ໃນວັນທີ 16 ເດຶອນກັນຍາ ປີ 2019 ນີ້ອົງການພຸດທະສາດສະໜາສຳພັນລາວ, ຄະນະ ອພສ ເມືອງເລົ່າງາມ, ຄະນະ ອພສ ເຂດ, ເຈົ້າອະທິການວັດ, ພ້ອມດ້ວຍຄະນະສົງສຳມະເນນພາຍໃນເມືອງເລົ່າງາມ ແຂວງສາລະວັນໄດ້ນຳເອົາເຄື່ອງອຸປະໂພກ-ບໍລິໂພກຈຳນວນໜຶ່ງມາມອບໃຫ້ອຳນາດການປົກຄອງແຂວງເພື່ອເປັນການແບ່ງປັນບັນເທົາທຸກໃຫ້ແກ່ຜູ້ໄດ້ຮັບຜົນກະທົບຈາກໄພນຳຖວ້ມໃນອາທິດທີ່ຜ່ານມາເປັນຕົ້ນກໍ່ແມ່ນພໍ່ແມ່ປະຊາຊົນຊາວເມືອງສາລະວັນ, ເມືອງຄົງເຊໂດນ ແລະເມືອງວາປີ, ເຄື່ອທີ່ນໍ້າມາມອບໃນຄັ້ງນີ້ຄື: ມີໜີ່ຈຳນວນ 30 ແກັດ ມູນຄ່າ 4 ລ້ານກວ່າກີບ, ນໍ້າດືມ 87 ແກັດມູນຄ່າ 3 ລ້ານກວ່າກີບ, ປາປອງ 63 ແຟັກ, ມູນຄ່າ 3 ລ້ານກວ່າກີບ, ພ້ອມດ້ວຍເຄື່ອງໜຸ່ງຮົ່ມ ແລະຢ່າປົວພະຍາດຈຳນວນໜຶ່ງລວມມູນຄ່າທັງໝົດ 11 ລ້ານກວ່າກີບ,

ຈາກນັ້ນພຣະອາຈານ ພອນສະຫວັນ ທອງມະນີນິນ ຮອງປະທານອົງການພຸດທະສາດສະໜາສຳພັນລາວ, ທັງແມ່ນເຈົ້າອະທິການວັດບ້ານສະນືມນອກ ເມືອງເລົ່າງາມ, ຕ່າງໜ້າໃຫ້ປະທານອົງການພຸດທະສາດສະໜາສຳພັນລາວ, ເມືອງເລົ່າງາມ, ແຂວງສາລະວັນດກໍ່ໄດ້ມອບເຄື່ອຊ່ວຍເຫຼືອດັ່ງກ່າວເປັນກຽດຮັບໂດຍທ່ານ ປອ ສະໃໝ່ ໂພທິສານ ຫົວໜ້າຫ້ອງວ່າການປົກຄອງແຂວງສາລະວັນ, ທັງແມ່ນຄະນະກຳມະການຄວມຄຸມໄພພິບັດຂັ້ນແຂວງ, ໂດຍຊອ້ງໜ້າພາກສ່ວນຕ່າງໆທີ່ກ່ຽວຂ້ອງ.

ພາບ-ຂ່າວ:ສິດຕາ​ ເພັດວົງສາ​