ໃນວັນທີ 11 ກັນຍາ 2019 ສະຫະພັນກຳມະບານແຂວງສະຫວັນນະເຂດ ເຊິ່ງນຳໂດຍທ່ານ ຄຳຕັນ ສີໂພໄຊ ຮອງປະທານຄະນະບໍລິຫານງານສະຫະພັນກຳມະບານແຂວງ ໄດ້ມີການສຶບຕໍ່ລົງເຄື່ອນໄຫວມອບເຄື່ອງບັນເທົາທຸກຈຳນວນໜຶ່ງໃຫ້ແກ່ການນຳຂອງເມືອງໄຊບູລີ ເພື່ອໃຫ້ພາກສ່ວນກ່ຽວຂ້ອງບິແບ່ງນຳເອົາເຄື່ອງຂອງດັ່ງກ່າວນຳໄປແຈກຢາຍໃຫ້ແກ່ຜູ້ປະສົບໄພນ້ຳຖ້ວມຕາມຄວາມເໝາະສົມ

ໂດຍການກ່າວຮັບຂອງ ທ່ານ ອ່ອນລຳພັນ ບົວສີແກ້ວ ເຈົ້າເມືອງໆໄຊບູລີຢ່າງສົມກຽດ. ໃນນັ້ນ ທ່ານ ຄໍາຕັນ ສີໂພໄຊ ຍັງໄດ້ຮ່ວມກັບອົງການຈັດຕັ້ງມະຫາຊົນຂອງເມືອງໄຊບູລີ ເດີນທາງດ້ວຍເຮືອ ໄປມອບເຄື່ອງບັນເທົາທຸກໃຫ້ແກ່ປະຊາຊົນຜູ້ທີ່ຖືກຜົນກະທົບຈາກໄພນ້ຳຖ້ວມຢູ່ທີ່ສູນພັກພິງຂອງເມືອງ ແລະ ບ້ານ ຊຽງໃຄ ທີ່ຖືກສາຍນ້ຳຕັດຂາດບໍ່ສາມາດເຂົ້າເຖິງໄດ້ ລວມມູນຄ່າ 3 ລ້ານກີບ ເຊິ່ງມີເຄື່ອງບໍລິໂພກ ແລະ ຢາປິ່ນປົວພະຍາດທີ່ສໍາຄັນຈໍານວນໜຶ່ງເພື່ອເປັນການແກ້ໄຂວິກິດການໃນສະເພາະໜ້າ.

ສະຫະພັນກຳມະບານແຂວງສະຫວັນນະເຂດ
ຂ່າວ – ພາບ:ວັນນະເລດ ມະນີວົງ.