ທ່ານ ປອ ສຸວັນເພັງ ບຸບຜານຸວົງ ລັດຖະມົນຕີປະຈໍາສໍານັກງານນາຍົກລັດຖະມົນຕິສະມາຊິກສະພາແຫ່ງຊາດເຂດເລືອກຕັ້ງ 13 ແຂວງສະຫວັນນະເຂດພ້ອມດ້ວຍຄອບຄົວ,ໝູ່ເພື່ອນ,ຍາດຕີພີ່ນ້ອງຮ່ວມໃຈຊ່ວຍເຫລືອຜູ້ປະສົບໄພນໍ້າຖ້ວມໃຫ້ 6 ບ້ານຂອງເມືອງເຊໂປນທີ່ຖືກນໍ້າຖ້ວມມອບເຄື່ອງອຸປະໂພກແລະບໍລິໂພກມູນຄ່າ90ລ້ານກວ່າກີບ.
ເພື່ອເປັນການຊ່ວຍເຫລືອແກ້ໄຂສຸກເສີນບັນເທົາທຸກຂອງ ປະຊາຊົນທີ່ຖືກນໍ້າຖ້ວມຈາກພະຍຸກາຈີກີໄພພິບັດທາງທໍາມະຊາດເຮັດໃຫ້ເຮືອນຊານບ້ານຊ່ອງ,ໄຮ່ນາ,ຮົ້ວສວນ,ສັດສາວາສີ່ງຂອງ ປະຊາຊົນເສຍຫາຍຈໍານວນຫລາຍ, ດັ່ງນັ້ນໃນວັນທີ 14 ກັນຍາ 2019 ທີ່ຜ່ານມາ,ທ່ານ ປອ ສຸວັນເພັງ ບຸບຜານຸວົງລັດຖະມົນຕິປະຈໍາສໍານັກງານນາຍົກລັດຖະມົນຕີສະມາຊິກສະພາແຫ່ງຊາດເຂດເລືອກຕັ້ງ 13 ແຂວງສະຫວັນນະເຂດພ້ອມດ້ວຍຄອບຄົວ, ໝູ່ເພື່ອນ, ຍາດຕີພີ່ນ້ອງຮ່ວມໃຈຊ່ວຍເຫລືອໃຫ້ 6 ບ້ານມີບ້ານເມືອງເຊໂປນເກົ່າ,ບ້ານອຸດົມສຸກ,ບ້ານສອນມີໄຊ,ບ້ານໂພນມ່ວງ, ບ້ານ ວົງວິໄລ ແລະ ບ້ານທ່າໂຂ່ງຂອງເມືອງເຊໂປນທີ່ຖືກນໍ້າຖ້ວມມອບເຄື່ອງອຸປະໂພກແລະບໍລິໂພກຈໍານວນ310ຊຸດມູນຄ່າ90ລ້ານກວ່າກີບ,ສໍາລັບເຄື່ອງທີ່ນໍາມາຊ່ວຍເຫລືອໃນຄັ້ງນີ້ເຄື່ອງບໍລິໂພກມີ່ໄວໆ, ເຂົ້າສານໜຽວ, ປ໋ອງປາ,ເຂົ້າໜົມ,ເຄື່ອງອຸປະໂພກເຄື່ອງໃຊ້ສອຍ,ຢາ,ແປງຖູແຂ້ວ,ເຄື່ອງນຸ່ງຫົ່ມແລະ ເຄື່ອງອື່ນໆໂດຍເປັນກຽດມອບທ່ານປອ ສຸວັນເພັງ ບຸບຜານຸວົງ,ຕາງໜ້າແຕ່ລະຄອບຄົວທີ່ຖືກນໍ້າຖ້ວມຈໍານວນ 310 ຄອບຄົວ,6ບ້ານເປົ້າໝາຍຊ້ອງໜ້າທ່ານວົງໄຊ ໄຊຍະຈັກ ວ່າການເລຂາຄະນະບໍລິຫານງານພັກເມືອງ,ເຈົ້າເມືອງເຊໂປນພ້ອມຄະນະ,ທ່ານນາງມະນີຈັນ ຈັນທະນາລີ ຄະນະປະຈໍາພັກເມືອງ,ປະທານກວດກາພັກ-ລັດເມືອງທັງເປັນສະມາຊີກສະພາແຫ່ງຊາດເຂດເລືອກຕັ້ງ13ປະຈໍາເມືອງເຊໂປນພ້ອມດ້ວຍແຂກເຂົ້າຮ່ວມທັງໝົດເປັນສັກຂີພິຍານ

ເຄື່ອງດັ່ງກ່າວແມ່ນໄດ້ຮັບການບໍລິຈາກຫລາຍພາກສ່ວນ,ຄອບຄົວ,ຍາດພີ່ນ້ອງແລະໝູ່ເພື່ອນທີ່ຮ່ວມແຮງຮ່ວມໃຈຊ່ວຍຄົນລະເລັກລະໜ້ອຍກໍ່ເປັນສີ່ງຂອງອັນມະຫາສານຊ່ວຍຜູ້ປະສົບໄພນໍ້າຖ້ວມແກ້ໄຂສຸກເສີນບັນເທົາທຸກຂອງພໍ່ແມ່ປະຊາຊົນ
ຂ່າວຍັງແຈ້ງຕື່ມອີກວ່າໃນວັນທີ 15 ກັນຍາ 2019 ,ລູກຫລານຊາວບ້ານເມືອງເຊໂປນເກົ່ານໍາໂດຍທ່ານປ້າບຸນພ້ອມ ສິນລະຄອນພະນັກງານບໍານານພ້ອມດ້ວຍຄອບຄົວ,ລູກຫລານໄດ້ມາຊ່ວຍເຫລືອມອບເຄື່ອງອຸປະໂພກເຄື່ອງໃຊ້ສອຍພາຍໃນຄົວເຮືອນ,ເຄື່ອງນຸ່ງຫົ່ມ,ເຄື່ອງບໍລິໂພກມີ່ແຫ້ງ,ເຂົ້າສານ,ປ໋ອງປາແລະອື່ນໆມອບໃຫ້60ຄອບຄົວທີ່ຖືກນໍ້າຖ້ວມຢູ່ບ້ານເມືອງເຊໂປນມູນຄ່າ5ລ້ານ8ແສນ40ພັນກີບພ້ອມເງີນຄອບຄົວລະ20ພັນກີບລວມມູນຄ່າທັງໝົດ 7.320.000 ກີບໂດຍແມ່ນທ່ານປ້າບຸນພ້ອມ ສິນລະຄອນພ້ອມດ້ວຍຄອບຄົວແລະລູກຫລານເປັນຜູ້ມອບ,ຕາງໜ້າ60ຄອບຄົວຂຶ້ນຮັບ,ຊ້ອງໜ້າທ່ານຄໍາຫລ້າ ພົມມີໄຊຮອງເຈົ້າເມືອງເຊໂປນ,ທ່ານນ.ມະນີຈັນ ຈັນທະນາລີສະມາຊີກສະພາແຫ່ງຊາດເຂດເລືອກຕັ້ງ 13 ແຂວງສະຫວັນນະເຂດປະຈໍາເມືອງເຊໂປນ,ຜູ້ຊີ້ນໍາບ້ານເມືອງເຊໂປນເກົ່າ,ຄະນະບ້ານເປັນສັກຂີພິຍານນໍາດ້ວຍ