ເມືອງນອງສ້າງຂະບວນການສ້ອມແປງຂົວ

0
210

ໃນວັນທີ 9 ກັນຍາ 2019ທີ່ຜ່ານມານີ້ ຢູ່ທີ່ເມືອງນອງໄດ້ສ້າງຂະບວນການອອກແຮງງານລວມຂຶ້ນຢູ່ທີ່ຈຸດ ຫ້ວຍລະຕາມ ບ້ານ ອາສີງສາລີ ເສັ້ນທາງແບ່ງ ບ້ານ ນາລົງເກົ່າຫາຈຸດສຸມປະເລາະ-ອາສີງ ເມືອງນອງ ແຂວງສະຫວັນນະເຂດ ການສ້າງຂະບວນການອອກແຮງງານລວມຄັ້ງນີ້:

ເຊິ່ງໄດ້ຮັບການ ຊີ້ນຳໂດຍ ທ່ານ ລຳແກ້ວ ແສງໜູທອງ ວ່າການ ເລຂາພັກເມືອງ ເຈົ້າເມືອງໆນອງພ້ອມດ້ວຍບັນດາທ່ານ ການນຳຂອງເມືອງ, ກຳລັງຊາວໜຸ່ມຈາກສຳນັກງານກົມກອງອ້ອມຂ້າງເມືອງສົມທົບກັບອຳນາດການປົກຄອງ ແລະກຳລັງຊາວໜຸ່ມໃນ8ບ້ານ ທີ່ຂຶ້ນກັບຈຸດສຸມ ປະເລາະ-ອາສີງ, ມີກຳລັງປກສ-ປກຊ, ກຳລັງກອງຮ້ອຍຊາຍແດນ 322ເຂົ້າຮ່ວມທັງໝົດ 165ແຮງງານ, ຍິງ2ແຮງງານເຂົ້າຮ່ວມ.

ຂົວຈົມແຫ່ງນີ້ໄດ້ຮັບຜົນກະທົບຈາກພາຍຸໂພດຸນ ແລະພາຍຸ ດີເປຼຊັ້ນກາຈິກິເຊິ່ງເຮັດໃຫ້ຫົວຂົວຖືກເຊາະເຈື່ອນ ແລະຕັດຂາດໃນຄວາມກວ້າງ 3ແມັດ, ຍາວ 4ແມັດ, ຄວາມກວ້າງຂອງຂົວທັງໝົດແມ່ນ 3 ແມັດ, ຍາວ 6 ແມັດ ເຮັດໃຫ້ການສັນຈອນຖືກຕັດຂາດ, ສ່ວນໜ້າວຽກທີ່ເຮັດໃນຄັ້ງນີ້ ແມ່ນຕັດໄມ້ມາເຮັດຂົວ ໂດຍໄດ້ຕັດເອົາໄມ້ກົມມາເຮັດເສົາຂົວ, ປູໄມ້ລຽນລຳ ແລະຖົມດິນໃສ່ອເພື່ອໃຫ້ພໍ່ແມ່ປະຊາຊົນເຂດນັ້ນທຽວໄປມາຫາສູ່ລະຫວ່າງບ້ານຕໍ່ບ້ານ ແລະແກ້ໄຂສຸກເສີນ ສ່ວນການຮັບນ້ຳໜັກ ລົດຈັກ, ລົດຕູ້, ກະບະ ສາມາດໄປມາໄດ້, ລົດທີ່ແກ່ເຄື່ອງບັນທຸກໜັກແມ່ນບໍ່ສາມາດທຽວໄດ້, ນອກນີ້ກໍ່ຍັງໄດ້ລະດົມແຮງງານ ແລະລົດຟອດລາກແກ່ຕົ້ນໄມ້ງ່າໄມ້ທີ່ຕັນທໍ່ໜ້າຂົວຈົມຕ່າງໆອອກເພື່ອໃຫ້ນ້ຳໄຫຼສະດວກ ການອອກແຮງງານຄັ້ງນີ້ໃຊ້ເວລາເກືອບ 1ວັນຈຶ່ງຈະສຳເລັດ.