ວັນທີ 15 ກັນຍາ 2019 ນີ້ສິດເກົ່າໂຮງຮຽນກະເສດນາບົງນຳໂດຍທ່ານ ອຸລາ ທົນນະວົງສາ ຫົວໜ້າຫ້ອງບໍລິຫານ ແລະ ຈັດຕັ້ງທະນາຄານສົ່ງເສີມສຳນັກງານໃຫຍ່ ພ້ອມຄະນະໄດ້ລົງມອບເຄື່ອງຊ່ວຍເຫລືອໃຫ້ແກ່ 3 ບ້ານພາຍໃນເມືອງໂພນທອງຄື:ບ້ານຫ້ວຍເພັກ,​ບ້ານຄັນແຍງ ແລະ ບ້ານໂພໄຊ ຈຳນວນ 300 ຄອບຄົວ ທີ່ຖືກຜົນກະທົບໄພນ້ຳຖ້ວມ

ເຄື່ອງທີ່ນຳມາມອບໃນຄັ້ງນີ້ປະກອບມີນ້ຳດື່ມ,​ ມີ່,​ເຂົ້າສານ,​ເຄື່ອງນຸ່ງຫົ່ມ ແລະ ເຄື່ອງໃຊ້ສອຍທີ່ຈຳເປັນເພື່ອແບ່ງເບົາບັນເທົາທຸກໃຫ້ແກ່ພໍ່ແມ່ປະຊາຊົນທີ່ຖືກຜົນກະທົບລວມມູນຄ່າ 20 ລ້ານກວ່າກີບໃຫ້ກຽດມອບໂດຍທ່ານ ອຸລາ ທົນນະວົງສາ ຫົວໜ້າຫ້ອງບໍລິຫານ ແລະ ຈັດຕັ້ງທະນາຄານສົ່ງເສີມສຳນັກງານໃຫຍ່ ຮັບໂດຍທ່ານ ສີສະຫວັນວໍລະລາດ ຮອງເຈົ້າເມືອງໂພນທອງ ທັງເປັນປະທານຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ໃນໂອກາດດຽວກັນນັ້ນທ່ານກໍ່ໄດ້ກ່າວສະແດງຄວາມຂອບໃຈ ແລະຮູ້ບຸນຄຸນມາຍັງສິດເກົ່າກະເສດນາບົງພ້ອມດ້ວຍຄະນະທີ່ໄດ້ໃຫ້ການຊ່ວຍເຫລືອ 3 ບ້ານຂອງເມືງໂພນທອງ

ສື່ມວນຊົນແຂວງຈຳປາສັກ
ຂ່າວ:ມະນີກອນ ສອນສັກດາ