ໃນວັນທີ່ 17ກັນຍາ2019ນີ້ ກອງບັນຊາການ ປກສ ແຂວງສະຫວັນນະເຂດຈັດຕັ້ງເຜີຍແຜ່ ດຳລັດວ່າດ້ວຍຈັນຍາບັນຂອງພະນັກງານ-ລັດຖະກອນ ແລະ ປະຖະກະຖາການເຕີບໃຫຍ່ຂະຫຍາຍຕົວ-ມູນເຊື້ອອັນສະຫງ່າລາສີຂອງແນວລາວສ້າງຊາດ ຄົບຮອບ 69ປີ(13ສິງຫາ1950-13ສິງຫາ2019) ແລະ ວັນຊາດສາທາລະນະລັດສັວຄົມນິຍົມຫວຽດນາມ ຄົບຮອບ74ປີ(2ກັນຍາ1945ກັນຍາ2019 ໂດຍການປະຖະກະຖາຂອງທ່ານ ພັອ ລຳຄູນ ວໍລະວົງ ຮອງກອງບັນຊາການ ປກສ ແຂວງສະຫວັນນະເຂດ ມີບັນດາກົມກອງ ແລະ ຫ້ອງການອ້ອມຂ້າງເຂົ້າຮ່ວມ 153, ຍິງ 63ຄົນ

ໃນພິທີທ່ານໄດ້ຍົກໃຫ້ເຫັນ ລະບຽບ-ຫຼັກການ ແລະ ມາດຕະການ ກ່ຽວກັບຈັນຍາບັນ ຂອງພະນັກງານລັດຖະກອນເຊິ່ງປະກອບມີ; 4ໝວດ ແລະ 14ມາດຕາ, ມີຫຼັກການພື້ນຖານດັ່ງນີ້: 1 ເຄົາລົບ, ປະຕິບັດຫນ້າທີ່ ຕາມແນວທາງນະໂຍບາຍຂອງພັກ, ລັດຖະທໍາມະນູນ, ກົດຫມາຍ, ລະບຽບການຂອງລັດ ດ້ວຍຄວາມຈົງຮັກພັກດີ ແລະ ສັດຊື່, 2 ຍົກສູງສະຕິຊາດ ໂດຍຖືເອົາຜົນປະໂຫຍດລວມຂອງຊາດ, ປະຊາຊົນ, ສັງຄົມ ແລະ ການຈັດຕັ້ງ ສູງກວ່າຜົນປະໂຫຍດສ່ວນຕົວ, 3 ປະພຶດ ແລະ ປະຕິບັດຕົນ, ຢ່າງຖຶກຕ້ອງໃນທຸກເວລາ ແລະ ສະຖານ, 4 ຮັບປະກັນຄວາມສະເໝີພາບ ລະຫວ່າງ ເພດ ແລະ ເຜົ່າ ຂອງພະນັກງານ ລັດຖະກອນ ເພື່ອເປັນບ່ອນອີງໃຫ້ການຈັດຕັ້ງພັກ-ລັດ, ແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ, ອົງການຈັດຕັ້ງມະຫາຊົນຂັ້ນສູນກາງ ແລະ ທ້ອງຖິ່ນ ໃນການຈັດຕັ້ງປະຕິບັດ ແນ່ໃສ່ຄຸ້ມຄອງ ແລະ ສຶກສາ ອົບຮົມ ໃຫ້ພະນັກງານ-ລັດຖະກອນ ມີຄູນທາດການເມືອງ, ຄຸນສົມບັດສິນທໍາປະຕິວັດຫນັກແຫນ້ນ, ມີຄວາມຮັບຜິດຊອບສູງ ຕໍ່ຫນ້າທີ່ວຽກງານຂອງຕົນ, ມີສະຕິຕື່ນຕົວ ເຄົາລົບ, ປະຕິບັດກົດຫມາຍ ແລະ ລະບຽບການຢ່າງ ເຂັ້ມງວດ, ມີປະສິດທິພາບ ປະກອບສ່ວນເຂົ້າໃນການປົກປົກຮັກສາ ແລະ ພັດທະນາປະເທດຊາດ, ຈາກນັ້ນໃນພິທີກໍ່ຍັງໄດ້ປະຖະກະຖາການເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າລາສີຂອງແນວລາວສ້າງຊາດ ຄົບຮອບ 69ປີ ແລະ ວັນຊາດສາທາລະນະລັດສັວຄົມນິຍົມຫວຽດນາມ ຄົບຮອບ74ປີຕື່ມອີກ.

ພາບ-ຂ່າວ ປກສ ແຂວງສະຫວັນນະເຂດ
ສີສະເຫຼີມມສັກ ສິມມາລາ