ໃນອາທິດທີ່ຜ່ານມານີ້ ທາງການນຳຂອງເມືອງນອງ ເຊິ່ງນຳໂດຍ ທ່ານ ລຳແກ້ວ ແສງໜູທອງ ເລຂາພັກເມືອງວ່າການເຈົ້າເມືອງໆນອງ, ທ່ານ ແຕງອ່ອນ ຈັນທະລະນອງ ຮອງເຈົ້າເມືອງໆນອງ ພ້ອມດ້ວຍ ຄະນະ ອະນຸກຳມະການຕ້ານໄພພິບັດຂັ້ນເມືອງ ໄດ້ລົງເກັບກຳຂໍ້ມູນກ່ຽວກັບຜົນເສຍໄພພິບັດ, ໄພນ້ຳຖ້ວມຢູ່ເມືອງນອງ ແຂວງສະຫວັນນະເຂດ.

ອີງໃສ່ສະພາບດິນຟ້າອາກາດເປປວນຈຶ່ງເກີດມີພາຍຍຸດີເປຼຊັ້ນ ແລະພາຍຸໝູນເຂດຮ້ອນ(ຄາຊິຈິ)ທີ່ເກີດຂຶ້ນຢູ່ປະເທດເພື່ອນບ້ານ ແລະພັດຜ່ານເຂົ້າສູ່ເຂດຕ່າງໆ ເວົ້າລວມ, ເວົ້າສະເພາະກໍ່ຄືຢູ່ເມືອງນອງ ໂດຍລວມແລ້ວລະດັບນ້ຳເຊ ແລະນ້ຳຫ້ວຍ ຍັງຢູ່ໃນລະດັບປົກກະຕິ ແລະມີການຍື່ນຕົວຍູ້ໜູນຕາມສາຍຫ້ວຍຕ່າງໆ.

ປັດຈຸບັນມີບ້ານເຮືອນຂອງປະຊາຊົນທີ່ໄດ້ຮັບຜົນກະທົບທັງໝົດຫຼາຍກວ່າ 48 ບ້ານ, ໃນນັ້ນມີຈຳນວນຫຼາຍກວ່າ 1.338 ຄອບຄົວ ເຊິ່ງຖືກນໍ້າຖ້ວມເນື້ອທີ່ນາທັງໝົດ 551,5 ເຮັກຕາ, ເນື້ອທີ່ໄຮ່ 718.7 ເຮັກຕາຢາງໂບງ 16 ກວ່າເຮັກຕາ, ມັນຕົ້ນ 57 ກວ່າເຮັກຕາ, ກ້ວຍ 66 ກວ່າເຮັກຕາ, ໜອງປາຫຼາຍກວ່າ 322 ໜອງ, ແລະຍັງມີບ້ານຂອງປະຊາຊົນຕາຍຢູ່ບັນດາບ້ານຕ່າງໆ ຈຳນວນ 116 ໂຕ, ຄວາຍ3 ໂຕ, ງົວ 31 ໂຕ, ແບ້9 ໂຕ, ໝູ 33 ໂຕ ແລະສັດປີກອີກຈໍານວນ 40 ກວ່າໂຕ, ນອກນັ້ນຍັງມີເຮືອຫາປາຂອງພໍ່ແມ່ປະຊາຊົນ ຈົມເສຍໄຫຼໄປກັບສາຍນ້ຳ, ສ່ວນຂົວ ແລະເສັ້ນທາງພາຍໃນເທດສະບານເມືອງນອງແມ່ນເສຍຫາຍຫຼາຍພໍສົມຄວນເຊັ່ນ: ເສັ້ນທາງ ບ້ານນາລົງເກົ່າ ຫາແດນວິໄລ ໃນຫຼັກກິໂລແມັດທີ 7+600 ນ້ຳເຊາະເຈື່ອນ, ດິນຖົມ, ຫົວຂົວຂາດ ຂົວຈົມຫ້ວຍລະຕານ, ຍາວ10,5 ແມັດ, ກວ້າງ 9,4 ແມັດ,

ເສັ້ນທາງແຕ່ເທດສະບານເມືອງນອງຫາ ພູໝາກມີ້ ກິໂລແມັດ 9+800 ຂົວໄມ້ຫ້ວຍປຼຽງຖືກນໍ້າເຊາະ, ຂົວຂາດ, ຍາວ 12.6 ແມັດ, ກວ້າງ 2,3 ແມັດ, ສູງ 3 ແມັດ, ເສັ້ນທາງບ້ານແກ້ງລີ້ນຫາບ້ານປໍໂຄກ ກິໂລແມັດ0+200 ຂົວຈົມເຊສະໝູນ ນ້ຳເຊາະ, ດິນຖົມ, ຫົວຂົວຂາດ, ຍາວ 11 ແມັດ, ກວ້າງ8 ແມັດ, ເສັນທາງເທດສະບານເມືອງນອງຫາເມືອງຕະໂອ້ຍ ກິໂລແມັດທີ 11+100 ນ້ໍາເຊາະຄັນ, ເສັ້ນທາງຂາດ, ຍາວ 25 ແມັດ, ກວ້າງ 23 ແມັດ, ກິໂລແມັດ 17+500ດິນຖົມ ຫົວຂົວເຊຕະອຶນຍຸບ, ຍາວ 23 ແມັດ, ກວ້າງ 13 ແມັດ ນອກນັ້ນກໍ່ຍັງມີ ດິນເຈື່ອນຖົມໃສ່ຮ່ອງລະບາຍນ້ຳສອງພາກທາງ, ນ້ຳເຊາະຄັນທາງ, ດິນເຈື່ອນຖົມທາງແລະອື່ນໆ.