ວຍເຊົາ, ບ້ານ ຕານປ່ຽວ, ບ້ານ ປາກເຊືອກ-ນາຮັງ, ຄ້າຍທະຫານກອງພັນ 17 ແລະກອງບັນຊາການທະຫານເມືອງຄົງເຊໂດນ ແລະ ຫ້ອງການກະສິກຳ-ປ່າໄມ້ເມືອງຄົງເຊໂດນ.

ຜູ່ທີ່ໄດ້ຮັບຜົນກະທົບຈາກໄພນໍ້າຖ້ວມ

ທັງນີ້ກໍ່ເພື່ອເປັນການປະກອບສ່ວນຊ່ວຍເຫຼືອບັນເທົາທຸກໃຫ້ກັບພໍ່ແມ່ປະຊາຊົນ ຜູ້ປະສົບໄພ ແລະ ໃຫ້ກຳລັງໃຈ, ຄວາມອົບອຸ່ນ, ຄວາມເປັນຫ່ວງເປັນໄຍເຊີ່ງກັນ ແລະກັນ.

ຖ່າຍຮູບຮ່ວມກັບປະຊາຊົນ

ໂດຍ: ທິດລານີ ໂຄດໂຍທາ