ວັນທີ 13 ກັນຍາ 2019 ທີ່ຜ່ານມາ ທີ່ຫ້ອງປະຊຸມພະແນກ ກະສີກໍາ-ປ່າໄມ້ແຂວງ ສະພາປະຊາຊົນແຂວງຜົ້ງສາລີ ໄດ້ຈັດກອງປະຊຸມຝືກອົບຮົມ ການສ້າງນິຕິກໍາໃຕ້ກົດໝາຍ ໃຫ້ບັນດາພະແນກການອ້ອມຂ້າງແຂວງ ໂດຍການເປັນປະທານຂອງທ່ານ ປອ ຈັນສີ ແສງສົມພູ ກໍາມະການພັກແຂວງ, ຮອງປະທານສະພາປະຊາຊົນແຂວງຜົ້ງສາລີ; ເຂົ້າຮ່ວມມີບັນດາຫົວໜ້າ, ຮອງຫົວໜ້າພະແນກ ອ້ອມຂ້າງແຂວງເຂົ້າຮ່ວມ ຈໍານວນ 20 ທ່ານ ຍີງ 2 ທ່ານ.

ກອງປະຊຸມຝືກອົບຮົມໃນຄັ້ງນີ້ ກໍ່ເພື່ອ ຊຸກຍູ້ໃຫ້ມີຄວາມເປັນເຈົ້າການ ໃນການສ້າງນີຕິກໍາໃຕ້ກົດໝາຍ ຂອງບັນດາພະແນກການອ້ອມຂ້າງແຂວງ ເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງແຕ່ລະພະແນກ ໂດຍສະ ເພາະແມ່ນ ການຄຸ້ມຄອງລັດ, ຄຸ້ມຄອງເສດຖກະກິດ-ສັງ ຄົມຂອງແຂວງ ພາຍຫຼັງທ່ານ ປອ ຈັນສີ ແສງສົມພູ ກ່າວເປິດກອງປະຊຸມ ຢ່າງທາງການແລ້ວ ກອງປະຊຸມຝືກອົບຮົມໃນຄັ້ງນີ້ ໄດ້ຮັບຟັງ ທ່ານ ຄໍາພັນ ຄຸນສົມບັດ ຫົວໜ້າຂະແໜງຍຸຕິທໍາ (ຄະນະກໍາມະການຍຸຕິທໍາ ແລະ ປກຊ-ປກສ, ສພຂແຂວງຜົ້ງສາລີ); ບັນຍາຍກ່ຽວກັບ ກ່ຽວກັບການສ້າງນິຕິກໍາໃຕ້ກົດໝາຍ ເຊິ່ງທ່ານກໍ່ໄດ້ຍົກໃຫ້ເຫັນເຖິ່ງຂັ້ນຕອນ ການສ້າງຂໍ້ຕົກລົງຂອງເຈົ້າແຂວງ; ຂັ້ນຕອນ ແລະ ບາດກ້າວການປະເມີນຮ່າງຂໍ້ຕົກລົງຂອງເຈົ້າແຂວງ ແລະ ການສ້າງ ຄໍາສັ່ງ ແລະ ຄໍາແນະນໍາ ຂອງເຈົ້າແຂວງ; ຈາກນັ້ນ, ໃນທີ່ປະຊຸມກໍ່ໄດ້ແລກປ່ຽນຄໍາຄິດ, ຄໍາເຫັນກ່ຽວກັບ ການສ້າງນີ້ຕິກໍາໃຕ້ກົດໝາຍ ຢ່າງກົງໄປກົງມາ.

ພາບ – ຂ່າວ: ນາງ ສຸກສົມພອນ