ຕອນບ່າຍຂອງວັນທີ 12 ກັນຍາ 2019 ນີ້ ຄະນະຄູອາຈານແລະ ນັກສຶກສາຈາກ ກຳມະບານຮາກຖານ ວິທະຍາໄລ ເຕັກນິກວິຊາຊີບແຂວງສະຫວັນນະເຂດ ຮ່ວມກັບ ຂະແໜງຂະບວນ ການແຂ່ງຂັນແລະຍ້ອງຍໍ ຈາກສະຫະພັນກຳມະບານແຂວງ ນຳໂດຍທ່ານ ບຸນທະວີ ເມກສະຫວັນ ຫົວໜ້າໜ້າຂະ ແໜງຂະບວນການ ພ້ອມພະນັກງານວິຊາການ ໄດ້ພ້ອມພາກັນສ້າງຂະບວນການອະນາໄມລວມ ໃນບໍລິເວນຂອບເຂດ ຂອງສວນດອກໄມ້ອະນຸສອນ ສະຖານ ປະທານໄກສອນພົມວິຫານ ແລະ ສວນກຳມະບານ ຂອງສະຫະພັນກຳມະບານແຂວງ ສຂ ເຊິ່ງໄດ້ມີແຮງງານທັງໝົດເຂົ້າຮ່ວມ 90 ຄົນ,ຍິງ 46 ຄົນ .

ເຊິ່ງໜ້າວຽກຕົ້ນຕໍກໍ່ແມ່ນໄດ້ພ້ອມພາກັນ ຖາງຫຍ້າອອກຈາກບໍລິເວນສວນ ບ່ອນທີ່ຮົກເຮື້ອ ໂດຍນຳໃຊ້ເຄື່ອງຈັກຕັດຫຍ້າ ຈຳນວນ 07 ເຄື່ອງ ນອກນັ້ນກໍ່ແມ່ນຍັງໄດ້ພ້ອມພາກັນປັດກວາດແລະເກັບຂີ້ເຫື່ຍອ ຕາມບໍລິເວນເດີ່ນສວນເພື່ອໃຫ້ມີຄວາມສະອາດຈົບງາມຂື້ນຕື່ມອີກດ້ວຍ ທັງນີ້ກໍ່ເພື່ອເປັນການຕ້ອນຮັບໃຫ້ແກ່ວັນສຳຄັນຕ່າງໆຂອງຊາດ-ຂອງພັກທີ່ໃກ້ຈະມາເຖິງນີ້ອີກດ້ວຍ.


ຂ່າວ – ພາບ :ວຽງສະໄໝ ຊົມຊອບ