ໃນຕອນເຊົ້າວັນທີ 16 ກັນຍາ 2019 ນີ້, ຢູ່ທີ່ສະໂມ ສອນຂອງເມືອງ ໄດ້ຈັດພິທີປາຖະກະຖາ ວັນຊາດ ສາທາ ລະນະລັດ ສັງຄົມນິຍົມ ຫວຽດນາມ ຄົບຮອບ 74 ປີ ແລະ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 17 ປີ. ໂດຍການເຂົ້າຮ່ວມຂອງທ່ານ ອຸ່ນແກ້ວ ສາລິວັນ ກຳມະການປະຈຳພັກເມືອງ ປະທານແນວລາວສ້າງຊາດເມືອງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນເມືອງ, ມີທ່ານ ບຸນສອນ ແກ້ວວິໄລ ກຳມະການພັກເມືອງ ຫົວໜ້າຄະນະໂຄສະນາອົບຮົົມເມືອງ, ມີທ່ານ ສິງທອງ ສານສັກດາ ປະທານສະຫະພັນນັກຮົບເກົ່າເມືອງ, ເຂົ້າຮ່ວມຮັບຟັງການປາຖະກະຖາໃນຄັ້ງນີ້ ມີບັນດາທ່ານ ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ ຕະຫຼອດຮອດພະນັກ ງານ-ລັດຖະກອນອ້ອມຂ້າງເມືອງເຂົ້າຮ່ວມ 100 ກວ່າຄົນ.

ໃນພິທີທ່ານ ບຸນສອນ ແກ້ວວິໄລ ຫົວໜ້າຄະນະໂຄສະ ນາອົບຮົົມເມືອງ ໄດ້ຂຶ້ນເລົ່າມູນເຊື້ອວັນຊາດ ສາທາລະນະ ລັດ ສັງຄົມນິຍົມຫວຽດນາມ ວັນທີ 2 ກັນຍາ 1945 ເຊິ່ງທ່ານໄດ້ຍົກໃຫ້ເຫັນ ໄລຍະຕໍ່ສູ້ຍາດເອົາເອກະລາດ ຂອງສາທາລະນະລັດ ສັງຄົມນິຍົມ ຫວຽດນາມ ໂດຍພາຍໃຕ້ການນຳພາຂອງພັກກອມມູນິດຫວຽດນາມ ແລະ ດ້ວຍໂຄງການການເມືອງອັນຖືກຕ້ອງ ການປະຕິວັດໄດ້ຂະ ຫຍາຍຕົວໄປຕາມທ່າອ່ຽງປະຕິວັດຂອງຍຸກສະໄໝ ຂະບວນການຕໍ່ສູ້ໄດ້ຮັບການເຜີຍແຜ່ ແລະ ຂະຫຍາຍຕົວຢ່າງເລິກເຊິງເຂົ້າໃນຖັນແຖວກຳມະກອນ, ຊາວນາ, ຊົນຊັ້ນປັນຍາຊົນ ເຊິ່ງໄດ້ເກີດມີການຈັດຕັ້ງປະຕິວັດຂຶ້ນຢ່າງຫຼວງຫຼາຍ ເປັນຕົ້ນ ຂະບວນການປະຕິວັດ (1930-1931), ຂະບວນການຕໍ່ສູ້ຂອງປະຊາຊົນ ຮຽກຮ້ອງໃຫ້ມີ ປະຊາທິປະໄຕ ມີຊີວິດການເປັນຢູ່ທີ່ດີຂຶ້ນ (1930-1939) ແລະ ຂະບວນການຕໍ່ສູ້ປົດປ່ອຍຊາດ (1939-1945) ໄດ້ກ້າວໄປສູ່ລະດັບສູງ ແລະ ນໍາໄປສູ່ການປະຕິວັດເດືອນສິງຫາ 1945. ມາຮອດໃນວັນທີ 2 ກັນຍາ 1945 ປະຊາຊົນຊາວຫວຽດນາມ ໄດ້ໂຮມຊຸມນຸມມິດຕິງ ທີ່ສະໜາມຫຼວງບາດິງ ປະທານໂຮ່ຈີມິນ ຕາງໜ້າໃຫ້ຄະນະລັດຖະບານຊົ່ວຄາວໄດ້ອ່ານຖະແຫຼງການເອກະລາດ, ປະກາດສ້າງຕັ້ງສາທາລະນະລັດ ປະຊາທິປະໄຕ ຫວຽດນາມ.ນອກຈາກນີ້ ທ່ານ ອຸ່ນແກ້ວ ສາລິວັນ ກຳມະການປະຈຳພັກເມືອງ ປະທານແນວລາວສ້າງຊາດເມືອງ ຍັງໄດ້ຫວນຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 17 ປີ, 9 ກັນຍາ 2002 – 9 ກັນຍາ 2019 ອັນເປັນຜົນງານທີ່ໃຫຍ່ຫລວງ ຂອງຖັນແຖວນັກຮົບເກົ່າ ໃນການຕໍ່ສູ່ເພື່ອກອບກູ້ເອົາຄວາມເປັນເອກະລາດ, ອຳນາດອະທິປະໄຕ, ການປົກປັກຮັກສາ ແລະ ພັດທະນາປະເທດຊາດ ພາຍໃຕ້ການນຳພາ ຂອງພັກປະຊາຊົນ ປະຕິວັດລາວ, ພ້ອມດຽວກັນນີ້ ທ່ານ ສິງທອງ ສານສັກດາ ປະທານສະຫະພັນນັກຮົບເກົ່າເມືອງ ຍັງໄດ້ສະຫຼຸບຕີລາຄາຄືນໃນການເຄື່ອນໄຫວວຽກງານ ຂອງສະຫະພັນນັກຮົບເກົ່າເມືອງ ໃນ 1 ປີຜ່ານມາ ແລະ ຜ່ານທິດທາງແຜນການ ໃນປີ 2020 ຕື່ມອີກ.

ຂ່າວ: ວິເສດ