ການນຳກອງບັນຊາການທະຫານແຂວງຮ່ວມກັບການນຳເມືອງສອງຄອນ ລົງຢ້ຽມຢາມພໍ່ ແມ່ປະຊາຊົນ

0
180

ໃນວັນທີ 13 ກນັຍາ 2019 ນີ້ ການນຳກອງບັນຊາການທະຫານແຂວງຮ່ວມກັບການນຳເມືອງສອງຄອນ,ໄດ້ລົງຢ້ຽມຢາມພໍ່ແມ່ປະຊາຊົນບ້ານສອງຄອນ,ບ້ານສິງທ່າ,ບ້ານລະຫານຳ້ ແລະ ບ້ານວິໄຊສົງ ທີ່ໄດ້ຮັບຜົນກະທົບຈາກໄພນຳ້ຖ້ວມ ໄດ້ຮັບຜົນເສຍຫາຍຢ່າງໜັກໜ່ວງບໍ່ວ່າຈະເປັນເນື້ອທີ່ນາ,ງົວຄວາຍໝູໝາເປັດໄກ່ ຕະຫຼອດຮອດເຄື່ອງໃຊ້ຕ່າງໆໃນເຮືອນ,ເຊິ່ງຍັງບໍ່ສາມາດປະເມີນຜົນເສຍຫາຍໄດ້ໃນຕອນນີ້ ດັ່ງນັ້ນເພື່ອເປັນການໃຫ້ກຳລັງໃຈປະຊາຊົນຜູ້ປະສົບໄພນຳ້ຖ້ວມຄັ້ງນີ້,ການນຳຂອງເມືອງສອງຄອນນຳໂດຍ ສະຫາຍ ພຸດທະວົງ ພົມມະຈັກ ຮອງເຈົ້າເມືອງສອງຄອນ ຮ່ວມກັບການນຳກອງບັນຊາການທະຫານແຂວງນຳໂດຍສະຫາຍ ພັນໂທ ຄຳເພັດ ສຸລິຍະວົງ ຄະນະພັກ ຮັກສາການ ຫົວໜ້າການທະຫານກອງບັນຊາການທະຫານແຂວງພ້ອມດ້ວຍຄະນະ ໄດ້ນຳເອົາເຄື່ອງບັນເທົາທຸກໃນເບື້ອງຕົ້ນເພື່ອລົງຊ່ວຍເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນຳ້ຖ້ວມໃນຄັ້ງນີ້ຈຳນວນໜື່ງ ດັ່ງສະຫາຍ ພຸດທະວົງ ພົມມະຈັກ ໄດ້ກ່າວວ່າ ການລົງຢ້ຽມຢາມຜູ້ປະສົບໄພນຳ້ຖ້ວມໃນຄັ້ງນີ້ກໍ່ໄດ້ນຳເອົາເຄື່ອງບັນເທົາທຸກເປັນຕົ້ນເຄື່ອງອຸປະໂພກ-ບໍລິໂພກ ແລະ ເຮືອໄບ 1 ລຳ ເພື່ອເປັນກຳລັງໃຈໃຫ້ເຂົາເຈົ້າ,

ເຊິ່ງແມ່ນການຮ່ວມແຮງຮ່ວມໃຈກັບພາກສ່ວນຕ່າງໆໃນທົ່ວສັງຄົມ,ດ້ານກຳລັງປະກອບທະຫານແຂວງ,ແມ່ນໄດ້ນຳເອົາກຳລັງກອງບັນຊາການທະຫານເມືອງສອງຄອນ,ກອງພັນທີ 5 ກອງຮ້ອຍທະຫານຊາຍແດນ 327 ກໍ່ເອົາໃຈໃສ່ຊ່ວຍເຫຼືອພໍ່ແມ່ປະຊາຊົນມາແຕ່ນຳ້ເລີ້ມຖ້ວມແຕ່ຕົ້ນກັນເດືອນກັນຍາເປັນຕົ້ນມາດັ່ງສະຫາຍ ພັນໂທ ຄຳເພັດ ສຸລິຍະວົງ ຄະນະພັກ ຮັກສາການຫົວໜ້າການທະຫານກອງບັນຊາການທະຫານແຂວງສະຫວັນະເຂດ,ໄດ້ເວົ້າວ່າ ປັດຈຸບັນນີ້ ກຳລັງທະຫານພວກເຮົາແມ່ນໄດ້ກຽມພ້ອມໃນການຊ່ວຍເຫຼືອປະຊາຊົນຢ່າງເຕັມທີ່,ເພື່ອພື້ນພູສະພາບທາງດ້ານຮ່າງກາຍ ແລະ ຈິດຂອງພໍ່ແມ່ປະຊາຊົນໃຫ້ດີຂື້ນເປັນລຳ້ດັບ.

ກວດຂ່າວ ບກ ທະຫານແຂວງ ພາບ-ຂ່າວ ພານິດ ພິລາວົງ